17:17 20.07.2022
Արդարադատության նախարարության նախաձեռնությամբ և միջազգային գործընկերների հետ համագործակցությամբ տեղի է ունեցել Մարդու իրավունքների պաշտպանության ազգային ռազմավարությունից բխող 2020-2022թթ. գործողությունների ծրագրի կատարումը համակարգող խորհրդի հերթական նիստը, որով ազդարարվել է նոր՝ 2023-2025թթ. Մարդու իրավունքների պաշտպանության գործողության ծրագրի նախագծման աշխատանքների մեկնարկը:
Համակարգող խորհրդի, որի կազմում են, ինչպես ներկայացուցիչներ պետական մարմիններից, այնպես էլ հասարակական կազմակերպություններ, առաքելությունն է իրականացնել մոնիթորինգ մարդու իրավունքների պաշտպանության ռազմավարության և գործողությունների ծրագրի նկատմամբ:
Համակարգող խորհրդի նախագահ, արդարադատության նախարար Կարեն Անդրեասյանը բացման խոսքում շնորհակալություն է հայտնել միջոցառման բոլոր ներկաներին, միջազգային գործընկերներին՝ մարդու իրավունքների պաշտպանության ոլորտում զգալի ներդրում ունենալու և արդարադատության նախարարության հետ կառուցողական համագործակցություն ծավալելու համար:
Ելույթի խոսքում արդարադատության նախարար Կարեն Անդրեասյանը նշել է, որ թեև Մարդու իրավունքների պաշտպանության ռազմավարությունից բխող առաջին գործողությունների ծրագիրը հաստատվել է դեռևս 2014 թվականին, սակայն ակնհայտ է ներկայումս գործող կառավարության մոտեցումների փոփոխությունը և կարևորության ընդգծումն այս ռազմավարական փաստաթղթի նկատմամբ:
Նախարար Անդրեասյանը բարձրաձայնել է Հայաստանում մարդու իրավունքների ոլորտում առանձնակի կարևորություն ներկայացնող խնդիրները և հատկապես շեշտադրել՝ արդարադատության նախարարության կողմից այդ ուղղությամբ ներկայումս ձեռնարկվող միջոցառումների մասին, այդ թվում՝ Հայաստանում արբիտրաժային նոր կենտրոնի և քրեակատարողական նոր հիմնարկի հիմնադրման անհրաժեշտության ու կարևորության մասին։ Այս լույսի ներքո, նախարարն ընդգծել է ուժի մեջ մտած քրեական, քրեադատավարական և քրեակատարողական նոր օրենսգրքերը։
Նշվածի համատեքստում, նախարարը կարևորել է արդար դատաքննության իրականացման, ազատազրկված անձանց իրավունքների պաշտպանության, խտրականության դեմ պայքարի և խոսքի ազատության իրավունքի լիարժեք կարգավորման հարցերը։
Բացման խոսքով հանդես են եկել նաև ԵՄ պատվիրակության ղեկավար Անդրեա Վիկտորինը և ՄԱԿ-ի զարգացման ծրագրի ղեկավար Նաթիա Նացվլիշվիլին՝ ընդգծելով մարդու իրավունքների պաշտպանության կարևորությունը և շնորհակալություն հայտնելով միջոցառման ներկաներին և բոլոր գործընկերներին համագործակցության համար:
Խորհրդի նիստի ընթացքում ՀՀ արդարադատության, աշխատանքի և սոցիալական հարցերի, կրթության, գիտության, մշակույթի և սպորտի, առողջապահության, պաշտպանության նախարարությունները, քննչական կոմիտեն ներկայացրել են Մարդու իրավունքների պաշտպանության ռազմավարությունից բխող 2020-2022թթ. գործողությունների ծրագրով նախատեսված իրենց կողմից իրականացված միջոցառումների հաշվետվությունները:
Հասարակական կազմակերպությունների ներկայացուցիչները բարձրաձայնել են ոլորտում առկա խնդիրների մասին և մի շարք առաջարկություններ ներկայացրել նոր գործողությունների ծրագրի համար:
Միջազգային գործընկերները՝ ԵՄ պատվիրակությունը, ՄԱԿ-ի զարգացման ծրագիրը, ԵԽ գրասենյակը, ՄԱԿ-ի Փախստականների հարցերով գերագույն հանձնակատարի գրասենյակը և այլ գործընկերներ իրենց պատրաստակամությունն են հայտնել աջակցելու արդարադատության նախարարությանը և շարունակելու արդեն իսկ ձևավորված արդյունավետ համագործակցությունը մարդու իրավունքների պաշտպանության հարցում:
Միջոցառումը տեղի է ունեցել արդարադատության նախարարության նախաձեռնությամբ և Միավորված ազգերի կազմակերպության զարգացման ծրագրի աջակցությամբ:
12:57 28.04.2025
Առաջիկա օրերին սպասվում է կարճատև անձրև և ամպրոպԵրևանում ապրիլի 28-ի երեկոյան ժամերին, 29-30-ին, մայիսի 2-3-ին սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում 15-18 մ/վ արագությամբ: Մայիսի 1-ին սպասվում է առանց տեղումների եղանակ։ Մարզերում ապրիլի 28-ի ցերեկը, 29-30-ին, մայիսի 1-3-ին առանձին շրջաններում սպասվում է կարճատև անձրև և ամպրոպ։ Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 […] ...
