16:34 03.10.2022
ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանն աշխատանքային հանդիպում է ունեցել բժշկության ոլորտի կրթական ծրագրեր իրականացնող բուհերի ներկայացուցիչների հետ՝ «Բուժական գործ» և «Ստոմատոլոգիա» մասնագիտությունների լիցենզիայի պահանջները, չափանիշները որակավորումների ոլորտային շրջանակի բնութագրերին համապատասխան մշակելու նպատակով:
Հանդիպմանը ներկա են եղել նաև Բարձրագույն և հետբուհական մասնագիտական կրթության վարչության պետ Լուսինե Գրիգորյանն ու ծրագրերի իրականացման և գնահատման բաժնի պետ Սյուզաննա Ղազարյանը:
Հանդիպման հիմնական նպատակը բժշկության ոլորտի կրթության համար պահանջվող լիցենզիայի չափանիշների, առկա իրավիճակի ու պայմանների անհամապատասխանեցման, կրթության որակին առնչվող խնդիրների քննարկումն էր:
Նախարարի տեղակալ Կարեն Թռչունյանը, ողջունելով քննարկման մասնակիցներին, խոսել է բժշկության ոլորտի կրթության կարգավորման անհրաժեշտության, ինչպես նաև նշված ոլորտում հետազոտության բաղադրիչի ավելացման մասին։
Օրակարգում ներառված էին նաև վերոնշյալ մասնագիտություններ ունեցող բժշկական կրթական ծրագրեր իրականացնող բարձրագույն ուսումնական հաստատությունների լիցենզավորման և հավատարմագրման, բուհերի կազմակերպաիրավական ձևի, ուսումնական գործընթացի կազմակերպման, լաբորատորիաների ստեղծման, դասախոսների վերապատրաստման և այլ խնդիրների վերաբերյալ հարցեր:
Քննարկվել են ուսումնական հաստատության լիցենզավորման համար հիմք հանդիսացող պրոֆեսորադասախոսական հիմնական կազմի, լաբորատոր և ուսումնական տարածքի, ուսումնաարտադրական պրակտիկաների իրականացման բազային առնչվող հարցեր։
Կարեն Թռչունյանը նաև ասել է, որ կրթության զարգացման ռազմավարության մեջ հստակ շեշտադրված է՝ և՛ պետական, և՛ ոչ պետական բուհերը պետք է գտնվեն նույն մրցակցային դաշտում և որևէ առավելություն չունենան մեկը մյուսի նկատմամբ. «Պետությունը պետք է տարանջատում չմտցնի այդ հարցում և որակյալ կրթության տրամադրման համար պետք է մշակի որոշակի չափանիշներ: «Բարձրագույն կրթության և գիտության մասին օրենքի» նախագծի ընդունումից հետո նախատեսվում են համակարգային փոփոխություններ, դրանցից բխող որոշակի գործառույթներ կան, որոնք պետք է իրականացնել՝ նախապես կանխորոշելով ռիսկերն ու հնարավորությունները»:
ԿԳՄՍ նախարարի տեղակալը բուհերի ներկայացուցիչներին առաջարկել է քննարկել նաև միջազգային փորձը՝ որպես նախնական նյութ, մանրամասն ուսումնասիրել այն, ըստ հնարավորության՝ տեղայնացնել, ներկայացնել իրենց տեսակետները՝ մատնանշելով, թե տվյալ համակարգի և նոր չափանիշների, բնութագրերի ներդրումը յուրաքանչյուր բուհի համար որքանով է հնարավոր:
Նախարարի տեղակալը շեշտել է, որ լիցենզավորման և հավատարմագրման գործիքի միջոցով սահմանելով համապատասխան որակական չափանիշներ՝ պետությունը նպատակ ունի ապահովել որակյալ կրթություն, ինչպես նաև ներգրավել օտարերկրյա ուսանողների:
Կարեն Թռչունյանն անդրադարձել է նաև բուհերի իրավակազմակերպական ձևի խնդրին՝ այս հարցում ակնկալելով ներկաների տեսակետները:
15:50 29.04.2025
Հայաստանի ազգային գրադարանում մեկնարկել է «Ֆրանսիա-Հայաստան. պատմական և մշակութային երկխոսություն» միջազգային գիտաժողովըՀայաստանի ազգային գրադարանում մեկնարկել է «Ֆրանսիա-Հայաստան. պատմական և մշակութային երկխոսություն» խորագրով միջազգային երկօրյա գիտաժողովը: Բացմանը ներկա են եղել ՀՀ կրթության, գիտության, մշակույթի և սպորտի նախարար Ժաննա Անդրեասյանը, նախարարի տեղակալ Ալֆրեդ Քոչարյանը, ՀՀ-ում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյին, Հայաստանի և Ֆրանսիայի ազգային գրադարանների տնօրենները, գրադարանային ոլորտի մասնագետներ, գրադարանավարներ։ Գիտաժողովն անցկացվում է Հայաստանում ֆրանկոֆոնիայի […] ...
