16:02 05.03.2018
Եվ այսպես՝ Սթիվ Մաք-Քարին վերջին անգամ լիցքավորում է իր ֆոտոխցիկը Kodachrome-ի վերջին փաթույթով։ Ընդամենը 36 կադր ․ ահա այն ամենը , ինչ ուներ նա անալոգային լուսանկարչության դարաշրջանի խորհրդանշական վերջակետը դնելու համար։
«Ես իմ ամբողջ կյանքում հազարավոր պատվերներ եմ կատարել։ Բայց այս անգամ ես ուզում էի, որ գաղափարն իմը լիներ, ուզում էի անել մի բան, որն իմ սրտից էր բխում, որը նշանակություն ուներ անձամբ ինձ համար»։
Իր այդ մտահղացումն իրագործելու համար Սթիվ Մաք-Քարին ինքն իրեն արձակուրդ է տալիս, որոշում է գնալ ուր որ ուզենա, նկարել ինչ որ ցանկանա և նախագծի ծախսերն էլ հոգա միայն իր գրպանից։ Ամեն մի պրոֆեսիոնալ լուսանկարիչ չէր, որ կարող էր թույլ տալ իրեն նման ճոխություն։ Դա մարտահրավեր էր՝ նետված ինքն իրեն։
Նյու Յորքի փողոցներն իդեալական տեղանք էին առաջին կադրերը լուսանկարելու համար։ Դրանք իմպրովիզի անսահման հնարավորություն էին տալիս․ կարելի էր նկարել՝ ինչ աչքդ կտրի։ Մանավանդ, որ Սթիվը, ինչպես ինքն է ասում, թեև բնակվում էր Նյու Յորքում, գրեթե ծանոթ չէր մեգապոլիսի փողոցային կյանքին։
Վաշինգթոնի հրապարակը կամ Չինական թաղամասը թերևս ամենահարմար վայրերն էին առաջին կադրերի համար։ Այստեղ կյանքը եռում էր, և ամեն քայլափոխի կարելի էր անկրկնելի պահեր որսալ։ Սթիվ Մաք-Քարին իր հետ վերցնում է նաև իր թվային ֆոտոխցիկը։ Դրանով նա պետք է, այսպես ասած, սևագրություն աներ և նոր միայն տեսարանն ամրագրեր ժապավենի վրա։ Չմոռանանք՝ նա ուներ ընդամենը 36 կադր։
«Լավ լուսանկար ստացվում է այն ժամանակ, երբ կա հետաքրքիր սյուժե, արտահայտիչ լուսավորություն և երբ կարողանում ես ճիշտ պահը որսալ։ Դու անդադար նայում ես շուրջդ, գնահատում ես տեսածդ ու փնտրում ամենատպավորիչը, ամենահետաքրքիրը, այն, ինչը կարող է քեզ հուզել»։
Սակայն թափառումները Նյու Յորքի թաղամասերում, փողոցներում ու այգիներում սպասված արդյունքը չեն տալիս։ Սթիվ Մաք Քարին այդպես էլ ոչ մի արժեքավոր կադր չի նկարում։ Վերջապես նա որոշում է այցելել Նյու Յորքի խորհրդանիշներից մեկը՝ մետրոպոլիտեն։ Այստեղ կյանքը եռում էր գիշեր-ցերեկ, այստեղ իրադարձություններ էին տեղի ունենում, այստեղ մարդկային ճակատագրեր էին խաչվում, ու եռում էին կրքերը։
Առաջին լուսանկարներն արված էին, սակայն դրանք գնահատելու համար դեռ երկար ճանապարհ կար անցնելու․ դեռ պետք էր լրացնել ժապավենի ողջ փաթույթը։
Ինչևէ, նյույորքյան փողոցային թափառումները լուսանկարչին չեն գոհացնում։ Նրան մեծ, մնայուն գաղափար էր պետք, որը, սակայն, դեռ չէր գտնվել։ Նրա հույսը վաղեմի փորձված մեթոդն էր՝ մի գավաթ սուրճ իր սիրելի սրճարաններից մեկում։ Եվ դա, կարծես թե, օգնում է։
«Ես ցանկանում էի լուսանկարել Նյու Յորքի խորհրդանիշներից մեկը։ Իսկ հետո մտածեցի՝ գուցե մարդկա՞նց նկարեմ։ Ասենք՝ Վուդի Ալենին, Մարտին Սկորսեզեին, Ալ Պաչինոյին կամ Ռոբերտ Դե Նիրոյին»
Նա կառչում է այդ գաղափարից ու սկսում փնտրել իր հերոսներին։ Սակայն նրանք, գրեթե բոլորը, բացակայում էին Նյու Յորքից։ Բայց նրանցից մեկին, այնուամենայնիվ, հաջողվում է գտնել։
Ռոբերտ Դե Նիրո։ Մեծ դերասանը համաձայնում է ժամանակ տրամադրել ֆոտոսեսիայի համար, բայց ընդամենը 30 րոպե։ Սթիվ Մաք-Քարին թանկարժեք ժապավենից երեք կադր է հատկացնում դերասանին։
Ահա դրանցից մեկը․
Kodachrome ժապավենի վերջին փաթույթով միայն դիմանկարներ անելու գաղափարը շատ է ոգևորում Մաք-Քարիին։ Ժապավենը անօգուտ ծախսելու կամ խոտանված կադր ստանալու ռիսկը շատ մեծ էր, ուստի անհրաժեշտ էր նկարել միայն այն, ինչը հնարավոր էր կառավարել ու կարգավորել իր ուզածի պես։
Որոշված էր․ Սթիվը լուսանկարելու էր միայն դիմանկարներ։ Եվ, որպեսզի ավելի խորհրդանշական դարձնի իր ձեռնարկը, նա որոշում է մեկնել այնտեղ, որտեղից սկսել էր պրոֆեսիոնալ լուսանկարչի իր կարիերան՝ Հնդկաստան։
Շարունակելի ․․․
10:18 04.04.2025
Երկրաշարժ Ադրբեջանում. այն զգացվել է նաև ՍյունիքումԱպրիլի 4-ին` տեղական ժամանակով ժամը 04:19-ին (Գրինվիչի ժամանակով` ժամը 00։19-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39․28⁰ և արևելյան երկայնության 46.56⁰ աշխարհագրական կոորդինատներով Ադրբեջանում՝ Հայաստանի Կապան քաղաքից 16 կմ հյուսիս-արևելք, օջախի 10 կմ խորությամբ 3․1 մագնիտուդով երկրաշարժ: Երկրաշարժը զգացվել է Կապան քաղաքում 2-3 բալ ուժգնությամբ։ ...
