20:00 10.08.2022
Գյումրիի դրամատիկական թատրոնը 157-րդ թատերաշրջանում կներկայանա երեք նոր ներկայացումներով, որոնցից երկուսը Սոս Սարգսյանի անվան Համազգային թատրոնի հետ համատեղ բեմադրություններ են։ Երկու թատրոնների դերասանական կազմը միասին խաղալու են նախ Գյումրիում, հետո՝ Երևանում։ Թատերական գործերը դառնալու են երկու թատրոնների խաղացանկի մշտական ներկայացումները։
Դրամատիկական թատրոնի մեծ բեմում նոր ներկայացման դեկորներն են արդեն։ Թատրոնի ստեղծագործական կազմը ամառային արձակուրդ չի մեկնել, նախապատրաստվում են 157-րդ թատերաշրջանին, և այն բացելու են երեք նոր ներկայացումներով, պրեմիերաներից երկուսը՝ Համազգային թատրոնի հետ համատեղ։
«Թատրոնը միշտ վտանգ ունի ճահիճ դառնալու, երբ նույն կոլեկտիվն է, նույն ռեժիսորի հետ նույն բեմում ես ներկայացում բեմադրում, իսկ հիմա մենք, խաղալով Համազգայինի բեմում, եկել ենք ավելի մեծ բեմ և հանկարծ զգում ես ,որ ավելի պիտի լայնանաս ու այս դեպքում մի ուրիշ խաղաոճ է մտնում մեջդ։ Դա շատ կարևոր ու հետաքրքիր գործընթաց է ստեղծագործող մարդու համար»,- նշում է Սոս Սարգսյանի անվան Համազգային թատրոնի գեղարվեստական ղեկավար Նարինե Գրիգորյանը։
«Երկու թատրոնների համատեղ ներկայացում է ծնվում, ներկայացումը լինելու է և՛ Գյումրիի թատրոնի համար, և՛ Համազգային թատրոնի համար։ Ես կարծում եմ՝ մենք սեպտեմբերի վերջ ունենալու ենք շատ հետաքրքրիր ներկայացում»,- ասում է Գյումրիի դրամատիկական թատրոնի տնօրեն Լյուդվիգ Հարությունյանը։
«Հրաշագործը»․ այսպես է վերնագրվել նոր պիեսը։ Բեմադրում է ՀՀ ժողովրդական արտիստ Նիկոլայ Ծատուրյանը: Երկու գործողությամբ հոգեբանական նուրբ ու շատ կարևոր էպիզոդներով հարուստ ներկայացումը զուգորդված է նաև մերօրյա իրականության հետ, որտեղ երեխաներից շատերը ստանում են սխալ դաստիարակություն ու նրանց մեջ կոտրվում է նորը բացահայտելու, դժվարություններն ինքնուրույն հաղթահարելու ձգտումը:
Գյումրիի դրամատիկականի և Համազգային թատրոնների դերասանների կողքին իր անմիջական խաղով առանձնանում է փոքրիկ դերասանուհի Անգելինան։ Նա մարմնավորում է առողջական խնդիրներ ունեցող երեխայի կերպարը: Պատանի դերասանների հետ աշխատելը Գյումրիի թատրոնում ձևավորել է նոր ստեղծագործական մոտեցում։
Երկրորդ համատեղ ներկայացման համար հատուկ բեմում կառուցվել է վերելակ, գործողություններն առաջին անգամ կատարվելու են ոչ թե բեմում, այլ ետնաբեմում, որը միշտ թաքնված է հանդիսատեսից՝ ծածկված վարագույրներով։ Հանդիսատեսն այս անգամ լինելու է ոչ թե դահլիճում, այլ բեմի վրա: Նոր պիեսի սյուժեն ստեղծագործական խումբը չի բացահայտում, բեմադրում են Սթիվեն Քինգի «Միզերին»։
«Երկար էքսկուրսիա արեցի թատրոնում և ընտրեցի էս տարածքը, որտեղ հանդիսատեսը կարող է ավելի մոտիկ լինել դերասաններին, քանի որ ներկայացումը փորձելու ենք էնպես անել, որ լինի ֆիլմային ճշգրտությամբ, այսինքն՝ հանդիսատեսը լինելով ավելի մոտիկ դերակատարներին, կարող է տեսնել ոսկերչական ճշգրտությամբ աշխատած դետալներ, որոնք ավելի մեծ հեռավորությունից հնարավոր չի լինի տեսնել։ Այս տարածքը երբեք չի օգտագործվել որպես բեմական տարածք, որոշեցի հանդիսատեսին զարմացնել»,- ասում է ներկայացման ռեժիսոր Գոռ Մարգարյանը։
