25 11 2024

$

389.76
3.79
€

406.40

+16.09 ^oC

«SOS Սևան»-ը դարձյալ արշավ է սկսում

ՀԱՅԱՍՏԱՆ

16:05 01.08.2018

Մի քանի բնապահպանական կազմակերպությունների ղեկավարներ ու ներկայացուցիչներ այսօր քննարկում են հրավիրել՝ ասելով, որ «SOS Սևան» նախաձեռնությունը արշավ է սկսում լճի փրկության համար:

«Հիմա սկսում ենք «SOS Սևան» արշավ, մենք պատրաստվում ենք գնալ Սևանի բոլոր համայնքները, նաև պատրաստվում ենք գնալ Արմավիրի մարզ, որպեսզի հասկանանք՝ ինչ է կատարվում Արմավիրի մարզում, մարդիկ երբ բողոքում են, երբ հավելյալ ջուրը ստանում են, էդ ջուրը նրանց հասնո՞ւմ է, թե՞ ոչ, որովհետև մեր տվյալներով՝ էդ ջուրն անպայման չի, որ հասնի էդ մարդկանց: Մենք ուզում ենք հասկանալ Սևանի համայնքների վերաբերմունքն էդ գործընթացին և էդ վերաբերմունքը դնենք կառավարության սեղանին: Երևանի, վաղվանից կամ վաղը չէ մյուս օրվանից, մեր արշավը սկսվում է»,- ասել է «Էկոլուր» տեղեկատվական ՀԿ նախագահ Ինգա Զարաֆյանը:

Ըստ «Խազեր» էկոլոգամշակութային ՀԿ փորձագետ Արամ Գաբրիելյանի՝ կառավարությանը ուղղված դիմումն առայժմ 7 կազմակերպություններ են ստորագրել:

«Ցանկանում ենք ունենալ, վերջին հաշվով, Սևանա լիճ՝ իր էկոհամակարգերով: Նաև ջրամբար, որի շուրջ միայն խոսք է գնում բալանսի մասին՝ ինչքան ջուր եկավ, ինչքան գնաց: Մենք կարծում ենք, որ մինչև այդ սկզբունքային հարցը չլուծվի, մենք չենք կարող առաջ գնալ, և տարեցտարի սակարկությունները՝ այսքան միլիոն ավելի բաց թողնել, այսքան միլիոն պակաս բաց թողնել, արդյուք չի տալիս, քանի որ դեռ մենք չունենք էն վերջնարդյունքը, որին ուզում ենք հասնել»,- ասել է նա:

Ըստ Գաբրիելյանի՝ ուղղակի անհեթեթ հայտարարություն է, երբ ասվում է, որ պետք է Սևանա լճից 170 խմ ավելի ջուր բաց թողնել:

«Էկոհամակարգը թույլ է տալիս, որ Սևանա լճից դուրս հոսի 50-ից 60 մլն խմ: Այսինքն՝ մենք 170 մլն ասելով՝ 110 կամ 120 խմ լրացուցիչ ջուր Սևան էկոհամակարգից վերցնում ենք: Ի լրումն դրա, հիմա էլ ուզում ենք 85 մլն խմ վերցնել: Մեր ամբողջ ջրօգտագործման ծավալը 3 մլրդ է, հիմա քանի՞ տոկոսն է կազմում էդ 85 միլիոնը: Ընդամենը 3 տոկոս: Այսինքն՝ տարիներ շարունակ այդ 3 տոկոսի շուրջ գնում են սակարկություններ այն դեպքում, երբ մեր կորուստները ցանցերում կազմում են 80-ից ավելի տոկոս»,- հավելել է Գաբրիելյանը:

«Խազեր» էկոլոգամշակութային ՀԿ փորձագետը նաև հավելել է, որ ջրառի սակարկություններին կառավարություն նամակ ուղղող կազմակերպություններն այլևս չեն մասնակցելու, և Սևանա լճի ջրի պաշարը վերականգնելու անհրաժեշտության մասին են հիշեցնում:

Ջրային տնտեսության պետական կոմիտեն դարձյալ կառավարություն է դիմել Սևանա լճից հավելյալ ջուր բաց թողնելու համար:

Սևանա լիճ

Բաժանորդագրվեք SHANTNEWS.am-ին Telegram-ում

Բոլոր լուրերը

12:00 25.11.2024
SHANTNEWS

Կապակցված լուրեր

11:53 25.11.2024

ՆԳՆ ՓԾ ճգնաժամային կառավարման ազգային կենտրոնում գրանցվել է 439 դեպք, որից 146-ը՝ արտակարգ

Նոյեմբերի 18-24-ը ՆԳՆ ՓԾ ճգնաժամային կառավարման ազգային կենտրոնում գրանցվել է 439 դեպք, որից 146-ը՝ արտակարգ: Մասնավորապես՝ հրդեհի՝ 65, սողանքի, դժբախտ պատահարի, կենսաապահովման կոմունալ համակարգերում վթարի, օձի նկատման՝ 1-ական, երկրաշարժի՝ 2, թունավորման, ինքնասպանության փորձի, զինամթերքի հայտնաբերման՝ 7-ական, կեղծ ահազանգի՝ 4, ճանապարհատրանսպորտային պատահարի՝ 63, ինչպես նաև՝ կենցաղային կանչի՝ 180, հրդեհի ծագման սպառնալիքի՝ 25, հրդեհի կեղծ կանչի՝ 20, […] ...

