«Մխիթարյանը վահանի դեր է կատարում երկրպագուների և Վենգերի միջև». միջազգային մամուլ

Թե «Արսենալ»-ը, թե «Միլան»-ը ազգային առաջնություններում գրեթե նույն իրավիճակում են: Եվրոպայի ակումբային ամենահեղինակավոր մրցաշարում հայտնվելու հնարավարություններ երկու թիմերն էլ գրեթե չունեն, հետևաբար՝ երկուսի համար էլ «Եվրոպա լիգա»-յում հաղթելը ոչ այնքան գլխավոր նպատակ է, որքն միջոց Չեմպիոնների լիգայում խաղալու համար: Սա է այս թիմերի հիմնական ընդհանրությունը:   

Պատասխան խաղից առաջ ակընհայտ ֆավորիտը հիմա «Արսենալ»-ն է, մինչդեռ ուղիղ մեկ շաբաթ առաջ, շատերը նախապատվությունը տալիս էին «Միլան»-ին: Միլանյան հանդիպումը նախապատվությունները փոխեցին՝ չնայած ոմանք կանխատեսումներում էլի զգուշավոր են՝ աչքի առաջ ունենալով սեփական հարկի տակ «Արսենալ»-ի անհասկանալի պարտությունը շվեդական «Էստերսունդ»-ից, այն դեպքում երբ սկանդինավներին հենց իրենց դաշտում լոնդոնցիները հաղթել էին խոշոր`3-0 հաշվով: Ինչպես ասում են` ֆուտբոլում ամեն ինչ հնարավոր է:  Բայց թե անհասկանալի ու անտրամաբանական իրավիճակներն էլ չեն կարող օրինաչափություն դառնալ:

Բուքմեքերները նախապատվությունը տալիս են «Արսենալ»-ին, գրեթե կրկնակի բարձր գործակցով:  Իսկ փորձագետները առանցքային խաղացողի դերում դարձյալ տեսնում են Մխիթարյանին, որը հսկայական ներդրում ունեցավ «Արսենալ»-ի վերջին երկու հաղթանակներում:  Մխիթարյանի մասին լոնդոնյան հանդիպման նախօրեին խոսել են նաև երկու թիմերի մարզիչները:  

«Հենրիխ Մխիթարյանն այն ֆուտբոլիստն է, ով շարունակում է կատարելագործվել Անգլիա տեղափոխվելուց հետո էլ:    Նա ոչ միայն տեխնիկապես է տաղանդավոր, այլև շատ արագ ֆուտբոլիստ  է»,- ասել է Ջեննարո Գատուզոն:

«Հենրիխին  լավ ընդունեցինք և նա շատ արագ հարմարվեց թիմին:  Մեր խաղաոճը  համապատասխանում է Մխիթարյանին:   Այդպիսի մակարդակի ֆուտբոլիստ լինելը շատ օգնեց մեզ:   Նա անում է այն ինչ ակնկալում էինք  նրանից», – ասել է Արսեն Վենգերը:  

Մարզական որոշ վերլուծաբանների կարծիքով  Մխիթարյանը հիմա վահանի դեր է կատարում մարզչի և երկրպագուների միջև, ովքեր պատրաստ են իրենց ձեռքերով դուրս հանել  Վենգերին  «Արսենալ»-ից: «Եվ եթե նրան հաջողվի հաղթահարել հերթական ճգնաժամը, ապա դա կլինի  առավելապես Մխիթարյանի հրաշալի խաղի շնորհիվ», –  գրում է բրիտանական մարզական պարբերականներից մեկը:  «Միլան»-ի հետ պատասխան հանդիպումից առաջ Վենգերը նշել է, որ թիմը վճռական է տրամադրված հաջորդ փուլ անցնելու համար, սակայն պետք է դա գեղեցիկ անել, որպեսզի երկրպագուները նոր հիասթափություն չապրեն և վերադառնան մարզադաշտ:  Միլանցիների մարզիչն էլ հայտարարել է, թե կորցնելու ոչինչ չունեն և ճակատամարտին պատրաստ են:   

«Արսենալ»-«Միլան» հանդիպմանը «Շանթ» և «Շանթ Պրեմիում» հեռուստաալիքների ուղիղ եթերում կարող եք հետևել այսօր`ժամը 23։55-ին։ «Շանթ Պրեմիումը» այսօր կցուցադրի «Եվրոպա» լիգայի ևս մեկ խաղ՝ Երևանի ժամանակով 22։00-ին կարող եք դիտել Բիլբաոյի «Ատլետիկի» ու Մարսելի «Օլիմպիկի» պատասխան հանդիպումը։

ՈՒԵՖԱ-ի «Եվրոպա» լիգայի խաղարկության 1/8 եզրափակիչ «Արսենալ» – «Միլան» պատասխան խաղից առաջ SHANTNEWS-ը կազմել է «զինագործներ»-ի հավանական մեկնարկային կազմը :

Ինչպիսի՞ կազմ կընտրեիք այս խաղի համար Դուք, եթե լինեիք Արսեն Վենգերի փոխարեն: Ընտրեք այն 11 ֆուտբլիստներին, որվքեր Ձեր կարծիքով այսօր դաշտ դուրս կգան մեկնարկային րոպեներից: