17:18 28.07.2018
ԱՄՆ-ի Սենատի արտաքին հարաբերությունների հարցերով հանձնաժողովը Թուրքիայի նկատմամբ պատժամիջոցներ սահմանող օրինագիծ է ընդունել։ Daily Sabah պարբերականի փոխանցմամբ՝ այդ օրինագծով սահմանափակումներ են նախատեսվում Թուրքիայի նկատմամբ՝ միջազգային ֆինանսական կազմակերպություններից վարկ ստանալու հարցում։
Օրինագծի ներկայացման պատճառը Թուրքիայում մարդու իրավունքի և կրոնի ազատության բնագավառներում առկա խախտումներն են։ Պատժամիջոցները կգործեն այնքան ժամանակ, մինչև Անկարան ազատ չարձակի Թուրքիայում կալանավորված ԱՄՆ քաղաքացիներին, այդ թվում՝ հոգևորական Էնդրյու Բրանսոնին:
Օրինագիծն անցած շաբաթ ներկայացրել էին սենատորներ Թոմ Թիլիսը, Ջին Շահինը, Ջեյմս Լենքֆորդը և Բիլ Նելսոնը:
«Մենք երբեք չէինք ցանկանա, որ նման օրինագծի անհրաժեշտությունը լիներ, սակայն մենք Թուրքիայի կառավարությանը նախազգուշացրել էինք, որ եթե նրանք չդադարեն ԱՄՆ քաղաքացիների և դեսպանատան տեղացի աշխատակիցների անօրինական ձերբակալությունները և հետապնդումները, ապա դա անհետևանք չի մնա», – նշել էՍենատի արտաքին հարաբերությունների հարցերով հանձնաժողովի նախագահ, հանրապետական սենատոր Բոբ Քորքերը:
Ինչպես ավելի վաղ հայտնել էր SHANTNEWS-ը, ԱՄՆ նախագահ Դոնալդ Թրամփը և փոխնախագահ Մայք Փենսը սպառնացել էին պատժամիջոցներ կիրառել Թուրքիայի դեմ, եթե ամերիկացի հոգևորական Էնդրյու Բրանսոնն ազատ չարձակվի:
Ավելի ուշ Թուրքիայի արտգործնախարարությունը պատասխանել էր այդ սպառնալիքներին՝ նշելով, որ Թուրքիան ինքնիշխան պետություն է, և ոչ ոք չի կարող իրենց հրաման տալ և սպառնալ: Երկրի արտգործնախարար Մևլութ Չավուշօղլուն նույնպես իր թվիթերյան էջում նշել էր, որ Թուրքիան ոչ ոքի սպառնալիքները չի հանդուրժի:
Հիշեցնենք, որ Էնդրյու Բրանսոնը երկար ժամանակ է՝ կալանավորված է Թուրքիայում: Նա մեղադրվում է ահաբեկչական կառուցների հետ կապ ունենալու մեջ: Բրանսոնին 35 տարվա ազատազրկում է սպառնում:
15:59 04.04.2025
«Բարսելոնան» կարող է Շչեսնիին դուրս թողնել ՉԼ հայտացուցակից«Բարսելոնայի» դարպասապահ Վոյցեխ Շչեսնին կարող է դուրս մնալ ակումբի` Չեմպիոնների լիգայի մնացած հանդիպումների հայտացուցակից, հայտնում է ESPN-ը։ «Բարսելոնան» մտադիր է այդ քայլին դիմել` ակումբի հիմնական դարպասապահ Մարկ-Անդրե տեր Շտեգենին հայտավորելու համար։ Չեմպիոնների լիգայում թույլատրված է հայտավորել 17 արտասահմանցու։ Մյուս 8 տեղերը պետք է զբաղեցնեն ակումբի երկիրը ներկայացնող ֆուտբոլիստները։ Օրենքը թույլ է տալիս վնասվածքների դեպքում դարպասապահներին […] ...
15:50 04.04.2025
Մարտուն Գրիգորյանը որոշում է կայացրել․ արդյո՞ք կտա անհրաժեշտ քանակությամբ քվե Վարդան ՂուկասյանինՄարտուն Գրիգորյանը որոշում է կայացրել անհրաժեշտ քանակությամբ քվե տալ Վարդան Ղուկասյանին, որպեսզի նա ընտրվի Գյումրու քաղաքապետ։ Այս մասին նա հայտնել է Ֆեյսբուքի իր էջում։ «Հարգելի գյումրեցիներ, շնորհակալ ենք Գյումրու ավագանու ընտրություններին ձեր մասնակցության համար, նախորդ օրերին ինձ ջերմ ու առանձնահատուկ ընդունելության, թիմիս աջակցելու և ‹‹Մեր քաղաքը›› դաշինքին ընտրելու համար։ Դուք տեսաք, թե ինչ կատարվեց և […] ...
