10:59 25.03.2022
ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը մարտի 24-ին աշխատանքային հանդիպում է ունեցել «Սինոփսիս Արմենիա» ընկերության նախագահ Երվանդ Զորյանի և կրթական դեպարտամենտի ղեկավար Վազգեն Մելիքյանի, ՏՀՏ գործատուների միության նախագահ Արմեն Բալդրյանի և գործադիր տնօրեն Էդուարդ Մուսայելյանի հետ։
Հանդիպման ընթացքում քննարկվել է ՏՀՏ գործատուների միության կողմից թվայնացված «Արհեստական բանականություն» դասընթացը հիբրիդային ձևաչափով ավագ դպրոցներում ներդնելու հնարավորության հարցը։
Ողջունելով հանդիպման մասնակիցներին՝ Ժաննա Անդրեասյանը նշել է, որ ՀՀ կառավարության և ԿԳՄՍ նախարարության համար ԲՏՃՄ ուղղությամբ կրթության զարգացումն առաջնահերթություն է՝ պատրաստակամություն հայտնելով իրականացնելու նոր ծրագրեր և նախաձեռնություններ։ Նա շեշտել է, որ ՏՀՏ ոլորտում առկա են բազմաթիվ ծրագրեր, հետևաբար պետք է փորձել համադրել այդ ծրագրերը, խուսափել կրկնություններից և առկա ռեսուրսներն օգտագործել առավել արդյունավետ ու թիրախային։
«Սինոփսիս Արմենիա» ընկերության նախագահ Երվանդ Զորյանը ներկայացրել է «Արհեստական բանականություն» դասընթացի նպատակներն ու գործիքները՝ ընդգծելով, որ այն մշակվել է աշխարհի լավագույն փորձի հիման վրա։ Նրա խոսքով՝ ՀՀ բոլոր բնակավայրերում կրթության հասանելիության ապահովման համար այն մշակվել է նաև առցանց ձևաչափով։
Հանդիպման մասնակիցները շեշտել են, որ դասընթացը երեք տարվա ծրագիր է՝ նախատեսված ավագ դպրոցների համար, ներառում է նաև թեստավորման մաս, ինտերակտիվ հարցեր և նախագծային աշխատանք։ Նրանք անդրադարձել են դասընթացի իրականացման համար դպրոցներում անհրաժեշտ պայմանների ապահովման և ուսուցիչների վերապատրաստման խնդիրներին։
Նախարարի տեղակալ Ժաննա Անդրեասյանը պարզաբանել է, որ ծրագիրը պետք է ներկայացվի ԿԶՆԱԿ՝ փորձաքննության համար, և դրական եզրակացության դեպքում երաշխավորվի ԿԳՄՍ նախարարության կողմից։ Համապատասխան պայմանների առկայության դեպքում դպրոցը կարող է օգտագործել դասընթացը։ Փոխնախարարը նաև կարևորել է, որ դասընթացի բաղադրիչ է հանդիսանում նախագծային ուսուցումը, քանի որ նոր չափորոշչով՝ ավագ դպրոցներում այն դառնալու է պարտադիր։
Ժաննա Անդրեասյանը ներկայացրել է հանրակրթության ոլորտում հեռավար ուսուցման փորձը, այն է՝ գյուղական համայնքներում ուսուցիչների պակասի հետ կապված մենթոր դպրոցների կողմից իրականացվող ծրագիրը և վերջերս Ասիական զարգացման բանկի հետ մշակված՝ հեռավար կրթության հարթակը, որն ինտեգրված է Կրթության կառավարման տեղեկատվական համակարգին։
Փոխնախարարը ներկայացրել է նաև ԲՏՃՄ ուղղությամբ իրականացվող աշխատանքները՝ ընդգծելով, որ մինչև 2026 թվականը ՀՀ բոլոր դպրոցները պետք է ապահովված լինեն լաբորատորիաներով։ Նա փաստել է, որ լրջագույն խնդիր է ԲՏՃՄ ուսուցիչների պակասի հարցը՝ ներկայացնելով այդ ուղղությամբ պետության իրականացրած քայլերը՝ մանկավարժական կրթության բարելավման գործիքներ, տվյալ առարկաների ուսուցիչների համար խրախուսման միջոցների անհրաժեշտություն և այլն։
Հանդիպման մասնակիցները քննարկել են նաև «Ինֆորմատիկա» առարկայի ուսուցիչների վերապատրաստման, նոր չափորոշչով սահմանված «Թվային գրագիտություն և համակարգչային գիտություն» առարկայի դասավանդման վերաբերյալ մի շարք հարցեր։
Նշենք, որ կարևորելով ՏՀՏ բնագավառում տարբեր մեթոդաբանությամբ մոտեցումների կիրառումը՝ ԿԳՄՍ նախարարությունը նմանօրինակ համագործակցություն ունի նաև FAST հիմնադրամի հետ։ Նոր ծրագիրն ուղղված է ավագ դպրոցներում աշակերտների` արհեստական բանականության և տվյալագիտության ոլորտներում պատրաստվածության բարձրացմանը:
19:53 28.04.2025
Յուրգեն Կլոպը կարող է գլխավորել Մադրիդի «Ռեալը»Յուրգեն Կլոպը կարող է գլխավորել Մադրիդի «Ռեալը», հայտնում է Madrid Universal-ը։ «Ռեալը» վերջին շրջանում երկու անգամ կապվել է գերմանացի մասնագետի հետ` իմանալու նրա ծրագրերը։ Իսպանական ակումբին գրավում են 57-ամյա մարզչի` բարձր մակարդակով աշխատելու փորձը, տակտիկական մակարդակը և աստղային ֆուտբոլիստների հետ աշխատելու ունակությունը։ Կլոպը 2024թ. հուլիսին է հեռացել «Լիվերպուլի» գլխավոր մարզչի պաշտոնից։ ...
