ՌԴ-ում հայկական ավտոբուսի վթարի հետևանքով 2 զոհ կա

16:29:11

Ըստ նախնական տվյալների՝ Մոսկվա-Երևան երթուղով հետևող ավտոբուսի վարորդը ուշ է նկատել, որ ճանապարհին կայանված է խափանված մարդատար մեքենա: Փորձելով շրջանցել այն` ավտոբուսը ստիպված դուրս է եկել հանդիպակաց գոտի, որտեղ էլ բախվել է դեմառդեմ ընթացող բեռնատարին:

Բախման հետևանքով զոհվել են բեռնատարի վարորդն ու ավտոբուսի 30-ամյա վարորդը: Ըստ մեր ունեցած տվյալների, որ հաստատում են ՌԴ ԱԻՆ-ում և ՆԳՆ-ում, զոհվածը ՀՀ քաղաքացի է` Սուքիասյան Արտակ Վրեժի, ծնված` 1978թ.: Ավտոբուսում երկու վարորդներից բացի եղել են 48 ուղևոր:

Վթարի հետևանքով վիրավորվել է 8 մարդ, որոնց տեղափոխել են Վորոնեժի մարզի Պավլովսկի կենտրոնական հիվանդանոց: Տուժածներից երեքի վիճակը բժիշկները գնահատում են ծանր, երկուսինը` միջին ծանրության: Եվս մեկ մարդ բուժօգնություն ստանալուց հետո հիվանդանոցից դուրս է գրվել:

SHANTNEWS-ը հրապարակում է տուժածների ցուցակը:

1. Սարդոնյան Դավիթ (14.05.1969), վերակենդանացման բաժին

2. Հայրապետյան Մելիք (31.10.1988), վերակենդանացման բաժին

3. Բաբաջանյան Տիգրան (30.08.1972), վերակենդանացման բաժին

4. Համբարձումյան Եղիշե (հոկտեմբեր 1982), վերակենդանացման բաժին

5. Թևոսյան Արկադի (4.08.1974), վիրաբուժական բաժին

6. Մուրադյան Արմեն (29.04.1964), վիրաբուժական բաժին

7. Օհանյան Վարյա (8.11.1961), վիրաբուժական բաժին

8. Գևորգյան (Գևորկոսյան) Վազգեն (30.07.1972) – վիրաբուժական բաժին

Բոլոր ուղևորները ժամանակավորապես տեղավորվել են «Ինչպես տանը» (Как дома) հյուրանոցում:

ՀՀ դեսպանությունը և հյուպատոսությունը, ԱԻՆ, ՆԳՆ, Քննչական հանձնաժողովի ներակյացուցիչները, ըստ կարգի, տեղեկացվել են ՌԴ համապատասխան մարմինների կողմից, և նրանք արդեն դեպքի վայրում են ու իրենց ռուս գործընկերների հետ համատեղ իրականացնում են անհրաժեշտ աշխատանքները:

Տուժածներին անհրաժեշտ օգնություն է ցույց տրվում Վորոնեժի մարզի հայկական համայնքի կողմից:

13:42:12

13:04:19
ՌԴ ԱԻՆ հաղորդած տեղեկության համաձայն՝ զոհված ՀՀ քաղաքացին Արտակ Վրեժի Սուքիասյանն է, ծնված 1978թ.:

11:50:31
ՌԴ իրավապահ մարմինների նախնական տվյալներով՝ հայկական ավտոբուսը դուրս է եկել ճանապարհի հանդիպակաց գոտի և բախվել դիմացի բեռնատարին:

11:42:14
ՌԴ Վորոնեժի երկրամասում տեղի ունեցած խոշոր ավտոպատահարից ՀՀ երկու քաղաքացի է զոհվել: Ռուսական «РИА Новости» գործակալությունը հայտնում է, որ բախվել են Հայաստանից մեկնած մարդատար ավտոբուսն ու ռուսական բեռնատարը:

Տարածաշրջանի արտակարգ իրավիճակների ծառայությունը հայտնել է, որ Երևան-Մոսկվա երթուղին սպասարկող ավտոբուսում եղել է 48 ուղևոր և երկու վարորդ: Պատահարի հետևանքով երկու մարդ է զոհվել: