15:15 23.03.2018
ՀՀ ՊՆ «Պատիվ ունեմ» ծրագրով պայմանագրային-սպայական 3-ամյա զինծառայություն անցնել ցանկացողների համար ամեն տարի անցկացվելու է մրցույթ, և միայն հաղթողներն են ներգրավվելու այս ծրագրով ծառայության։ Այս մասին հայտնի է դառնում ՀՀ ՊՆ ներկայացրած կառավարության որոշման նախագծից։
Ամեն տարի պաշտպանության նախարարությունը ներկայացնելու է դասակի հրամանատարի այն պաշտոնների թվաքանակը, որոնք կարող են լրացնել «Պատիվ ունեմ» ծրագրի մասնակիցները։ Դիմում ներկայացրածների միջև ՊՆ ներկայացրած հարցաշարով անցկացվելու է քննություն-մրցույթ, որի հաղթողներն էլ կարողանալու են հավակնել այդ պաշտոններին։
Զինծառայության այս տարբերակը՝ որպես ժամկետային 2-ամյա ծառայության այլընտրանք, առաջարկվում է բուհերի այն ուսանողներին, որոնք համաձայն են տարկետում ստանալ՝ բակալավրի իրենց կրթական ծրագիրն ավարտելու համար, և դրանից հետո պարտավորվում են բանակում 3-ամյա սպայական ծառայություն անցնել։
Սակայն մինչ զինծառայության անցնելը և դասակի հրամանատարի պաշտոնին նշանակվելը (լեյտենանտի կոչումով) հավակնորդները պետք է իրենց քաղաքացիական մասնագիտությունը բուհում յուրացնելուն զուգահեռ զինվորական (սպայական) պատրաստության դասեր անցնեն ՀՀ ՊՆ ռազմաուսումնական հաստատություններում։
Ընդ որում՝ «Պատիվ ունեմ» ծրագրին մասնակցելու իրավունք ստացողներն օգտվելու են նաև ուսման վարձի փոխհատուցումից՝ նրանց փոխարեն վարձը մուծելու է պետությունը։ Իսկ եթե բակալավրիատում սովորելուց ու 3-ամյա սպայական ծառայությունն անցնելուց հետո երկու տարվա ընթացքում ծրագրի մասնակիցներն ընդունվում են մագիստրատուրա, ապա պետությունն իր վրա է վերցնում նաև մագիստրատուրայի վարձը վճարելու պարտավորությունը։
Սակայն եթե այս կամ այն պատճառով ծրագրի մասնակիցը բակալավրիատում սովորելու ընթացքում ընդհատում է ուսումը, հեռացվում է բուհից կամ հեռացվում է զինվորական պատրաստության դասընթացից, ապա չի կարող շարունակել նաև «Պատիվ ունեմ» ծրագրին մասնակցությունը։ Այդ երիտասարդը ոչ միայն կզրկվի տարկետման իրավունքից, այլև բուհին կվճարի ուսման վարձի կրկնապատիկը՝ որպես հրաժարագին։ Այդ գումարի կեսը կմնա բուհին, 40 տոկոսը՝ պետբյուջեին, 10 տոկոսը՝ ՀՀ ՊՆ արտաբյուջետային հաշվին։
«Պատիվ ունեմ» ծրագիրը պաշտպանության նախարարությունը ներկայացրել է դեռևս 2017 թվականի ապրիլին։ Սրանով ծառայության անցնողները ստանում են տարկետում, սովորում բուհում, ապա սպայական հաստիքում 3-ամյա ծառայություն անցնում առաջնագծում՝ այդ ընթացքում ստանալով նաև սպայական աշխատավարձ։
Ծառայության այս այլընտրանքային տարբերակն առաջարկելով՝ նախարարությունը աշնանը նախաձեռնեց և իրականացրեց կրթական տարկետումների սահմանափակման գործընթացը։ Եթե մինչ այդ տարկետում ստանում էին բուհերի անվճար համակարգում սովորող բոլոր ուսանողները, ապա հիմա տարկետում կարող են ստանալ միայն «Պատիվ ունեմ» ծրագրի մասնակիցները։
Պատճառն այն է, որ ԿԳ նախարարության ուսումնասիրությունները ցույց էին տալիս, որ բակալավրիատում տարկետում ստացած տղաների մի մասը շարունակում է կրթությունը մինչև ասպիրանտուրա և ազատվում է Զինված ուժերում ծառայելու պարտավորությունից։ Ու թեև այս արտոնությունն այդ երիտասարդներին տրվում էր գիտությամբ զբաղվելու համար, ԿԳՆ և ներկայացրած թվերը ցույց էին տալիս, որ ասպիրանտուրան ավարտած տղաների չնչին տոկոսն է մնում գիտության բնագավառում։
22:49 03.04.2025
Երևանի Էրեբունի վարչական շրջանի մի շարք հասցեներում գազ չի լինի«Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ ապրիլի 4-ին ժամը 10:00-ից մինչև ժամը 16:00-ն, կդադարեցվի Երևան քաղաքի Էրեբունի վարչական շրջանի Սարի թաղի 7-րդ փողոցի թիվ 67 բազմաբնակարան շենքի, 7-րդ փողոցի, 7-րդ փողոց նրբանցքի, 9-րդ փողոց նրբանցքի, 12-րդ, 13-րդ, 13-րդ փողոց նրբանցքի, 14-րդ, 15-րդ, 16-րդ, 17-րդ, 18-րդ, 19-րդ, 19ա, 21-րդ փողոցների առանձնատների գազասպառողների […] ...
