«Քաղաքի արտիստը»․ ՀՀ վաստակավոր արտիստ Հովհաննես Հովհաննիսյանի 60-ամյակին նվիրված հոբելյանական երեկո Գյումրի թատրոնում – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 04 2025
  • $
    391.32
  • RUBLE
    4.67
  • 432.53
WEATHER
+19.09 oC

«Քաղաքի արտիստը»․ ՀՀ վաստակավոր արտիստ Հովհաննես Հովհաննիսյանի 60-ամյակին նվիրված հոբելյանական երեկո Գյումրի թատրոնում

18:23 12.12.2022

Գյումրիի դրամատիկական թատրոնը նշեց դերասան, ՀՀ վաստակավոր արտիստ, ռեժիսոր,  Գյումրիի Մտորումների թատրոնի հիմնադիր և գեղարվեստական ղեկավար Հովհաննես Հովհաննիսյանի ծննդյան 60-ամյակը: Հեբելյանական երեկոյին ներկա էին վաստակավոր արտիստի խաղընկերները, ուսանողները, արվեստի ու մշակույթի ոլորտի ներկայացուցիչներ ու այն գյումրեցիները, որոնք արժևորում ու բարձր են գնահատում Գյումրիի կոլորիտային գույներից մեկի ՝ Վարպետ Հովոյի արվեստն ու բեմական գործունեությունը:

«Իմ օրը միշտ հագեցած է թատրոնով, ես առանց թատրոն չեմ կարող, ես դադարներ չունեմ թատրոնի հետ կապված, ես անընդհատ թատրոնի մեջ եմ։ Թատրոնը փոքր աշխարհ է մեծ աշխարհի մեջ, բայց այդ փոքր աշխարհում ծնվում են մեծ մարդիկ և զրույցի բռնվում մեծ աշխարհի   փոքր մարդկանց հետ, թատրոնը զրույց է հոգու հետ»,- իր անսահման սերն ու նվիրումը թատրոնի հանդեպ այսպես է բնութագրում ՀՀ վաստակավոր արտիստ, ռեժիսոր Հովհաննես Հովհաննիսյանը։

 

«Հովհաննես Հովհաննիսյանը միշտ երիտասարդների կողքին է, մարդ, որը կարողանում է սերունդներ կրթել ու դաստիարակել, Հովհաննիսյանի ուսանողները առանձնահատուկ սեր ու ակնածանք ունեն դեպի թատրոնը։ Ես միշտ զարմանում եմ, թե ինչքան կարելի է մարդը խոր ակնածանք ունենա թատրոնի նկատմամբ։ Երջանիկ եմ, որ ապրում եմ իր հետ, ստեղծագործում եմ իր հետ, ինքը միշտ զարմացնում է մեզ․․․ Հովոն երբեք չի սպառվում»,- ասում է Գյումրիի դրամատիկական թատրոնի տնօրեն, գեղարվեստական ղեկավար Լյուդվիգ Հարությունյանը։

Հոբելյանական երեկոյի ընթացքում հանդիսատեսին ներկայացվեց թատրոնի այցեքարտերից մեկհը համարվող «Արշիլ Գորկի» դրաման՝ Հովհաննես Հովհաննիսյանի բեմադրությամբ։

«Արվեստ է ոտքից գլուխ Հովիկը, երբ թեկուզ հեռվից փողոցում տեսնում ես Հովիկին՝ իր գլխարկով, իրեն բնորոշ հագուկապով, արդեն գիտես, որ դու Գյումրիում ես, դա Գյումրին է և գյումրեցի արվեստագետ է քայլում փողոցով։ Ինքը շատ անարծաթ մարդ է, նյութական արժեքները ոչ մի նշանակություն չունեն իր համար։ Ինքը կարող է իր անձի համար գումար չծախսի, բայց այդ գումարով մի ռեկվիզիտ գնի ու բերի թատրոն, հիմա նույնն անում է իր թատրոնի՝ Մտորումների թատրոնի համար»,- երկարամյա խաղընկերոջն այսպես է բնութագրում ՀՀ ժողովրդական արտիստ Անահիտ Քոչարյանը։

Իսկ «Քաղաքի արտիստը» ֆիլմը պատմեց թատրոնին ու բեմարվեստին նվիրված վաստակավորի կյանքի ու ստեղծագործական ուղու մասին։ 60-ամյակի առիթով թատերարվեստում ունեցած անգնահատելի ներդրման համար վաստակավոր արտիստ Հովհաննես Հովհաննիսյանն արժանացավ Շիրակի մարզպետի պատվոգրին և պարգևատրվեց Գյումրիի քաղաքի ոսկե մեդալով։ Հոբելյանական երեկոն անցկացվեց  ՀՀ ԿԳՄՍ նախարարության աջակցությամբ։