12:50 28.04.2025
«Հայասաթ-1»-ը կատարեց իր առաքելությունը․ «Բազումք» տիեզերական հետազոտությունների լաբորատորիա2025 թվականի ապրիլի 26-ին Հայաստանի առաջին հայրենական արբանյակ «Հայասաթ-1»-ը վերջին անգամ հատեց Կարմանի գիծը (տիեզերքի պայմանական սահմանը) և ավարտեց իր առաքելությունը։ Այդ մասին ասված է «Բազումք» տիեզերական հետազոտությունների լաբորատորիայի ֆեյսբուքյան էջում: «Արձակումից ի վեր, մթնոլորտային դիմադրության պատճառով, մեր արբանյակի, ինչպես և Երկրին մոտ պտտվող բոլոր արբանյակների ուղեծրերի բնականոն իջնելը տեղի է ունեցել սպասվածից ավելի արագ՝ […] ...
12:42 28.04.2025
ՆԳՆ ՓԾ ճգնաժամային կառավարման ազգային կենտրոնում գրանցվել է 482 դեպք, որից 122-ը՝ արտակարգԱպրիլի 21-ից 27-ը ՆԳՆ ՓԾ ճգնաժամային կառավարման ազգային կենտրոնում գրանցվել է 482 դեպք, որից 122-ը՝ արտակարգ: Մասնավորապես՝ հրդեհի՝ 54, փլուզման՝ 3, պայթյունի, դարափուլի, սողանքի, վայրի կենդանիների հարձակման, ջրահեղձման, դժբախտ պատահարի՝ 1-ական, քարաթափման, որոնողափրկարարական՝ 2-ական, տեղատարափ անձրևի՝ 4, թունավորման, օձի նկատման՝ 8-ական, կեղծ ահազանգի՝ 10, ինքնասպանության փորձի՝ 21, ճանապարհատրանսպորտային պատահարի՝ 46, ինչպես նաև՝ կենցաղային կանչի՝ 155, […] ...
12:35 28.04.2025
Չինաստանի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալինԱպրիլի 28-ին Հայաստանի Հանրապետության արտաքին գործերի նախարարի տեղակալ Մնացական Սաֆարյանն ընդունել է Հայաստանի Հանրապետությունում Չինաստանի Ժողովրդական Հանրապետության նորանշանակ արտակարգ և լիազոր դեսպան Լի Սինվեին՝ հավատարմագրերի պատճենը հանձնելու կապակցությամբ: Նախարարի տեղակալ Սաֆարյանը շնորհավորել է նորանշանակ դեսպանին իր առաքելությունն սկսելու առթիվ և մաղթել արդյունավետ գործունեություն երկկողմ կապերի հետագա զարգացման ուղղությամբ՝ պատրաստակամություն հայտնելով ցուցաբերել ամենայն աջակցություն: Կողմերն գոհունակությամբ […] ...
12:28 28.04.2025
3 միլիոն դրամի ոսկեղեն գողացած տղամարդը կալանավորվել է․ Գեղարքունիքի քրեական ոստիկանների բացահայտումըԲնակարանային գողության վերաբերյալ ահազանգը Գեղարքունիքի մարզի օպերատիվ կառավարման կենտրոն ստացվեց ապրիլի 18-ի ժամը 22.17-ին: Մարզի Աստղաձոր գյուղի բնակիչը հայտնում էր, որ կոտրել են պատուհանն ու տարել ոսկեղեն: Գեղարքունիքի քրեական ոստիկանները մեկնեցին դեպքի վայր: Ըստ տանտիրոջ` տնից դուրս էին եկել երեկոյան ժամը ութին, վերադարձել մեկուկես ժամից, ու քիչ անց նկատել նախ կոտրած ապակին, ապա` նաև մոտ […] ...
12:17 28.04.2025
ՀՀ ԶՈՒ ստորաբաժանումները կրակ չեն բացել ադրբեջանական դիրքերի ուղղությամբ․ ՊՆԱդրբեջանի ՊՆ հաղորդագրությունը, թե իբր ապրիլի 28-ին՝ ժամը 00:25-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։ «Հիշեցնենք, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել։ Հայաստանի Հանրապետության […] ...
