18:38 07.12.2022
Ամեն տարի դեկտեմբերի 7-ը աղետի գոտում դեռ չլուծված հիմնահարցերի մասին խոսելու առիթ է նաև, երբ օրակարգային են շարունակում մնալ անօթևանությունն ու բնակարանաշինությունը, տնակների գոյությունը, որից բաժանվել թերևս շատերը դեռ չեն կարողանում։ Կառավարությունը անօթևանության խնդրի լուծման և քաղաքը տնակներից ազատելու նոր ժամկետ է նախանշում 2027 թվականը։ Այս մասին Գյումրիում լրագրողների հետ ճապազրույցում նշել է ՀՀ փոխվարչապետ Համբարձում Մաթևոսյանը։
«Այս տարի հոկտեմբեր ամսին քաղաքաշինության կոմիտեն շրջանառեց մի փաստաթուղթ, որտեղ հստակ ֆիքսում ենք աշխատանքային քարտեզ, որ գալիք հինգ տարիների ընթացքում Գյումրիում պետք է լուծենք նաև ոչ հիմնական շինությունների և տնակների հարցը։ Ցավոք, քաղաքում դեռ կան տնակներ, և այդ տնակներում ապրող ոչ բոլոր ընտանիքներն են հանդիսանում երկրաշարժի հետևանքով տուժածներ։ Մենք գալիք տարվանից կսկսենք ծրագիրը և առաջիկա հինգ տարիների ընթացքում կլուծենք ոչ հիմնական շինությունների հարցը և առաջնահերթություն կտանք այն տնակներին, որոնք տեղադրված են պետական կամ համայնքային հողամասերի վրա»,- նշել է փոխվարչապետը։
Փաստագրման վերջին տվյալներով Գյումրիում կա 2741 տնակ ու ժամանակավոր կացարան։ Բնակարանային ապահովման հրատապ խնդիր ունեն նաև վթարային շենքերում ապրող ընտանիքները։ Վթարային շենքերի թիվն այս տարիների ընթացքում ավելացավ ու չպակասեց։ Շիրակի մարզում դրանց թիվը հասնում է 114-ի։ Այս ուղղությամբ ևս հաջորդ տարվանից հստակ աշխատանքներ ու ժամկետներ են նշվում։
«Վթարային շենքերի հարցով կառավարության 2021-26 թվականների ծրագրի համաձայն մենք ունենք նաև ծրագիր, որի հիմնական աշխատանքները կսկսվեն 2024, և արդեն 2026-ին ամբողջ վթարային շենքերի 70 տոկոսը՝ խոսքը վերաբերում է Հանրապետության ամբողջ մասշտաբին, պետք է խնդիրը լուծված լինի, այս պահին նախապատրաստական աշխատանքներ են տարվում,- նշել է փոխվարչապետը։
Բնակարանային ապահովման խնդիրը վերջին մի քանի տարում փորձ է արվում լուծել մասնավոր բնակարանաշինության, բարեգործական ծրագրերի միջոցով ևս։ Գյումրիում նաև այլընտրանքային տարբերակ որպես իրականացվում է սոցիալական բնակարանների ծրագիրը։
«Մենք եկամտահարկի վերադարձի օրենքի փոփոխությությունից հետո նկատում ենք, որ մեծ շինարարական ակտիվություն կա, և այդ ակտիվությունը փոխանցվում է դեպի մարզեր։ Շինարարությունը հիմնականում կենտրոնացել է մարզերում, կարծում եմ արդեն նոր շինարարությունների դեպքում հնարավորություն կլինի նաև ԲԳՎ-ները օգտագործել այդ ուղղությամբ»,- ընդգծել է Համբարձում Մաթևոսյանը։
Բնակարանայինից բացի, քաղաքում ենթակառուցվածքների վերականգնման ու սոցիալական ուղղվածության ծրագրերն են ծավալային, խոսքը վերաբերում է պետական սուբվենցիոն ծրագրերին, քաղաքի պատմական միջուկի վերականգմանը։
Հաջորդ տարի Գյումրիում նախատեսվում է իրականացնել 7 միլիարդ դրամի սուբվենցիոն ծրագիր, որում փողոցաշինությունից բացի ներառված են լինելու նաև հասարակական նշանակության շենքերի ամրացման ու հիմնանորոգման աշխատանքները։ Իսկ կանաչ գոտիների վերականգնման ուղղությամբ նախագծեր կկազմվեն տարածքները տնակներից ազատելուց հետո։
14:50 04.04.2025
Օպերատիվ իրավիճակը հանրապետությունում ապրիլի 3-4-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 3-4-ը ՆԳՆ ոստիկանության ստորաբաժանումները բացահայտել են հանցագործության 89 դեպք, որոնցից 5-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 20, թմրանյութի հայտնաբերման՝ 11, մարմնական վնասվածք պատճառելու և անձնական ունեցվածքի գողության` 6-ական, ֆիզիկական ներգործության` 5, խարդախության՝ 4, […] ...
14:41 04.04.2025
«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով՝ ապահովելով ժամանակակից պայմաններ հետվիրահատական, վերակենդանացման և ինտենսիվ թերապիայի բաժանմունքներում։ Կենտրոնի բուժանձնակազմը նույնպես համալրվել է բարձր որակավորմամբ մասնագետներով։ Մենք կարևորում ենք առողջապահության բոլոր օղակների զարգացումը՝ կանխարգելումից մինչև բարձր տեխնոլոգիական բուժում։ Միայն համակարգային մոտեցման շնորհիվ հնարավոր է ապահովել բնակչության առողջության պաշտպանությունն ու բարձրացնել բուժօգնության արդյունավետությունը։ ...
14:30 04.04.2025
Լաշա Տալախաձեն՝ Վրաստանի ծանրամարտի ֆեդերացիայի նախագահՕլիմպիական խաղերի եռակի, աշխարհի ու Եվրոպայի 7-ակի չեմպիոն Լաշա Տալախաձեն ընտրվել է Վրաստանի ծանրամարտի ֆեդերացիայի նախագահ։ Այս մասին հաղորդում է Ծանրամարտի եվրոպական ֆեդերացիայի պաշտոնական կայքը (EWF): Եռակի օլիմպիական չեմպիոն Կախի Կախիաշվիլին և Օլիմպիական խաղերի բրոնզե մեդալակիր Իրաքլի Տուրմանիձեն էլ կլինեն նոր փոխնախագահները: ...
14:23 04.04.2025
«Մանչեսթեր Յունայթեդը» մոտենում է հակառեկորդին«Մանչեսթեր Յունայթեդի»՝ ԱՊԼ-ի 30-րդ տուրում «Նոթինգհեմից» կրած պարտությունը 13-րդն էր այս մրցաշրջանում: Եթե Ամորիմի թիմը ևս մեկ պարտություն կրի, ապա կկրկնի նախորդ մրցաշրջանի ցուցանիշը՝ 14 պարտություն: Ակումբային հակառեկորդը գրանցվել է 1989/90 մրցաշրջանում, երբ «Մանչեսթեր Յունայթեդը» 16 պարտություն է կրել: Ամորիմի գլխավորությամբ «Մանչեսթեր Յունայթեդն» անցկացրել է 19 խաղ, վաստակել է միջինը 1.16 միավոր, կրել 9 պարտություն: ...
14:14 04.04.2025
1 տարվա ընթացքում քանի՞ բուժաշխատող է ենթարկվել պատասխանատվությանԲուժաշխատողների էթիկայի հանձնաժողովն այս ընթացքում ի՞նչ աշխատանքներ է իրականացրել, որքա՞ն բուժաշխատողներ են ենթարկվել պատասխանատվության: Հանձնաժողովի նախագահն այսօր թեմայի շուրջ ասուլիս է տվել: 2024-ի ապրիլից Բուժաշխատողների էթիկայի հանձնաժողովը գործնականում սկսեց ընդունել դիմումներ: Շուրջ մեկ տարի անց արդյունքներն ամփոփելիս հանձնաժողովի նախագահ Իզաբել Աբգարյանը նշում է, որ ունեցել են առնվազն 10 վարույթ, բազմաթիվ դիմումներ, հարցումներ: Մանրամասները՝ ռեպորտաժում: ...
