18:38 10.08.2022
Հայաստանում վերջին երկու շաբաթներին արձանագրվում է Covid վարակվածության դեպքերի կտրուկ աճ: Մի քանի ամիս առաջ ունեցած համաճարակային հանդարտ իրավիճակը չէ, դրական թեստերի մասնաբաժինն ավելանում է։ Ինչպես սուր շնչառական վարակների դեպքում, հիմա էլ մասնագետները սա համարում են սեզոնին բնորոշ երևույթ՝ պայմանավորված մարդկանց տեղաշարժի ակտիվությամբ։Սուր շնչառական վիրուսների ախտանշաններով Գյումրիի պոլիկլինիկաներ դիմելիությունը շատացել է, այդ ֆոնին նաև կասկածելի դեպքերը թեստավորվում են։
Վերջին երկու շաբաթներին, սակայն, դրական թեստերի ցուցանիշը համեմատ, անցած ամիսների, այլ պատկեր է արձանագրում։ Ամեն շաբաթ՝ նախորդ շաբաթվա համեմատ, վարակվածության դեպքերի աճ է նկատվում։
«Գանգատները նույնն են՝ կոկորդի ցավ, ընդհանուր թուլություն, մկանացավ, ջերմաստիճանի բարձրացում, ձայնի կորուստ կամ խռպոտություն։ Դիմելիությունը շատացել է ոչ միայն կորոնավիրուսի պատճառով, այլ գրիպի և գրիպանման վիրուսների պատճառով»,- նշում է Գյումրիի Էնրիկո Մատտեի անվան պոլիկլինիկայի թերապևտ Արմինե Էլբակյանը։
Թվարկված ախտանշաններով պացիենտներին անպայման թեստավորում են, քանի որ Covid-ի տարածված այս ենթատեսակի՝ Օմիկրոն BA4, BA5-ի դեպքում ախտանշանները գրեթե նույնն են, ինչ սուր շնչառական վիրուսներինը։ Պոլիկլինիկաներ շատ են դիմում, բարեբախտաբար, ծանր դեպքեր չեն հայտնաբերվում։ Հիվանդները մեկուսացվել են և բուժումն անցնում են տնային պայմաններում։
«Շիրակի մարզում անցած ամիսներին եղել են օրեր, որ ընդհանրապես Քովիդ չի հայտնաբերվել։ Վերջին մեկ ամսում օրական 3, 6, 8 ամենաշատը 16 դեպք ենք ունեցել, որն առայժմ կառավարելի է։ Նախկին ալիքների ժամանակ ունեցել ենք օրական 200-250 դեպք» ,- նշում է ՀՎԿԱԿ Շիրակի մասնաճյուղի տնօրենի տեղակալ Արմինե Անդրյանը։
Թեև պոլիկլինիկաներից ստացված տվյալները վարակվածության հստակ պատկերը չեն արձանագրում, քանի որ շատերը չեն դիմում առաջնային բուժօղակներին, ախտանշանները վերագրում են մրսածության և առանց բժշկի նշանակումների բուժում են անցնում։ Բուժհաստատություններում պատրաստ պահում են կորոնավիրուսով հիվանդների համար նախատեսված մաքուր գոտիները, որոնք անհրաժեշտության դեպքում կգործարկեն։
Օմիկրոնի նոր ենթատեսակին բնորոշ է արագ տարածվածությունը, երբ հանգստի սեզոնին բնորոշ մարդկանց տեղաշարժն է ակտիվ, բայց և դեպքերի թվի աճը մասնագետները պայմանավորում են պատվաստումների ցածր ցուցանիշով։ Պատվաստումը համարում են ծանր դեպքերից խուսափելու միջոց։ Շիրակի մարզում 2 դեղաչափով պատվաստվածների թիվը շատ ցածր են համարում։
«Առաջին պատվաստում ունի 46 տոկոսը բնակչության, այսինքն՝ մոտ 151 հզ մարդ, նրանց ուղիղ կեսն է, որ երկրորդ պատվաստումը չի ստացել, ինչպես գիտեք, մեկ պատվաստումը լիարժեք չէ և չի կարող մարդուն պաշտպանել կորոնավիրուսից։ 2 պատվաստում ստացել է ընդամենը 38 տոկոսը, որը ցածր ցուցանիշ է, իսկ երրորդ՝ կրկնապատվաստում, ունի բնակչության ընդամենը 11,2 տոկոսը, որը դարձյալ շատ ցածր ցուցանիշ է» ,- նշում է Արմինե Անդրյանը
