17:48 08.06.2022
Գործադիրը լրացումներ և փոփոխություններ է առաջարկում «Երեխայի իրավունքների մասին» օրենքում, տեղեկացնում է ՀՀ ԱԺ պաշտոնական կայքը:
Առաջարկվող փոփոխությունները գործող ենթաօրենսդրական ակտերի համար կապահովեն լիազորող նորմեր:
ԱԺ մարդու իրավունքների պաշտպանության և հանրային հարցերի մշտական հանձնաժողովի հունիսի 8-ի նիստում հարցը ներկայացրել է աշխատանքի և սոցիալական հարցերի նախարարի տեղակալ Տաթևիկ Ստեփանյանը:
Փոխնախարարը նշել է, որ «Երեխայի իրավունքների մասին» օրենքի և Ընտրական օրենսգրքի բովանդակային փոփոխություններն ավելի մեծ փաթեթով առաջիկայում կներկայացվեն խորհրդարանի քննարկմանը:
Նշվել է, որ որևէ օրենքում երեխայի այլընտրանքային խնամքը սահմանող նորմ չկա, մինչդեռ ՀՀ-ն ստանձնել է երեխաների խնամքը ընտանեկան միջավայրին մոտ կազմակերպելու պարտավորություն: Փոխնախարարի խոսքերով՝ այս հարցում լավագույն օրինակ է խնամատարության ինստիտուտը:
Մյուս լիազորող նորմը վերաբերում է որդեգրման կարգին, ինչը թեպետ գործում է, սակայն լիազորող նորմ տարիներ շարունակ որևէ օրենքում չի եղել:
Հաջորդ փոփոխությունը վերաբերում է շուրջօրյա խնամք իրականացնող հաստատությունների ուղղորդման կարգին և չափորոշիչներին առնչվող ենթաօրենսդրական ակտը լիազորող նորմերի ապահովմանը:
Պատգամավոր Արուսյակ Ջուլհակյանը հետաքրքրվել է համայնքի կողմից խնամակալության և հոգաբարձության կազմակերպման խնդիրներով:
Փոխնախարար Տաթևիկ Ստեփանյանը նշել է, որ երեխայի իրավունքի դաշտում նախարարությունը քաղաքականություն մշակող լիազոր մարմինն է, իսկ ՏԻՄ-երի պատասխանատվությամբ գործում են խնամակալության և հոգաբարձության մարմինները: Նա կարևորել է համայնքային սոցիալական աշխատանքի ուժեղացումը՝ նշելով, որ որքան էլ լիազոր մարմինը մշակի չափորոշիչներն ու ուղղորդման կարգերը, համայնքը պետք է արագ արձագանքի և օգնի բնակչին:
Ըստ փոխնախարարի՝ պետք է կրթել համայնքի սոցիալական աշխատողներին, գնալ խնդիրները կանխարգելելու ճանապարհով:
Հարակից զեկույցում հանձնաժողովի նախագահի տեղակալ Ռուստամ Բաքոյանը հիշեցրել է, որ օրենսդրական առաջարկը կապահովի կառավարության ընդունած իրավական ակտերի իրավական հիմքը:
Նախաձեռնությունն արժանացել է հանձնաժողովի դրական եզրակացությանը:
17:06 28.04.2025
Արթուր Դավթյանը` մարմնամարզության աշխարհի գավաթի 6-րդ փուլի հաղթողՀայաստանի մարմնամարզության հավաքականի անդամ, Օլիմպիական խաղերի արծաթե մեդալակիր, աշխարհի և Եվրոպայի չեմպիոն Արթուր Դավթյանը ոսկե մեդալ է նվաճել Կահիրեում ավարտին մոտեցող աշխարհի գավաթի խաղարկության 6-րդ փուլում: Հենացատկի վարժության եզրափակչում նա հավաքել է 14.700 միավոր և զբաղեցրել է առաջին տեղը: Ավելի վաղ աշխարհի գավաթի խաղարկության 6-րդ փուլի հաղթողներ էին դարձել Հայաստանի մարմնամարզության հավաքականի անդամներ Համլետ Մանուկյանն […] ...
17:00 28.04.2025
Արդարադատության նախարարը ելույթով է հանդես եկել հանրային տիրույթում ատելության խոսքի դեմ պայքարին նվիրված աշխատաժողովինԱրդարադատության նախարար Սրբուհի Գալյանը որպես բանախոս հանդես է եկել ՀՀ մարդու իրավունքների պաշտպանի և Եվրոպայի խորհրդի երևանյան գրասենյակի հետ համատեղ կազմակերպած աշխատաժողովին՝ նվիրված պետական հաստատությունների և լրատվամիջոցների միջև հաղորդակցության ամրապնդմանը՝ հանրային տիրույթում ատելության խոսքի դեմ պայքարելու համատեքստում։ Իր խոսքում Սրբուհի Գալյանն անդրադարձել է իրավահավասարության ապահովման և խտրականությունից պաշտպանության, ինչպես նաև ատելության խոսքի դեմ պայքարի ոլորտում […] ...
16:53 28.04.2025
Կայացել է Նիկոլ Փաշինյանի հանդիպումն Էստոնիայի ԱԳ նախարարի հետՊաշտոնական այցի շրջանակում ՀՀ վարչապետ Նիկոլ Փաշինյանն իր կեցավայրում ընդունել է Էստոնիայի Հանրապետության արտաքին գործերի նախարար Մարգուս Ցահքնանին: Հանդիպման ընթացքում կողմերը քննարկել են Հայաստան-Էստոնիա երկկողմ հարաբերությունների օրակարգին վերաբերող հարցեր՝ կարևորելով քաղաքական, տնտեսական և միջմշակութային համագործակցության զարգացման հեռանկարները: Զրուցակիցներն անդրադարձել են Հարավային Կովկասում տեղի ունեցող զարգացումներին, մասնավորապես՝ Հայաստանի և Ադրբեջանի միջև խաղաղության գործընթացին: Կողմերը շեշտել են […] ...
16:44 28.04.2025
Անչելոտին ամենայն հավանականությամբ կգլխավորի Բրազիլիայի հավաքականըՄադրիդի «Ռեալի» գլխավոր մարզիչ Կառլո Անչելոտին, ամենայն հավանականությամբ, շուտով աշխատանքի կանցնի Բրազիլիայի ազգային հավաքականում, գրում է ինսայդեր Նիկոլո Սկիրան։ Իտալացուն այժմ մեկ քայլ է բաժանում հավաքականի գլխավոր մարզչի պաշտոնը ստանձնելուց։ Բրազիլիայի ֆուտբոլի կոնֆեդերացիայի (CBF) ներկայացուցիչների ու Անչելոտիի միջև բանակցությունները հաջող են ընթանում։ CBF-ում վստահ են, որ առաջիկա օրերին վերջնական համաձայնության կհասնեն իտալացու հետ։ Անչելոտին մինչև […] ...
16:34 28.04.2025
«Զվարթնոց» օդանավակայանի համայնքային ոստիկանները հայտնաբերել են օտարերկրացի հետախուզվողներիՀամայնքային ոստիկանության «Զվարթնոց» օդանավակայանի բաժնի ծառայողների ձեռնարկված օպերատիվ-հետախուզական միջոցառումների շնորհիվ ապրիլի 25-ին` գիշերվա ժամը 1-ին, Դոհա-Երևան չվերթի ժամանումից հետո, բաժին է բերվել և ձերբակալվել օտարերկրյա 28-ամյա քաղաքացի, որը 2022 թվականից Ուզբեկստանի իրավապահ մարմինների կողմից հետախուզվում էր խարդախության մեղադրանքով, խափանման միջոցը՝ կալանք: Ոստիկանները նաև ստացել էին օպերատիվ տեղեկություն, որ նույն օրը Ուզբեկստանի իրավապահների կողմից հետախուզվող 50-ամյա […] ...
16:25 28.04.2025
Դեսպան Վահագն Աֆյանն իր հավատարմագրերն է հանձնել Բանգլադեշի նախագահինՀՀ դեսպան Վահագն Աֆյանն (նստավայրը՝ Նյու Դելի) իր հավատարմագրերն է հանձնել Բանգլադեշի Ժողովրդական Հանրապետության նախագահ Մոհամմեդ Շահաբուդդինին։ Ինչպես տեղեկացնում են Հնդկաստանում Հայաստանի դեսպանությունից, Բանգլադեշում ՀՀ դեսպանը պատրաստակամություն է հայտնել ջանքեր ներդնել երկկողմ հարաբերությունների զարգացման և համագործակցության ակտիվացման գործում, ում հաջողություններ է մաղթել Բանգլադեշի նախագահը։ Մինչ այդ դեսպան Վ. Աֆյանն իր հավատարմագրերի պատճենն է հանձնել Բանգլադեշի […] ...