10:14 04.04.2025
Տարադրամի փոխարժեքներն ապրիլի 4-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 389․5 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 428․50 դրամ, վաճառքի նվազագույն արժեքը՝ 438 դրամ: Ռուսական ռուբլու առքի առավելագույն արժեքն է 4․60 դրամ, վաճառքի նվազագույն արժեքը՝ 4․7 դրամ: ...
10:00 04.04.2025
Հարավային Կորեայի Սահմանադրական դատարանը հաստատել է նախագահի իմփիչմենթըԿորեայի Հանրապետության Սահմանադրական դատարանը միաձայն հաստատել է նախագահ Յուն Սեոկ Յոլի իմփիչմենթը` վերջնականապես հեռացնելով նրան իշխանությունից։ Այս մասին հայտնում է ՏԱՍՍ-ի թղթակիցը։ Բոլոր ութ դատավորներն էլ պաշտպանեցին իմփիչմենթը: Իշխանությունից վերջնական հեռացման համար անհրաժեշտ էին նրանցից առնվազն վեցի ձայները։ Դեկտեմբերի 14-ին խորհրդարանը իմպիչմենտի ենթարկեց Յուն Սեոկ Յոլին՝ ռազմական դրության դեպքերի պատճառով։ Յուն Սեոկ Յոլը հերքել է […] ...
09:50 04.04.2025
Reuters․ Նեթանյահուն հաջորդ շաբաթ կարող է այցելել ԱՄՆԱՄՆ նախագահ Դոնալդ Թրամփը հայտարարել է, որ Իսրայելի վարչապետ Բենիամին Նեթանյահուն հաջորդ շաբաթ կարող է գալ ԱՄՆ։ Այս մասին հայտնում է Reuters-ը։ Բացի այդ, ամերիկացի առաջնորդը հաստատել է Նեթանյահուի հետ զրույցի փաստը։ Հնարավոր այցի մասին այլ մանրամասներ չեն հաղորդվում։ Ավելի վաղ Իսրայելի վարչապետի գրասենյակը հայտնել էր, որ Բուդապեշտում գտնվող Նեթանյահուն և Հունգարիայի վարչապետ Վիկտոր Օրբանը […] ...
09:41 04.04.2025
Դիլիջանի «Լեռնային Հայաստան» առողջարան տանող ճանապարհը հիմնանորոգված է․ ՓաշինյանՀՀ վարչապետ Նիկոլ Փաշինյանը սոցցանցի իր էջում տեսանյութ է հրապարակել եւ կից գրել է. «Դիլիջանի «Լեռնային Հայաստան» առողջարան տանող ճանապարհը հիմնանորոգված է»։ Տեսանյութն՝ այստեղ։ ...
09:40 04.04.2025
Վենս. Եվրոպան սխալվում է՝ Ռուսաստանին անվանելով իր գլխավոր սպառնալիքըԵվրոպացի քաղաքական գործիչները սխալվում են՝ պնդելով, թե Ռուսաստանն է Եվրոպայի գլխավոր սպառնալիքը, մինչդեռ, իրականում, սպառնալիքը գալիս է իրենց ներքին խնդիրներից։ Այս մասին Newsmax-ին տված հարցազրույցում ասել է ԱՄՆ փոխնախագահ Ջ.Դ.Վենսը։ «Պետք է խոստովանենք. Եվրոպայի համար գլխավոր սպառնալիքը Չինաստանը կամ Ռուսաստանը չեն, հիմնական սպառնալիքը նրանց ներքին խնդիրներն են՝ միգրացիոն քաղաքականությունը, որը քայքայում է Եվրոպայի մշակութային հիմքը, […] ...