15:50 04.04.2025
Արմեն Ղազարյանն ընդունել է Վիետնամի հանրային անվտանգության փոխնախարարի գլխավորած պատվիրակությանըՆերքին գործերի նախարարի տեղակալ Արմեն Ղազարյանը ապրիլի 3-ին ընդունել է Վիետնամի Սոցիալիստական Հանրապետության հանրային անվտանգության նախարարի տեղակալ Չան Քուոկ Տոյի գլխավորած պատվիրակությանը: Հանդիպման ընթացքում կողմերն անդրադարձել են ներքին անվտանգության, թմրամիջոցների ապօրինի շրջանառության դեմ պայքարի, կիբեռանվտանգության, միգրացիայի և քաղաքացիության, մարդու իրավունքների պաշտպանության և մի շարք այլ հարցերի: Բարձր գնահատելով երկու երկրների միջև ձևավորված համագործակցությունը՝ Արմեն Ղազարյանը […] ...
15:40 04.04.2025
Հայտնի է Պարույր Հովհաննիսյանի աշխատանքից ազատման պատճառըՀայաստանի արտաքին գործերի նախարարի տեղակալ Պարույր Հովհաննիսյանն աշխատանքից ազատվել է՝ այլ պաշտոնի անցնելու նպատակով: «Արմենպրես»-ի տեղեկություններով՝ Պարույր Հովհաննիսյանը նշանակվելու է ՄԱԿ-ում ՀՀ մշտական ներկայացուցիչ: Նշենք, որ ՄԱԿ-ում Հայաստանի մշտական ներկայացուցիչն այս պահին Մհեր Մարգարյանն է: Նա նշանակվել է 2018 թվականի օգոստոսի 13-ին: Ավելի վաղ հայտնել էինք, որ ՀՀ վարչապետի հրամանով Հայաստանի արտաքին գործերի նախարարի տեղակալ […] ...
15:32 04.04.2025
Վերականգնվել է պետությանը պատճառված 181 մլն 591 հազար դրամըՀՀ քննչական կոմիտեի Երևան քաղաքի քննչական վարչությունում քննվող առանձնապես խոշոր չափերով գույքը հափշտակելու վերաբերյալ քրեական վարույթի նախաքննությունն ավարտվել է, որի արդյունքում վերականգնվել է պետությանը պատճառված 181 մլն 591 հզր ՀՀ դրամը: Նախաքննության ընթացքում առերևույթ փաստական տվյալներ են ձեռք բերվել այն մասին, որ Կ․Ա–ն պետական մասնակցությամբ ընկերությանը սեփականության իրավունքով հանձնված տրանսպորտային միջոցները շահադիտական նպատակով հափշտակելու դիտավորությամբ՝ Ն․Հ․–ին տվել է ընկերության անունից հանդես գալու լիազորագիր: Նշված լիազորագրի հիման վրա ընկերությունն իրեն վստահված՝ օրինական […] ...
15:23 04.04.2025
Հայաստանի Հանրապետությանը կվերադարձվի Երևանի հեռուստաաշտարակին հարող տարածքի՝ շուրջ 1 միլիոն 650 հազար ԱՄՆ դոլար արժեքով հողամասըԳլխավոր դատախազության՝ պետական շահերի պաշտպանության վարչության հերթական հայցը Հակակոռուպցիոն դատարանի 2025 թվականի ապրիլի 4-ի վճռով բավարարվել է. դատական ակտն օրինական ուժի մեջ մտնելուց հետո, Հայաստանի Հանրապետությանը կվերադարձվի Երևան քաղաքի Գ.Հովսեփյան փողոցի՝ հեռուստաաշտարակին հարող տարածքի՝ շուրջ 1 միլիոն 650 հազար ԱՄՆ դոլարին համարժեք 645 միլիոն 950 հազար դրամ կադաստրային արժեքին մոտարկված շուկայական արժեքով, «անտառային նպատակային նշանակության» […] ...
