22:07 03.05.2023
Թուրքիայի իշանություններն այսօր պաշտոնապես հաստատել են, որ փակել են իրենց օդային տարածքը հայկական ինքնաթիռների համար: Այդ մասին հայտարարությամբ է հանդես եկել արտգործնախարար Մևլութ Չավուշօղլուն:
Ինչո՞վ են պատճառաբանում և սպասելի՞ էր նման զարգացումը. թեմային՝ «Հորիզոնի» տաղավարում անդրադարձել է Արտյոմ Երկանյանը, ով նաև Երևանում «Նեմեսիսի» հուշարձանի տեղադրման երկու նախաձեռնողներից մեկն է։
«Հիշեցնեմ՝ 2 օր առաջ Թուրքիայի օդային իշխանություններն առանց պարզաբանելու իրենց քայլի պատճառը, դեպի Եվրոպա թռչող Հայաստանի ինքնաթիռների համար փակել էին իրենց օդային տարածքը: Արդյունքում հայկական ավիաընկերություններից մեկի չվերթով մեկնող ուղևորները ստիպված էին վայրէջք կատարել Քիշնևում: Հետաքրքիր է, որ դեպի Թուրքիա կատարվող չվերթներն արգելված չեն, ավելին՝ շարունակում են դա խրախուսել, խթանել։ Արգելում են ընդամենը սեփական օդային տարածքով չվերթները:
Հայկական ավիափոխադրողների համար, կարծում եմ, դա մեծ հարված չէր, քանի որ եթե քարտեզի վրա նայենք, կհամոզվենք, որ միայն դեպի Եգիպտոս չվերթի դեպքում է, որ իմաստ ունի Թուրքիայի տարածքով անցնել: Դեպի Եվրոպա շատ հեշտ է շրջանցել, և այդ իմաստով կորուստը մեծ չէ, տոմսի արժեքի վրա դա որևէ կերպ չպետք է որ անդրադառնա:
Եվ ահա այսօր, Թուրքիայի արտգործնախարարը պարզաբանել է, թե որն է իրենց այդ քայլի պատճառը: Մևլութ Չավուշօղլուն թուրքական NTV ՀԸ-ը տված հարցազրույցում ասել է, որ դա Անկարայի պատասխանն է՝ Երևանում ազգային արժանապատվության ասպետներ կոչվող հուշահամալիրի բացմանը:
Հիշեցնեմ՝ այդ հուշահամալիրը բացվեց Երևանի Օղակաձև այգում, ապրիլի 25-ին և այն նվիրված էր Նեմեսիս գործողության մասնակիցներին, ովքեր պատժել էին Հայոց Ցեղասպանության գլխավոր կազմակերպիչներին:
Հիշեցնեմ, որ Ադրբեջանի և Թուրքիայի արտգործնախարարությունները բողոքի նոտայով, հայտարարությամբ էին հանդես եկել՝ դատապարտելով այդ հուշարձանի տեղադրումը և այժմ Չավուշօղլուն ասում է հետևյալը.
«Թուրքիայի համար անընդունելի է այն, որ Հայաստանում հարգում են 20-ական թվականներին թուրքերին և ադրբեջանցիներին սպանած մարդկանց, ավելին՝ նրանց համար հուշարձան են տեղադրում: Եթե Հայաստանը շարունակի նույն ոգով և չվերացնի այդ հուշարձանը, հավելյալ քայլեր կձեռնարկենք»»,- ասել է Արտյոմ Երկանայանը:
Չավուշօղլուն կտրուկ քայլերով է սպառնում, եթե հուշարձանը չապամոնտաժվի: Ի՞նչ զարգացումների արժե սպասել:
Մանրամասները՝ ամբողջական հարցազրույցում:
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
20:10 19.04.2025
Իրանի ԱԳ նախարարը բացահայտել է ԱՄՆ-ի հետ բանակցությունների մանրամասներըԻրանի հետ բանակցություններում Միացյալ Նահանգները իրանական միջուկային ծրագրից դուրս հարցեր չբարձրացրեց, և Թեհրանը Վաշինգտոնին ասաց, որ ոչ միջուկային հարցերը չեն ընդունվի, իրանական Tasnim լրատվական գործակալությանը ասել է Իրանի արտգործնախարար Աբբաս Արաղչին Հռոմում Թեհրանի և Վաշինգտոնի միջև բանակցություններից հետո: Շաբաթ օրը Իտալիայի մայրաքաղաքում կայացել է Իրանի և ԱՄՆ-ի բանակցությունների երկրորդ փուլը՝ Օմանի արտգործնախարարության ղեկավարի միջնորդությամբ։ Երրորդ […] ...