11:47 25.11.2024

Իրանն ու «եվրոեռյակը» բանակցություններ կվարեն փոխարտգործնախարարների մակարդակով

Նոյեմբերի 29-ին Ժնևում փոխարտգործնախարարների մակարդակով տեղի կունենա Իրանի և եվրոպական եռյակի (Մեծ Բրիտանիա, Գերմանիա և Ֆրանսիա) ներկայացուցիչների հանդիպումը։ Այս մասին հայտնում է իրանական Donya-e-Eqtesad թերթը ՝ հղում անելով իր աղբյուրին։ Աղբյուրի փոխանցմամբ՝ իսլամական հանրապետությունը կներկայացնի փոխարտգործնախարար Մաջիդ Թախտ-Ռավանչին։ Նա արդեն մեկնել է Նորվեգիայի մայրաքաղաք Օսլո, որտեղ տեղի կունենան չորս երկրների ներկայացուցիչների առաջին հանդիպումները։ Բանակցությունները տեղի […] ...

11:40 25.11.2024

Կոբախիձեն խորհրդարանին է ներկայացրել Բոչորիշվիլիի թեկնածությունը ԱԳ նախարարի պաշտոնում

Վրաստանի վարչապետ Իրակլի Կոբախիձեն խորհրդարանին է ներկայացրել Եվրոպայի հետ հարաբերությունների խորհրդարանական կոմիտեի ղեկավար Մակի Բոչորիշվիլիի թեկնածությունը հանրապետության արտաքին գործերի նախարարության ղեկավարի պաշտոնում։ «Նա հատուկ ներածության կարիք չունի, բայց ևս մեկ անգամ ուզում եմ հիշեցնել, որ տիկին Մակի Բոչորիշվիլին դիվանագիտական ծառայության մեծ փորձ ունի, նա հաջողությամբ զբաղվում է իր բիզնեսով ավելի քան 20 տարի։ Դուք գիտեք, […] ...

11:35 25.11.2024

«Երևանի թիվ 175 միջնակարգ դպրոց» ՊՈԱԿ-ում գործարկվելու է էլեկտրական շչակ

Նոյեմբերի 26-ին՝ ժամը 11:00-ին, «Երևանի թիվ 175 միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով հատուկ տակտիկական ուսումնավարժություն, որի ընթացքում գործարկվելու է էլեկտրական շչակ: Այս մասին հայտնում է ՆԳՆ փրկարար ծառայությունը։ ...

11:28 25.11.2024

33-ամյա երիտասարդին մարմնական վնասվածք պատճառած տղամարդը ձերբակալվել է

Նոյեմբերի 22-ի ժամը 20.32-ին ՆԳՆ ոստիկանության Արագածոտնի մարզի օպերատիվ կառավարման կենտրոն հաղորդում է ստացվել, որ «գանգուղեղային վնասվածք» ախտորոշմամբ «Արմենիա» բժշկական կենտրոն բուժօգնության է դիմել Արագածոտն գյուղի բնակիչ 33-ամյա երիտասարդ: Համայնքային ոստիկանության Աշտարակի բաժնի և ՔՈԳՎ Արագածոտնի մարզային վարչության ծառայողների համատեղ ձեռնարկած միջոցառումների արդյունքում պարզվել է, որ Արագածոտն գյուղում տեղի ունեցած վիճաբանության ժամանակ 33-ամյա երիտասարդի գլխին […] ...

11:20 25.11.2024

Ճապոնիայի ափերի մոտ 5,1 մագնիտուդ երկրաշարժ է տեղի ունեցել

Ճապոնիայի Օկինավա կղզու արևելյան ափերի մոտ 5,1 մագնիտուդ երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։ Էպիկենտրոնը գտնվել է Նահա քաղաքից 90 կմ հարավ-արեւելք, որտեղ ապրում է մոտ 300 հազար մարդ։ Օջախն ընկել է 10 կմ խորության վրա։ Զոհերի և ավերածությունների մասին տեղեկություններ չկան։ Ցունամիի սպառնալիք չի հայտարարվել։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.