19:22 30.07.2018
Արդբեջանում հուլիսի 29-ին տեղի ունեցած «Жара» ամենամյա երաժշտական փառատոնը Բաքվում հյուրընկալել է բազմաթիվ հյուրերի, այդ թվում՝ ՌԴ նախագահի մամուլի քարտուղար Դմիտրի Պեսկովին և ՌԴ արտգործնախարարության պաշտոնական ներկայացուցիչ Մարիա Զախարովային:
Զախարովան հարցազրույց է տվել Sputnik լրատվական գործակալության ադրբեջանական ծառայությանը, որի ընթացքում խոսել է նաև Արցախի հակամարտության մասին:
Այն հարցին, թե ինչպես է ինքը վերաբերվում Հայաստանի և Ադրբեջանի միջև հնարավոր շփումներին՝ երկու երկրների ղեկավարների և արտգործնախարարների մակարդակով, Զախարովան նշել է, որ ողջունում է այդ շփումները: Նա ընդգծել է, որ առկա խնդիրների լուծման համար անհրաժեշտ է երկկողմ շփում և երկխոսություն՝ փոխադարձ հարգանքի վրա հիմնված:
Զախարովան նաև հավելել է, որ Ռուսաստանը, որպես երկու երկրների բարեկամ, ինչպես նաև որպես ԼՂ հակամարտության կարգավորման հարցում միջնորդ, հետաքրքրված է հակամարտության կարգավորմամբ:
Լրագրողը հարց է հնչեցրել նաև այն մասին, թե ինչպես է ԱԳՆ մամուլի խոսնակը վերաբերվում Նիկոլ Փաշինյանի այն հայտարարությանը, որ Ռուսաստանն ունի Ղարաբաղում պատերազմը կանխելու բոլոր լծակները:
«Կարծում եմ՝ այստեղ նույնիսկ որևէ մեկին մեջբերելու կարիք չկա: Ռուսաստանը պատմականորեն իրեն դրսևորել է որպես պատասխանատու միջնորդ, որը բազմիցս գործով ապացուցել է միջնորդի իր կառուցողական դերը: Այդպես լինելու է նաև հետագայում: Մեր դիրքորոշումը ղարաբաղյան հարցի վերաբերյալ անփոփոխ է: Եվ ես կարծում եմ, որ այստեղ միշտ պետք է հիշել այն պատմական փորձը, որ Ռուսաստանն ունի այս գործընթացի միջնորդի դերում», – նշել է Զախարովան:
ՌԴ արտգործնախարարության պաշտոնական ներկայացուցիչը նաև հայտնել է, որ Մոսկվայի դիրքորոշումը ղարաբաղյան հարցի շուրջ երբեք երկիմաստ չի եղել, և բոլոր ջանքերը կենտրոնացած են եղել միջնորդի դերի վրա, որի վերջնական նպատակն է երկու կողմերի համար ընդունելի պայմանավորվածությունների ձեռքբերումը:
«Ե՛վ Բաքվում, և՛ Երևանում գիտեն, որ Մոսկվան այս իմաստով հուսալի գործընկեր է: Կողմերը վստահություն ունեն Մոսկվայի և նրա դերի հանդեպ»,- հավելել է Զախարովան:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