19:41 28.04.2025
Բարձր կատարողականով դպրոցները կխրախուսվեն, ցածրի դեպքում՝ կստանան աջակցություն. նախագիծՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել «Բարձր կատարողականի արդյունքով ուսումնական հաստատություններին խրախուսելու, ինչպես նաև ցածր կատարողականի արդյունքով աջակցելու նպատակով լրացուցիչ ֆինանսավորում տրամադրելու կարգը սահմանելու մասին» ՀՀ կառավարության որոշման նախագիծը: Նախագծով սահմանվում Է ՀՀ պետական հանրակրթական ուսումնական հաստատություններին բարձր կատարողականի արդյունքով խրախուսելու, ինչպես նաև ցածր կատարողականի արդյունքով աջակցելու նպատակով լրացուցիչ ֆինանսավորում […] ...
19:36 28.04.2025
Լավրովը հանդիպել է Չինաստանի ԱԳՆ ղեկավարի հետՌԴ ԱԳ նախարար Սերգեյ Լավրովը հանդիպել է Չինաստանի արտգործնախարար Վան Իի հետ։ Հանդիպումը տեղի է ունենում Ռիո դե Ժանեյրոյում՝ BRICS-ի երկրների արտաքին կապերի գերատեսչությունների ղեկավարների հանդիպման շրջանակում։ Նախարարները ջերմորեն ողջունել են և միմյանց ձեռք են սեղմել: ...
19:30 28.04.2025
Սպիտակ տունը Թրամփի պաշտոնավարման առաջին 100 օրը պատմական է անվանելԱՄՆ նախագահ Դոնալդ Թրամփը կատարել է հարյուրավոր խոստումներ և ունեցել է ամենապատմական պաշտոնավարման առաջին 100 օրը, ասել է Սպիտակ տան խոսնակ Կարոլին Լևիթը։ «Թրամփի առաջին 100 օրերը, անկասկած, եղել են ամենամոնումենտալն ու պատմականը ամերիկյան պատմության մեջ ցանկացած վարչակազմի համեմատությամբ: Նախագահ Թրամփն արդեն կատարել է իր տված հարյուրավոր խոստումները», – ասել է Լևիթը ճեպազրույցում: Նա ասել […] ...
19:20 28.04.2025
Հայոց ցեղասպանության 110-րդ տարելիցի կապակցությամբ Բուխարեստում կայացել է ոգեկոչման արարողությունԱպրիլի 27-ին Ռումինիայում ՀՀ դեսպան Տիգրան Գալստյանը և դեսպանության անձնակազմը մասնակցել են Բուխարեստի Սրբոց Հրեշտակապետաց Առաջնորդանիստ Մայր տաճարում Հայոց ցեղասպանության զոհերի ոգեկոչման արարողությանը։ Ռումինահայոց թեմի առաջնորդ Տեր Տաթև եպիսկոպոս Հակոբյանի գլխավորությամբ մատուցվել է Հայոց ցեղասպանության 110-րդ տարելիցին և ցեղասպանության սրբադասված զոհերի հիշատակի ոգեկոչմանը նվիրված պատարագ, որին հաջորդել է ծաղկեպսակների զետեղման արարողությունը։ Ռումինահայ համայնքի կողքին արարողությանն […] ...