15:43 29.04.2025
Երևանում կայանալիք վոլեյբոլի Մ16 ԵԱ-ին կմասնակցեն 16 հավաքականներՀայտնի են դարձել հուլիսի 23-ից օգոստոսի 3-ը Երևանում կայանալիք վոլեյբոլի տղաների մինչև 16 տարեկանների Եվրոպայի առաջնության մասնակիցները: Մրցաշարին կմասնակցեն 16 երկրի հավաքականներ. 1․Հայաստան 2․Ֆրանսիա 3․Լեհաստան 4․Իտալիա 5․Հունգարիա 6․Լատվիա 7․Չեխիա 8․Թուրքիա 9․Բուլղարիա 10․Իսպանիա 11․Ուկրաինա 12․Ավստրիա 13․Հունաստան 14․Սերբիա 15․Սլովենիա 16․Ռումինիա Վիճակահանությունն առցանց կանցկացվի: Կլինի երկու ենթախումբ, 8-ական հավաքականով: Հայաստանի հավաքականը կլինի առաջին ենթախմբում: Երկու ենթախմբերում առաջին և […] ...
15:35 29.04.2025
Օրենքի ընդունմամբ հիմք է դրվում Հայաստանում մշակութային աճուրդների դաշտի կայացմանըԱմբողջ աշխարհում կարեւոր տեղ են զբաղեցնում մշակութային աճուրդները: Դրանք խթանում են արվեստի ստեղծագործությունների վաճառքի մեխանիզմների եւ գործիքակազմի զարգացումը, արվեստի շուկայի ձեւավորումը: Այս մասին ասել է ՀՀ կրթության, գիտության, մշակույթի եւ սպորտի նախարարի տեղակալ Ալֆրեդ Քոչարյանը: Նրա խոսքով մշակութային աճուրդները կարեւոր հարթակներ են, որոնք ձեւավորում եւ արտացոլում են արվեստի շուկայի տեղաշարժը: «Ներկայում Հայաստանի Հանրապետությունում մշակութային աճուրդների […] ...
15:28 29.04.2025
ՀՀ ԱԽ քարտուղարը և Կատարի էմիրի ազգային անվտանգության խորհրդականը քննարկել են Մերձավոր արևելքի անվտանգային իրավիճակըԱպրիլի 29-ին Կատարի Պետություն կատարած աշխատանքային այցի ընթացքում ՀՀ ԱԽ քարտուղար Արմեն Գրիգորյանը հանդիպել է Կատարի էմիրի ազգային անվտանգության խորհրդական Մոհամմադ բին Ահմադ ալ-Մուսնադի հետ: Հանդիպման ընթացքում զրուցակիցները քննարկել են Մերձավոր արևելքի անվտանգային իրավիճակը: ...
15:28 29.04.2025
Հունգարիայի խորհրդարանը քվեարկել է Միջազգային քրեական դատարանից դուրս գալու օգտինՀունգարիայի խորհրդարանը քվեարկել է Միջազգային քրեական դատարանից դուրս գալու օգտին, X սոցիալական ցանցում հայտարարել է երկրի արտաքին գործերի նախարար Պետեր Սիյարտոն։ «Հունգարիայի խորհրդարանը հենց նոր քվեարկեց ՄՔԴ-ից դուրս գալու օգտին։ Այս որոշումը կայացնելով՝ մենք հրաժարվում ենք լինել քաղաքականացված հաստատության մաս, որը կորցրել է իր անաչառությունն ու հեղինակությունը», – գրել է նա։ Հունգարիայի՝ ՄՔԴ-ից դուրս գալու […] ...
15:20 29.04.2025
Մադրիդի «Մասթերսի» մի շարք մրցախաղերը չեն կայացել զանգվածային հոսանքազրկման պատճառովԹենիսի Մադրիդի «Մասթերսի»` ապրիլի 28-ի ցերեկային և գիշերային մրցախաղերը չեն կայացել զանգվածային հոսանքազրկման պատճառով։ Այս մասին հաղորդում է մրցաշարի մամուլի ծառայությունը: «Կազմակերպության վերահսկողությունից անկախ պատճառներով և ընդհանուր անվտանգությունն ապահովելու նպատակով, ապրիլի 28-ին Իսպանիայում էլեկտրաէներգիայի զանգվածային անջատումը հանգեցրել է Mutua Madrid Open-ի ցերեկային և գիշերային մրցախաղերի չեղարկմանը»,- նշված է պաշտոնական հայտարարությունում: ...