Հենց բեմում 150-200 հանդիսատեսի համար կկառուցվի հատուկ հարթակ, որը կունենա ամֆիթատրոնի տեսք: Համատեղ երկու ներկայացումների առաջնախաղերը կլինեն սեպտեմբերին, իսկ երրորդ ներկայացման առաջնախաղը նախատեսում են հոկտեմբերին։ Բեմադրության հեղինակը ֆրանսաբնակ ռեժիսոր Սաթեն Խաչատրյանն է։ Հրավիրյալ ռեժիսորը աճեմյանցիների հետ ներկայացումը պատրաստում է մեծ բեմի համար։
15:05 04.04.2025
Դուք ֆանտաստիկ աշխատանք եք կատարում․ Լապորտան՝ Ֆլիկին«Բարսելոնայի» նախագահ Ժոան Լապորտան անդրադարձել է կատալոնական ակումբի գլխավոր մարզիչ Հանս-Դիտեր Ֆլիկի կատարած աշխատանքին, հաղորդում է Mundo Deportivo-ն: «Շնորհակալ եմ, որ այստեղ եք: Դուք ֆանտաստիկ աշխատանք եք կատարում, Հանսի: Բոլորը կարող են դա տեսնել: «Բարսելոնայում» մենք պետք է պայքարենք ամեն ինչի և բոլորի դեմ. դա պարզապես կյանք է»,- ասել է Լապորտան։ Կատալոնական ակումբը Լա լիգայի […] ...
14:50 04.04.2025
Օպերատիվ իրավիճակը հանրապետությունում ապրիլի 3-4-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 3-4-ը ՆԳՆ ոստիկանության ստորաբաժանումները բացահայտել են հանցագործության 89 դեպք, որոնցից 5-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 20, թմրանյութի հայտնաբերման՝ 11, մարմնական վնասվածք պատճառելու և անձնական ունեցվածքի գողության` 6-ական, ֆիզիկական ներգործության` 5, խարդախության՝ 4, […] ...
14:41 04.04.2025
«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով՝ ապահովելով ժամանակակից պայմաններ հետվիրահատական, վերակենդանացման և ինտենսիվ թերապիայի բաժանմունքներում։ Կենտրոնի բուժանձնակազմը նույնպես համալրվել է բարձր որակավորմամբ մասնագետներով։ Մենք կարևորում ենք առողջապահության բոլոր օղակների զարգացումը՝ կանխարգելումից մինչև բարձր տեխնոլոգիական բուժում։ Միայն համակարգային մոտեցման շնորհիվ հնարավոր է ապահովել բնակչության առողջության պաշտպանությունն ու բարձրացնել բուժօգնության արդյունավետությունը։ ...
14:30 04.04.2025
Լաշա Տալախաձեն՝ Վրաստանի ծանրամարտի ֆեդերացիայի նախագահՕլիմպիական խաղերի եռակի, աշխարհի ու Եվրոպայի 7-ակի չեմպիոն Լաշա Տալախաձեն ընտրվել է Վրաստանի ծանրամարտի ֆեդերացիայի նախագահ։ Այս մասին հաղորդում է Ծանրամարտի եվրոպական ֆեդերացիայի պաշտոնական կայքը (EWF): Եռակի օլիմպիական չեմպիոն Կախի Կախիաշվիլին և Օլիմպիական խաղերի բրոնզե մեդալակիր Իրաքլի Տուրմանիձեն էլ կլինեն նոր փոխնախագահները: ...
14:23 04.04.2025
«Մանչեսթեր Յունայթեդը» մոտենում է հակառեկորդին«Մանչեսթեր Յունայթեդի»՝ ԱՊԼ-ի 30-րդ տուրում «Նոթինգհեմից» կրած պարտությունը 13-րդն էր այս մրցաշրջանում: Եթե Ամորիմի թիմը ևս մեկ պարտություն կրի, ապա կկրկնի նախորդ մրցաշրջանի ցուցանիշը՝ 14 պարտություն: Ակումբային հակառեկորդը գրանցվել է 1989/90 մրցաշրջանում, երբ «Մանչեսթեր Յունայթեդը» 16 պարտություն է կրել: Ամորիմի գլխավորությամբ «Մանչեսթեր Յունայթեդն» անցկացրել է 19 խաղ, վաստակել է միջինը 1.16 միավոր, կրել 9 պարտություն: ...
