17:17 04.02.2023
Գյումրիի 3 գերեզմանատներից երկուսը քանի տարի է ունի կիսափակի կարգավիճակ, հուղարկավորությունների համար տեղ չկա, դրանք թույլատրելի են համարվում միայն ընտանեկան գերեզմանոցներում։ Հողակտորները սպառվում են նաև Շիրակ գերեզմանատանը։ Քաղաքապետարանը նոր հողատարածք գնել է, բայց մեկ ու կես տարի է դեռ փաստաթղթային խնդիրներ կան չկարգավորված։ Փաստացի 3 գերեզմանատներում անթույլատրելի հատվածներում հուղարկավորությունները շարունակվում են, հաճախ հին տապանաքարերի ու շիրիմների վնասումներով, երբեմն նաև գերեզմանաքարերի տեղափոխումներով։
Պահպանված արխիվային փաստաթղթերով, քաղաքի առաջին գերեզմանատունը հիմնվել է 1801 թվականին, շուրջ 11 հեկտար տարածքում կատարվել է մոտ 26 հազար հուղարկավորություն: Գերեզմանատունը համարվում է հատուկ պահպանվող տարածք, որտեղ զարդաքանդակներով ու ճարտարապետական տեսքով գերեզմանաքարերից բացի, կարող ենք տեսնել նաև հայտնի մարդկանց հուշատախտակներ ու նախկինում կատարված հաշվառման թվային ցուցանակներ: Առաջին գերեզմանատունը հնավայր է, որտեղ իրար են հաջորդում հարուստի ու աղքատի շքեղ ու համեստ շիրիմները։
Հատկապես հին գերեզմանոցների մեծ մասը անխնամ է, պահպանությունը եկող սերունդներին է թողնվել, որոնց հանդեպ վերաբերմունքը փոխվել է։Հների կողքին նորերն են կառուցվում՝ վնասելով հին գերեզմանոցներն ու շիրմաքարերը, որոնց տարածքներում երբեմն առանց տեղյակ պահելու տապանաքարերի տեղափոխություններ են կատարում։ Գյումրիի երկու հին գերեզմանատներում այսպիսի ապօրինություններ տարիներով են կատարվել։ «Հավերժ հիշատակ» ընկերության տնօրենը չի բացառում, որ քարերը կոտրում և տեղափոխում են վերաթաղումների հետքերը թաքցնելու համար։
«Բացառված չէ, որ այդ տարածքում վերաթաղումներ են եղել, հետքը մաքրելու համար չենք բացառում ոչ մեկս, որ նույն տարածքից հեռացվեին գերեզմանաքարերը, տապանաքարերը, և փաստորեն ստեղծել են իրենց համար բարենպաստ պայմաններ, բայց դժվարություններ են առաջացրել և՛ մեզ, և՛ մյուսների համար»,- նշում է «Հավերժ հիշատակ» ՓԲԸ տնօրեն Էդվարդ Բաղրամյանը։
Ընկերությունը փորձում է իրականացնել շուրջօրյա հսկողություն, բայց 11 հեկտար տարածք և մի քանի մուտքեր ունեցող գերեզմանատունը վերահսկել մեկ աշխատակցով հնարավոր չէ: Խնդիրը փորձում են դեռ նախորդ տարվանից կարգավորել տրամադրվող վկայականների միջոցով, որում հստակ նշվում են գերեզմանոցի տեղանքն ու չափսերը:
«Դա կլինի միակ փաստաթուղթը, որ ժամանակի ընթացքում երկու հարևան գերեզմանատերերի մեջ խնդիր չառաջանա, վեճի առարկա չառաջանա և վերջիվերջո, ամեն մեկը հասկանա, թե իր տարածքը որն է և իր գերեզմանում ինչպիսի հուղարկավորություններ են կատարված»,- ասում է Էդվարդ Բաղրամյանը։
Արդեն մի քանի հարյուր վկայական են տրամադրել, «Շիրակ» գերեզմանատան հարևանությամբ ձեռք բերված մոտ 9 հեկտար տարածքում հուղարկավորությունները կկատարվեն միայն վկարագրերով և ընտանեկան գերեզմանոցի համար մինչև 12.5 քմ տարածքի տրամադրման պայմանով: Նոր գերեզմանատան տարածքը գնվել էր նախկին Մարմաշեն խոշորացված համայնքից, բայց մեկ ու կես տարի է դեռ փաստաթղթավորման գործընթաց է գնում:
Մինչ նոր տարածքի իրացման հաստատումը, «Հավերժ հիշատակ»-ը հին գերեզմանատներից հեռացնելու է աղբն ու կոտրված շիրմաքարերը, բայց փոքր ռեսուրսներով մեծ ծավալի աշխատանքն ինքնուրույն ավարտել չեն կարող, դիմել են նաև հանգուցյալների հարազատներին օգնել գերեզմանոցների և շրջակա տարածքները մաքրելու աշխատանքներում:
14:50 04.04.2025
Օպերատիվ իրավիճակը հանրապետությունում ապրիլի 3-4-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 3-4-ը ՆԳՆ ոստիկանության ստորաբաժանումները բացահայտել են հանցագործության 89 դեպք, որոնցից 5-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 20, թմրանյութի հայտնաբերման՝ 11, մարմնական վնասվածք պատճառելու և անձնական ունեցվածքի գողության` 6-ական, ֆիզիկական ներգործության` 5, խարդախության՝ 4, […] ...