22:38 03.04.2025
Մխիթար Հայրապետյանը հանդիպել է Էստոնիայի արդարադատության և թվայնացման նախարարի հետՀՀ ԲՏԱ նախարար Մխիթար Հայրապետյանն ապրիլի 3-ին Էստոնիա կատարած աշխատանքային այցի շրջանակում հանդիպել է Էստոնիայի արդարադատության և թվայնացման նախարար Լիիսա֊Լի Պակոստայի հետ: Հանդիպմանը մասնակցել են նաև ՀՀ ԲՏԱ նախարարի առաջին տեղակալ Գևորգ Մանթաշյանն ու Հայաստանի տեղեկատվական համակարգերի գործակալության տնօրեն Ներսես Երիցյանը: Կողմերն ընդգծել են, որ երկկողմ այցերը կնպաստեն ոլորտային հարաբերությունների խորացմանը, մասնավորապես թվային կառավարման, կիբեռանվտանգության […] ...
22:29 03.04.2025
Գյումրիից սկսվում է այն ազդակը, որ իշխանությունները պրոբլեմ ունեն․ Գուրգեն Սիմոնյանը՝ Գյումրիի ընտրությունների մասինՎերջին օրերին մեր երկրում ամենաթեժ ու ամենաքննարկված ներքաղաքական թեման Գյումրիի ընտրություններն են։ Միևնույն ժամանակ դրանք ամենաինտրիգայինն ու ամենաքաղաքականացվածն էին։ Թեմայի շուրջ «Հեռանկարն» այսօր զրուցել է Շնորհապետական կուսակցության նախագահ, քաղաքական գիտությունների թեկնածու Գուրգեն Սիմոնյանի հետ։ Արդյո՞ք այս ընտրությունները ձախողում էին իշխանությունների համար, սա հետընթաց էր, թե՞ առաջընթաց, իսկ հետագա զարգացումների ո՞ր սցենարն է ավելի հավանական։ Այս […] ...
22:18 03.04.2025
Քննարկվել է քաղաքացիների առաջարկների հիման վրա Իրական Հայաստանի գաղափարախոսության շուրջ կատարվող աշխատանքների ընթացքըԱպրիլի 3-ին տեղի է ունեցել «Քաղաքացիական պայմանագիր» կուսակցության Նախաձեռնող խմբի նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Քննարկվել է քաղաքացիների առաջարկների հիման վրա Իրական Հայաստանի գաղափարախոսության շուրջ կատարվող աշխատանքների ընթացքը։ ՀՀ ԱԺ պատգամավոր Թագուհի Ղազարյանը հանդես է եկել զեկույցով և պատասխանել նիստի մասնակիցների հարցերին։ ...
22:10 03.04.2025
Երևանում «Lexus»-ը կոտրել է ճանապարհային երթևեկության ցուցանակը և հայտնվել մայթինԱպրիլի 3-ին, արտակարգ դեպք է տեղի ունեցել Երևանում: Ժամը 02:00-ի սահմաններում, «Lexus» մակնիշի ավտոմեքենան Նժդեհի փողոցում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել բազալտե եզրաքարին, անցել հետիոտնի համար նախատեսված հատվածը, կոտրել ճանապարհային երթևեկությունը կարգավորող ցուցանակներն ու տեղադրված «Իդրամ» վճարային տերմինալը և հայտնվել մայթին՝ դեղատան աստիճանների մոտ: Ինչպես հայտնում է shamshyan.com-ը, մոտ 2 […] ...
