20:00 22.08.2018
Հայաստանի պետական տնտեսագիտական համալսարանի Գյումրու մասնաճյուղում առերևույթ կոռուպցիոն հանցագործությունների դեպքի առթիվ հարուցված քրեական գործի վերաբերյալ պարզաբանումներ են ներկայացրել Շիրակի մարզի դատախազի տեղակալը, բուհի նախկին ռեկտոր Սամսոն Դավոյանի պաշտպանն ու համալսարանի տնօրենի պաշտոնակատար Կարեն Պետրոսյանը:
Պետրոսյանը նշել է, որ ոստիկանության Մուշի բաժնի հետաքննիչները օրեր առաջ պահանջել են իրենց փոխանցել 2014-2018 թվականների ամփոփաթերթիկները, մատյանների կրկնօրինակներն ու որոշ հաշվապահական փաստաթղթեր։
«Պահանջվող փաստաթղթերում շատ կոնկրետություն կար, իրենք կոնկրետ փաստաթղթեր են մեզնից պահանջել, որը ենթադրում է, որ որոշակի նախնական տեղեկատվություն են ունեցել»,- նշել է բուհի տնօրենի պաշտոնակատարը:
Շիրակի մարզի դատախազի տեղակալ Վահե Միրզոյանը SHANTNEWS.AM-ի թղթակցին հայտնել է, որ 2018 թվականի օգոստոսի 8-ին ՀՀ ոստիկանության Շիրակի մարզային վարչության Մուշի բաժնում ստացվել են տվյալներ այն մասին, որ ՀՊՏՀ-ի Գյումրիի մասնաճյուղի 24 ուսանողներ չեն ներկայացել դասընթացներին, բայց փոխադրվել են հաջորդ կուրս։ Հարցաքննվել է 5-6 ուսանող և բուհի մի քանի աշխատակից:
«Գործ հարուցելու համար անհրաժեշտ են բավարար հիմքեր, այսինքն՝ տվյալներ են ձեռք բերվել առերևույթ հանցագործություն կատարած լինելու վերաբերյալ, հետևաբար հարուցվել է քրեական գործ, առանց հիմքերի քրեական գործ չի հարուցվում»,- նշել է Վահե Միրզոյանը:
Բուհի նախկին ռեկտոր Սամսոն Դավոյանի պաշտպան Արամայիս Հայրապետյանն էլ տեղեկացրել է, որ իր պաշտպանյալը ծանուցումներ չի ստացել ու հարցաքննությունների չի հրավիրվել։ Նույնիսկ հարուցված քրեական գործի մասին տեղյակ չեն եղել ու միայն համացանցից են իմացել դատախազության հաղորդագրության մասին։ Փաստաբանը նաև նշել է, որ հայտարարության մեջ խախտվել է իր պաշտպանյալի անմեղության կանխավարկածը։
«Որոշման բովանդակությունը կոնկրետ պարոն Դավոյանի մասով նույնական է մեղադրանքին, այսինքն՝ քրեական գործի հարուցման մասին եզրահանգումներ են առկա անձի կողմից հանցագործություն կատարելու մասին, որը անմեղության կանխավարկածի խախտում է, ակնհայտ է, որ տրվել է գնահատական, այն էլ քրեական գործը հարուցելու որոշման մեջ»,- նշել է Արամայիս Հայրապետյանը:
Փաստաբանը նաև հավաստիացրել է, որ իր պաշտպանյալը պատշաճ ծանուցում ստանալու դեպքում պատրաստ է ներկայանալ իրավապահ մարմիններին և չի խուսափում հարցաքննությունից։
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
17:30 04.04.2025
Շրջանառության հարկի դաշտում գործող առք ու վաճառք իրականացնող տնտեսվարողները կկարողանան աջակցություն ստանալԱյս տարվա 1-ին և 2-րդ եռամսյակների համար շրջանառության հարկի դաշտում գործող առք ու վաճառք իրականացնող տնտեսվարողները Կառավարության որոշմամբ աջակցություն կստանան՝ վճարված շրջանառության հարկի և նույն ժամանակաշրջանում առևտրական գործունեությունից ստացված եկամտի 5%-ի տարբերության չափով։ Բացի այդ, որպես լրացուցիչ աջակցություն, շրջանառության հարկի դաշտում գործող առք ու վաճառք իրականացնող տնտեսվարողները կստանան նաև վճարված շրջանառության հարկի և իրացման շրջանառության 1.5%-ի տարբերության չափով […] ...
17:26 04.04.2025
Կարևորվել է Հայաստանի և Վիետնամի առողջապահական ոլորտների միջև համագործակցությունըՆախարար Անահիտ Ավանեսյանն ընդունել է աշխատանքային այցով Հայաստանում գտնվող վիետնամական պատվիրակության առողջապահության ոլորտի ներկայացուցչին: Վիետնամի Հանրապետության առողջապահության նախարարի տեղակալ Թրան Վան Թուանի հետ հանդիպմանը նախարարը կարևորել է երկու երկրների առողջապահական ոլորտների միջև համագործակցությունը` նշելով. «Սա նոր հնարավորություն է քննարկելու այն մարտահրավերները, որոնք մեր երկրների առողջապահական համակարգերի համար արդիական են: Շատ ենք կարևորում նաև փորձի փոխանակումը […] ...
17:23 04.04.2025
Ո՞րն է Զիդանի անգլիական սիրելի մարզադաշտը«Ռեալի» նախկին գլխավոր մարզիչ Զինեդին Զիդանը նշել է, որ իր ամենասիրելի անգլիական ստադիոնը «Էնֆիլդն» է: ««Էնֆիլդը» յուրահատուկ մթնոլորտ ունի: Այնտեղ խաղերն այլ կերպ են ընթանում: Ակումբային մակարդակում չեմ խաղացել այնտեղ, բայց ԵՎՐՈ-1996-ի քառորդ եզրափաիչում կարևոր հանդիպում անցկացրինք Նիդերլանդների ընտրանու դեմ: «Ռեալը» գլխավորելիս էլ հանդիպում ունեցանք «Էնֆիլդում»՝ Չեմպիոնների լիգայում», – ֆրանսիացու խոսքերն է մեջբերում Givemesport-ը: ...
