18:41 15.03.2023
Այսօր Գյումրիի ավագանու հերթկան նիստը մեկնարկել է օրակարգի կարևոր հարցի քննարկումով։ Ավագանու անդամների հաստատմանը ներկայացվել է քաղաքապետի տեղակալի պաշտոնում Վահագն Մկրտչյանին նշանակելու նախագիծը։
Թեկնածուն «Քաղաքացիական պայմանագիր» խմբակցության ավագանու անդամի մանդատ է ստացել ընդամենը երեք ամիս առաջ։ «Զարթոնք» խմբակցության ավագանու անդամ Վարդևան Հակոբյանին հետաքրքրեց, թե Վահագն Մկրտչյանի առաջադրման հարցում քաղաքապետն ինչ սկզբունքներով է առաջնորդվել։
«Քաղաքում ճանաչված «Մելիքովիչ և որդիներ» կազմակերպություն կա՝ էնտեղ նաև ատամնաբուժարան կա, որտեղ ինքը տնօրեն է եղել և կառավարել է։ Շատ լավ համբավ ունի, իր կազմակերպչական աշխատանքներն արդեն այդտեղից երևում է»,- հարցին ի պատասխան նշել է Գյումրիի քաղաքապետ Վարդգես Սամսոնյանը։
21 կողմ, 4 դեմ և 3 ձեռնպահ ձայներով Գյումրիի քաղաքապետի տեղակալի պաշտոնում ավագանին հաստատեց Վահագն Մկրտչյանի թեկնածությունը։ Նորանշանակ քաղաքապետի տեղակալը մասնագիտությամբ բժիշկ-ատամնաբույժ է։
«Ինձ համար մեծ պատիվ է առաջադրվել քաղաքապետի տեղակալի պաշտոնում, քանի որ իմ տոհմը քաղաքում ունի 200 և ավելի տարվա պատմություն, ուստի, և դա է նաև պատճառներից մեկը, որ Գյումրին համարում եմ իմ օջախը, և իմ գործունեությունը միտված է լինելու միայն ի շահ քաղաքի, ի շահ գյումրեցու և մեր հնամենի քաղաքի փառքի վերականգնման գործին»,- իր ելույթում նշել է նորանշանակ փոխքաղաքապետը։
Լրագրողների հետ ճեպազրույցի ժամանակ Վահագն Մկրտչյանը հայտնել է, որ նաև բիզնես գործունեությամբ է զբաղվում։ Պատասխանելով այն հարցին, թե պաշտոն ստանալու հարցում, ինչքանով է կարևոր գործոն եղել վարչապետի տիկնոջ ազգական լինելը, նշեց, թե այս հարցի շուրջ Աննա Հակոբյանի հետ քննարկում չի ունեցել։
« Իր հետ նույնիսկ քննարկում չի եղել։ Ինքը մամուլից տեղեկացված է իմ թեկնածության մասին, և վերջերս իր Գյումրի այցելության ժամանակ հանդիպում չենք ունեցել։ Դուք լավ ուսումնասիրել եք և գիտեք, թե մենք ինչ ազգակցական կապ ունենք և այդ կապերը ես կօգտագործեմ ի շահ մեր քաղաքի»,- ասել է քաղաքապետի տեղակալը։
Վահագն Մկրտչյանը խոստացավ նաև լրագրողների հետ շփման հարցում բաց լինել։
15:05 04.04.2025
Դուք ֆանտաստիկ աշխատանք եք կատարում․ Լապորտան՝ Ֆլիկին«Բարսելոնայի» նախագահ Ժոան Լապորտան անդրադարձել է կատալոնական ակումբի գլխավոր մարզիչ Հանս-Դիտեր Ֆլիկի կատարած աշխատանքին, հաղորդում է Mundo Deportivo-ն: «Շնորհակալ եմ, որ այստեղ եք: Դուք ֆանտաստիկ աշխատանք եք կատարում, Հանսի: Բոլորը կարող են դա տեսնել: «Բարսելոնայում» մենք պետք է պայքարենք ամեն ինչի և բոլորի դեմ. դա պարզապես կյանք է»,- ասել է Լապորտան։ Կատալոնական ակումբը Լա լիգայի […] ...
14:50 04.04.2025
Օպերատիվ իրավիճակը հանրապետությունում ապրիլի 3-4-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 3-4-ը ՆԳՆ ոստիկանության ստորաբաժանումները բացահայտել են հանցագործության 89 դեպք, որոնցից 5-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 20, թմրանյութի հայտնաբերման՝ 11, մարմնական վնասվածք պատճառելու և անձնական ունեցվածքի գողության` 6-ական, ֆիզիկական ներգործության` 5, խարդախության՝ 4, […] ...
14:41 04.04.2025
«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով՝ ապահովելով ժամանակակից պայմաններ հետվիրահատական, վերակենդանացման և ինտենսիվ թերապիայի բաժանմունքներում։ Կենտրոնի բուժանձնակազմը նույնպես համալրվել է բարձր որակավորմամբ մասնագետներով։ Մենք կարևորում ենք առողջապահության բոլոր օղակների զարգացումը՝ կանխարգելումից մինչև բարձր տեխնոլոգիական բուժում։ Միայն համակարգային մոտեցման շնորհիվ հնարավոր է ապահովել բնակչության առողջության պաշտպանությունն ու բարձրացնել բուժօգնության արդյունավետությունը։ ...
14:30 04.04.2025
Լաշա Տալախաձեն՝ Վրաստանի ծանրամարտի ֆեդերացիայի նախագահՕլիմպիական խաղերի եռակի, աշխարհի ու Եվրոպայի 7-ակի չեմպիոն Լաշա Տալախաձեն ընտրվել է Վրաստանի ծանրամարտի ֆեդերացիայի նախագահ։ Այս մասին հաղորդում է Ծանրամարտի եվրոպական ֆեդերացիայի պաշտոնական կայքը (EWF): Եռակի օլիմպիական չեմպիոն Կախի Կախիաշվիլին և Օլիմպիական խաղերի բրոնզե մեդալակիր Իրաքլի Տուրմանիձեն էլ կլինեն նոր փոխնախագահները: ...
14:23 04.04.2025
«Մանչեսթեր Յունայթեդը» մոտենում է հակառեկորդին«Մանչեսթեր Յունայթեդի»՝ ԱՊԼ-ի 30-րդ տուրում «Նոթինգհեմից» կրած պարտությունը 13-րդն էր այս մրցաշրջանում: Եթե Ամորիմի թիմը ևս մեկ պարտություն կրի, ապա կկրկնի նախորդ մրցաշրջանի ցուցանիշը՝ 14 պարտություն: Ակումբային հակառեկորդը գրանցվել է 1989/90 մրցաշրջանում, երբ «Մանչեսթեր Յունայթեդը» 16 պարտություն է կրել: Ամորիմի գլխավորությամբ «Մանչեսթեր Յունայթեդն» անցկացրել է 19 խաղ, վաստակել է միջինը 1.16 միավոր, կրել 9 պարտություն: ...