«Երբ ինձ վարպետ են ասում, ես ինձ վատ եմ զգում, որովհետև տարիքը չի որոշում վարպետությունը, ես անհարմար եմ զգում, որովհետև վարպետներ կան, որոնց ես դեռ չեմ հասել։ Ես դեռ չեմ հասել Սոս Սարգսյանին, ես դեռ չեմ հասել Խորեն Աբրահամյանին, ես ընդամենը թատրոնի դերասան եմ։ Արվեստագետները ապրում են անսահմանության զգացումով, 60 տարին տիեզերքում ընդամենը մի ակնթարթ է, ամեն ինչ դեռ առջևում է, հարկավոր է ստեղծագործել և գեղեցկացնել մեր աշխարհը»,- իր մասին պատմող ֆիլմում արտիստն իր խոհերը թատրոնի ու արվեստի մասին այս խոսքերով է եզրափակում։

Բոլոր լուրերը

Կապակցված լուրեր

Դուք ֆանտաստիկ աշխատանք եք կատարում․ Լապորտան՝ Ֆլիկին

15:05 04.04.2025

Դուք ֆանտաստիկ աշխատանք եք կատարում․ Լապորտան՝ Ֆլիկին

«Բարսելոնայի» նախագահ Ժոան Լապորտան անդրադարձել է կատալոնական ակումբի գլխավոր մարզիչ Հանս-Դիտեր Ֆլիկի կատարած աշխատանքին, հաղորդում է Mundo Deportivo-ն: «Շնորհակալ եմ, որ այստեղ եք: Դուք ֆանտաստիկ աշխատանք եք կատարում, Հանսի: Բոլորը կարող են դա տեսնել: «Բարսելոնայում» մենք պետք է պայքարենք ամեն ինչի և բոլորի դեմ. դա պարզապես կյանք է»,- ասել է Լապորտան։ Կատալոնական ակումբը Լա լիգայի […] ...

SHANTNEWS

15:00 04.04.2025

SHANTNEWS

Օպերատիվ իրավիճակը հանրապետությունում ապրիլի 3-4-ը

14:50 04.04.2025

Օպերատիվ իրավիճակը հանրապետությունում ապրիլի 3-4-ը

Ըստ ոստիկանության օպերատիվ հաղորդագրությունների ամփոփագրերի՝ ապրիլի 3-4-ը ՆԳՆ ոստիկանության ստորաբաժանումները բացահայտել են հանցագործության 89 դեպք, որոնցից 5-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 20, թմրանյութի հայտնաբերման՝ 11, մարմնական վնասվածք պատճառելու և անձնական ունեցվածքի գողության` 6-ական, ֆիզիկական ներգործության` 5, խարդախության՝ 4, […] ...

«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով

14:41 04.04.2025

«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով

«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով՝ ապահովելով ժամանակակից պայմաններ հետվիրահատական, վերակենդանացման և ինտենսիվ թերապիայի բաժանմունքներում։ Կենտրոնի բուժանձնակազմը նույնպես համալրվել է բարձր որակավորմամբ մասնագետներով։ Մենք կարևորում ենք առողջապահության բոլոր օղակների զարգացումը՝ կանխարգելումից մինչև բարձր տեխնոլոգիական բուժում։ Միայն համակարգային մոտեցման շնորհիվ հնարավոր է ապահովել բնակչության առողջության պաշտպանությունն ու բարձրացնել բուժօգնության արդյունավետությունը։ ...

Լաշա Տալախաձեն՝ Վրաստանի ծանրամարտի ֆեդերացիայի նախագահ

14:30 04.04.2025

Լաշա Տալախաձեն՝ Վրաստանի ծանրամարտի ֆեդերացիայի նախագահ

Օլիմպիական խաղերի եռակի, աշխարհի ու Եվրոպայի 7-ակի չեմպիոն Լաշա Տալախաձեն ընտրվել է Վրաստանի ծանրամարտի ֆեդերացիայի նախագահ։ Այս մասին հաղորդում է Ծանրամարտի եվրոպական ֆեդերացիայի պաշտոնական կայքը (EWF): Եռակի օլիմպիական չեմպիոն Կախի Կախիաշվիլին և Օլիմպիական խաղերի բրոնզե մեդալակիր Իրաքլի Տուրմանիձեն էլ կլինեն նոր փոխնախագահները: ...

«Մանչեսթեր Յունայթեդը» մոտենում է հակառեկորդին

14:23 04.04.2025

«Մանչեսթեր Յունայթեդը» մոտենում է հակառեկորդին

«Մանչեսթեր Յունայթեդի»՝ ԱՊԼ-ի 30-րդ տուրում «Նոթինգհեմից» կրած պարտությունը 13-րդն էր այս մրցաշրջանում: Եթե Ամորիմի թիմը ևս մեկ պարտություն կրի, ապա կկրկնի նախորդ մրցաշրջանի ցուցանիշը՝ 14 պարտություն: Ակումբային հակառեկորդը գրանցվել է 1989/90 մրցաշրջանում, երբ «Մանչեսթեր Յունայթեդը» 16 պարտություն է կրել: Ամորիմի գլխավորությամբ «Մանչեսթեր Յունայթեդն» անցկացրել է 19 խաղ, վաստակել է միջինը 1.16 միավոր, կրել 9 պարտություն: ...

BACK_TO_TOP