17:40 02.05.2022
ՀՀ կրթության, գիտության, մշակույթի և սպորտի նախարարի տեղակալ Արա Խզմալյանն ընդունել է Ընտրական համակարգի միջազգային հաստատության («ԱՅ ԷՖ Ի ԷՍ»-IFES) հայաստանյան գրասենյակի ներկայացուցիչներին՝ տնօրեն Ժերոմ Լեյրոյի գլխավորությամբ:
Ինչպես տեղեկացնում են ԿԳՄՍ նախարարությունից, հանդիպմանը ներկայացվել են նշյալ կազմակերպության առաքելությունն ու իրականացված աշխատանքները, որոնց նպատակն է քաղաքացիական հասարակության ձևավորումը: Ծրագրերն իրականացվել են ԱՄՆ Միջազգային զարգացման գործակալության (ՄԶԳ՝ USAID) ֆինանսական աջակցությամբ և կշարունակվեն մինչև 2025 թ.:
Ողջունելով հյուրերին՝ նախարարի տեղակալ Ա. Խզմալյանը կարևորել է երկկողմանի համագործակցությունը, որը միտված է ԿԳՄՍ նախարարության ներառական ծրագրերի արդյունավետության բարձրացմանն ու մշակութային հաստատությունները հաշմանդամություն ունեցող անձանց համար առավել մատչելի ու հասանելի դարձնելու գործընթացի ապահովմանը: ԿԳՄՍ նախարարի տեղակալն ընդգծել է, որ ներառական քաղաքականությունը Կառավարության առաջնահերթություններից է:
Հանդիպմանը ներկա էր նաև «Մատչելիության և քաղաքական ներառում» ծրագրի պատասխանատու Արուսյակ Տերչանյանը, որը ներկայացրել է կատարված աշխատանքները, որոնք միտված են խթանելու հաշմանդամություն ունեցող անձանց քաղաքական ներգրավվածությունը: Նա ծանոթացրել է 2019-2020 թթ. Երևանում և ՀՀ բոլոր մարզերում իրականացված «Ընտրատեղամասերի մատչելիությունը» հետազոտության արդյունքներին և ստեղծված տվյալների բազային, ինչպես նաև հանրային շենքերի մատչելիության բարելավմանն ուղղված առաջարկություններին ու գործիքներին:
Ներկայացված տվյալների բազան ներառում է մշակութային հաստատությունների հասանելիության վերաբերյալ մանրամասն տեղեկատվություն, որը կարող է օգտակար գործիք լինել մշակութային հաստատությունները հաշմանդամություն ունեցող անձանց համար առավել հասանելի դարձնելու գործընթացն ապահովելու հարցում: Ըստ պատասխանատուի՝ առանձին ցանկում ներառված 374 մշակութային հաստատություններից 71-ը կարելի է համարել մատչելի:
Հանդիպման ավարտին փոխնախարար Արա Խզմալյանն առաջարկել է առաջիկայում խորհրդատվական աջակցություն ցուցաբերել մշակութային հաստատությունների ղեկավարներին, դասընթացային ձևաչափով ներկայացնել առկա խնդիրների լուծման քայլերը՝ մատչելիության չափանիշների վերաբերյալ մշակելով գործողությունների գրագետ ճանապարհային քարտեզ:
14:52 28.04.2025
ԱԽ քարտուղարը Կատարում անդրադարձել է Հայաստան-Ադրբեջան հարաբերությունների կարգավորման գործընթացինԱպրիլի 28-ին ՀՀ ԱԽ քարտուղար Արմեն Գրիգորյանը Կատարի Պետություն կատարած աշխատանքային այցի ընթացքում հարց ու պատասխանի ձևաչափով մասնակցել է «Համաշխարհային անվտանգություն ֆորումին»: Հարց ու պատասխանի ընթացքում ԱԽ քարտուղարն անդրադարձել է Հայաստան-Ադրբեջան հարաբերությունների կարգավորման գործընթացին և խաղաղության համաձայնագրի ստորագրմանն ուղղված Հայաստանի կողմից իրականացվող քայլերին: Ա.Գրիգորյանը խոսել է նաև ՀՀ կառավարության կողմից առաջ քաշված «Խաղաղության խաչմերուկ» նախագծի […] ...
14:46 28.04.2025
Միջազգային իրավունքի շրջանակներում հնարավոր կլինի լուծել Հայաստանի և Ադրբեջանի միջև առկա տարաձայնությունները․ ՓեզեշքիանԹեհրանը կարծում է, որ միջազգային իրավունքի շրջանակներում հնարավոր կլինի լուծել Հայաստանի և Ադրբեջանի միջև առկա տարաձայնությունները։ Այս մասին խոսել է Իրանի նախագահ Մասուդ Փեզեշքիանը Ադրբեջանի պետական հեռուստատեսությանը տված հարցազրույցում։ «Հակամարտությունը սկսվում է այն ժամանակ, երբ կողմերից մեկը փորձում է վերահսկողության տակ առնել մյուսների սահմանները կամ տարածքները: Ուստի մենք միշտ աջակցել ենք և կարծում ենք, որ […] ...
14:33 28.04.2025
«Լիվերպուլը» 20-րդ անգամ հռչակվել է Անգլիայի չեմպիոն«Լիվերպուլը» պատմության մեջ 20-րդ անգամ դարձել է Անգլիայի չեմպիոն։ Պրեմիեր լիգայի 34-րդ տուրում սեփական դաշտում լիվերպուլցիները 5-1 հաշվով հաղթել են «Տոտենհեմին»։ «Լիվերպուլը» միավորների քանակը հասցրել է 82-ի և առաջնության ավարտից չորս տուր առաջ անհասանելի դարձել մրցակիցների համար։ Ակումբը նախորդ անգամ չեմպիոնի տիտղոսը նվաճել էր 2019/20 մրցաշրջանում։ «Լիվերպուլը» Անգլիայի չեմպիոնությունների քանակով հավասարվել է «Մանչեսթեր Յունայթեդին»։ Հաշվարկում […] ...
14:27 28.04.2025
Օպերատիվ իրավիճակը հանրապետությունում ապրիլի 25-28-ըԲացահայտվել է 249 հանցագործություն, որոնցից 12-ը՝ նախկինում կատարված: Մասնավորապես՝ 30 դեպք՝ վարժական հավաքից խուսափելու, 28 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 27 դեպք՝ թմրանյութի հայտնաբերման, 22-ական դեպք՝ ֆիզիկական ներգործության և խարդախության, 15 դեպք՝ հոգեկան ներգործության,14 դեպք՝ մարմնական վնասվածք պատճառելու, 11 դեպք՝ անձնական […] ...
14:20 28.04.2025
Պուտինի գրաֆիկում դեռ չկա Թրամփի հետ նոր հեռախոսազրույց․ ՊեսկովՌԴ նախագահ Վլադիմիր Պուտինի գրաֆիկում դեռ չկա հեռախոսազրույց ԱՄՆ նախագահ Դոնալդ Թրամփի հետ, հայտնել է ՌԴ նախագահի մամուլի քարտուղար Դմիտրի Պեսկովը։ «Դա դեռ ժամանակացույցում չկա: Հարկ եղած դեպքում կարելի է շատ արագ համաձայնեցնել»,- ասել է Պեսկովը՝ պատասխանելով «Ինտերֆաքս»-ի հարցին։ Վլադիմիր Պուտինի և Դոնալդ Թրամփի հեռախոսազրույցը մարտի 18-ին տևել է մոտ երկու ժամ։ ...