14:41 04.04.2025
«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով՝ ապահովելով ժամանակակից պայմաններ հետվիրահատական, վերակենդանացման և ինտենսիվ թերապիայի բաժանմունքներում։ Կենտրոնի բուժանձնակազմը նույնպես համալրվել է բարձր որակավորմամբ մասնագետներով։ Մենք կարևորում ենք առողջապահության բոլոր օղակների զարգացումը՝ կանխարգելումից մինչև բարձր տեխնոլոգիական բուժում։ Միայն համակարգային մոտեցման շնորհիվ հնարավոր է ապահովել բնակչության առողջության պաշտպանությունն ու բարձրացնել բուժօգնության արդյունավետությունը։ ...
14:30 04.04.2025
Լաշա Տալախաձեն՝ Վրաստանի ծանրամարտի ֆեդերացիայի նախագահՕլիմպիական խաղերի եռակի, աշխարհի ու Եվրոպայի 7-ակի չեմպիոն Լաշա Տալախաձեն ընտրվել է Վրաստանի ծանրամարտի ֆեդերացիայի նախագահ։ Այս մասին հաղորդում է Ծանրամարտի եվրոպական ֆեդերացիայի պաշտոնական կայքը (EWF): Եռակի օլիմպիական չեմպիոն Կախի Կախիաշվիլին և Օլիմպիական խաղերի բրոնզե մեդալակիր Իրաքլի Տուրմանիձեն էլ կլինեն նոր փոխնախագահները: ...
14:23 04.04.2025
«Մանչեսթեր Յունայթեդը» մոտենում է հակառեկորդին«Մանչեսթեր Յունայթեդի»՝ ԱՊԼ-ի 30-րդ տուրում «Նոթինգհեմից» կրած պարտությունը 13-րդն էր այս մրցաշրջանում: Եթե Ամորիմի թիմը ևս մեկ պարտություն կրի, ապա կկրկնի նախորդ մրցաշրջանի ցուցանիշը՝ 14 պարտություն: Ակումբային հակառեկորդը գրանցվել է 1989/90 մրցաշրջանում, երբ «Մանչեսթեր Յունայթեդը» 16 պարտություն է կրել: Ամորիմի գլխավորությամբ «Մանչեսթեր Յունայթեդն» անցկացրել է 19 խաղ, վաստակել է միջինը 1.16 միավոր, կրել 9 պարտություն: ...
14:14 04.04.2025
1 տարվա ընթացքում քանի՞ բուժաշխատող է ենթարկվել պատասխանատվությանԲուժաշխատողների էթիկայի հանձնաժողովն այս ընթացքում ի՞նչ աշխատանքներ է իրականացրել, որքա՞ն բուժաշխատողներ են ենթարկվել պատասխանատվության: Հանձնաժողովի նախագահն այսօր թեմայի շուրջ ասուլիս է տվել: 2024-ի ապրիլից Բուժաշխատողների էթիկայի հանձնաժողովը գործնականում սկսեց ընդունել դիմումներ: Շուրջ մեկ տարի անց արդյունքներն ամփոփելիս հանձնաժողովի նախագահ Իզաբել Աբգարյանը նշում է, որ ունեցել են առնվազն 10 վարույթ, բազմաթիվ դիմումներ, հարցումներ: Մանրամասները՝ ռեպորտաժում: ...