ՀՎԿԱԿ-ի մարզի պատասխանատուն նշում է, որ նրանք, ովքեր 2 դեղաչափերը ստացել են, արդեն կորցրել են վիրուսի նկատմամբ ձևավորված իմունիտետը, արդյունքում վարակի տարածման համար նպաստավոր պայմաններ են ստեղծվում, առավել ևս երբ անվտանգության կանոնները մարդիկ չեն էլ պահպանում։
Covid վարակվածության աճի միտումները կպահպանվեն, որը մասնագետները պայմանավորում են արդեն նոր ուսումնակն տարվա մեկնարկով, շփման շրջանակներն ակտիվանում են և կանխատեսումներով՝ չի բացառվում, որ Հայաստանին մոտենում է Covid -ի 6-րդ ալիքը, որով էլ չի բացառվելու անցումը որոշակի սահմանափակումների։
15:05 04.04.2025
Դուք ֆանտաստիկ աշխատանք եք կատարում․ Լապորտան՝ Ֆլիկին«Բարսելոնայի» նախագահ Ժոան Լապորտան անդրադարձել է կատալոնական ակումբի գլխավոր մարզիչ Հանս-Դիտեր Ֆլիկի կատարած աշխատանքին, հաղորդում է Mundo Deportivo-ն: «Շնորհակալ եմ, որ այստեղ եք: Դուք ֆանտաստիկ աշխատանք եք կատարում, Հանսի: Բոլորը կարող են դա տեսնել: «Բարսելոնայում» մենք պետք է պայքարենք ամեն ինչի և բոլորի դեմ. դա պարզապես կյանք է»,- ասել է Լապորտան։ Կատալոնական ակումբը Լա լիգայի […] ...
14:50 04.04.2025
Օպերատիվ իրավիճակը հանրապետությունում ապրիլի 3-4-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 3-4-ը ՆԳՆ ոստիկանության ստորաբաժանումները բացահայտել են հանցագործության 89 դեպք, որոնցից 5-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 20, թմրանյութի հայտնաբերման՝ 11, մարմնական վնասվածք պատճառելու և անձնական ունեցվածքի գողության` 6-ական, ֆիզիկական ներգործության` 5, խարդախության՝ 4, […] ...
14:41 04.04.2025
«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով՝ ապահովելով ժամանակակից պայմաններ հետվիրահատական, վերակենդանացման և ինտենսիվ թերապիայի բաժանմունքներում։ Կենտրոնի բուժանձնակազմը նույնպես համալրվել է բարձր որակավորմամբ մասնագետներով։ Մենք կարևորում ենք առողջապահության բոլոր օղակների զարգացումը՝ կանխարգելումից մինչև բարձր տեխնոլոգիական բուժում։ Միայն համակարգային մոտեցման շնորհիվ հնարավոր է ապահովել բնակչության առողջության պաշտպանությունն ու բարձրացնել բուժօգնության արդյունավետությունը։ ...
14:30 04.04.2025
Լաշա Տալախաձեն՝ Վրաստանի ծանրամարտի ֆեդերացիայի նախագահՕլիմպիական խաղերի եռակի, աշխարհի ու Եվրոպայի 7-ակի չեմպիոն Լաշա Տալախաձեն ընտրվել է Վրաստանի ծանրամարտի ֆեդերացիայի նախագահ։ Այս մասին հաղորդում է Ծանրամարտի եվրոպական ֆեդերացիայի պաշտոնական կայքը (EWF): Եռակի օլիմպիական չեմպիոն Կախի Կախիաշվիլին և Օլիմպիական խաղերի բրոնզե մեդալակիր Իրաքլի Տուրմանիձեն էլ կլինեն նոր փոխնախագահները: ...
14:23 04.04.2025
«Մանչեսթեր Յունայթեդը» մոտենում է հակառեկորդին«Մանչեսթեր Յունայթեդի»՝ ԱՊԼ-ի 30-րդ տուրում «Նոթինգհեմից» կրած պարտությունը 13-րդն էր այս մրցաշրջանում: Եթե Ամորիմի թիմը ևս մեկ պարտություն կրի, ապա կկրկնի նախորդ մրցաշրջանի ցուցանիշը՝ 14 պարտություն: Ակումբային հակառեկորդը գրանցվել է 1989/90 մրցաշրջանում, երբ «Մանչեսթեր Յունայթեդը» 16 պարտություն է կրել: Ամորիմի գլխավորությամբ «Մանչեսթեր Յունայթեդն» անցկացրել է 19 խաղ, վաստակել է միջինը 1.16 միավոր, կրել 9 պարտություն: ...
