19:59 23.03.2022
Ձյունն ու բուքը Աշոցքում չի դադարում։ Տեխնիկայի մաքրելուց րոպեներ անց նորից ուժեղ քամին ճամփեզրերին կուտակած ձյունը լցնում է ճանապարհին։ Աշոցքի տարածաշրջանի որոշ հատվածներում ձյան շերտի բարձրությունը հասնում է 4-6 մետրի, իսկ տեսանելիությունը գրեթե զրոյական է։ Ձյան հաստ շերտը շատ հատվածներում կարծրացել է, ինչը բարդացնում է մաքրող տեխնիկաների աշխատանքը։ Սպասարկող ընկերության աշխատակիցները 4-րդ օրն է՝ գիշեր-ցերեկ աշխատում են։
Շիրակի մարզպետարանի քաղաքաշինության վարչության պետ Խաչատուր Խնձրցյանը ShantNews.am-ի հետ զրույցում նշել է, որ սպասարկող կազմակերպությունները ճանապարհները մաքրելու համար տարբեր տեխնիկա են կիրառում․
«Սաստիկ բուքը դժվարություններ է ստեղծել ձնամաքրման աշխատանքներում, նաև կիրառում ենք էնպիսի տեխնիկա, որը երբևէ ձյան մաքրման աշխատանքներում չի կիրառվել»։
Տրակտորը փորում է կարծրացած շերտը, ճանապարհ է բացում փչող մեքենաների և գրեյդերների համար։ Ձյան հաստ շերտի պատճառով արգելափակված են մնում Աշոցքի տարածաշրջանի ձորի գյուղերը։ Միջպետական, հանրապետական ու մարզային նշանակության ճանապարհներն աշխատում են պահել երթևեկելի։
Սպաասարկող ընկերությունների և փրկարարների հորդորները ճանապարհ դուրս չգալու մասին շատ վարորդներ անտեսում են։ Մարզի փրկարարական վարչությունը արգելափակման մեջ հայտնված մեքենաների բազմաթիվ ահազանգեր է ստանում։ Շիրակի մարզային փրկարարական վարչության բնակչության պաշտպանության բաժնի պետ Լևոն Հովսեփյանը ShantNews.am-ին փոխանցել է, որ ձյան տակից դուրս են բերվել տասնյակ բեռնատար ու մարդատար ավտոմեքենաներ, օգնություն է ցուցաբերվել ուղևորներին․
«Գիշերվա տարբեր ժամերի ահազանգեր են լինում բնակիչների կողմից։ Մեր բնակիչներն էլ, գիտեք, գիշերվա որ ժամին ուզենան, դուրս են գալիս, էլ չեն մտածում, թե կարող է ձնաբուք է, չի կարելի երթևեկել․․․»։
Բուքն այս պահին էլ մարզում շարունակվում է, քիչ թե շատ անցանելի է միջպետական M1 ճանապարհը, մաքրող մեքենաների ուղեկցությամբ է հնարավոր միայն մեքենաներին հաղթահարել ճանապարհը։
911 ծառայություն ստացված ահազանգերից մեկի դեպքում էլ փրկարարների մեքենան չի կարողացել հաղթահարել ձյան շերտը, ստիպված են եղել հիվանդին գյուղից ոտքով հասցնել մեքենայի մոտ։
«Մեր փրկարարները մոտ 500 մետր ձեռքով, պատգարակով հիվանդին տեղափոխել են, հասցրել են մեքենա, որպեսզի հիվանդին ժամանակին հասցնեն դիալիզի»,- պատմում է Լևոն Հովսեփյանը։
Մարտ ամսին Շիրակի մարզում նման ծավալի տեղումներ վերջին 25 տարում չէին եղել։ Սպասարկող ընկերությունները ոչ միայն Աշոցքի, նաև մարզի մյուս տարածաշրջանների ճանապարհային ուղղություններով աշխատում են ծանրաբեռնված։ Շարունակվող բքի և տեղումների պատճառով տասնյակ միավորներով տեխնիկան հասցնում է մաքրել միայն գլխավոր ճանապարհները։
22:49 17.04.2025
Կստեղծվի Գորիսի բազմագործառութային պետական քոլեջ
22:37 17.04.2025
ՃՏՊ Սիսիան-Շամբ ավտոճանապարհին
22:03 17.04.2025
Ռաֆիկ Հարությունյանը՝ Եվրոպայի փոխչեմպիոն․ ծանրամատի ԵԱ
21:48 17.04.2025
Կբարելավվեն Տավուշի մարզային նշանակության ավտոճանապարհները
22:56 17.04.2025
Հնարավո՞ր է արդյոք, որ հայ-ադրբեջանական խաղաղ համաձայնագիրը ստորագրվի ԹբիլիսիումԹբիլիսիում այսօր տեղի է ունեցել Հայաստանի, Ադրբեջանի և Վրաստանի միջև եռակողմ հանդիպում՝ արտաքին գործերի նախարարների տեղակալների մակարդակով։ Պաշտոնական հաղորդագրությունում նշվում է, որ հանդիպումը «միտված էր առաջ մղել ընդհանուր հետաքրքրություն ներկայացնող ոլորտներում եռակողմ համագործակցությունը՝ նպատակ ունենալով նպաստել տարածաշրջանում կայուն զարգացմանն ու բարգավաճմանը»: Ի՞նչ հարցեր են քննարկվել: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Հիշեցնեմ, որ ընդամենը […] ...
22:53 17.04.2025
Երևանում բախվել են «Renault Arkana»-ն, «Nissan Tiida»-ն և «Kia Sorento»-ն․ կա 3 վիրավորԱպրիլի 17-ին, խոշոր ավտովթար է տեղի ունեցել Երևանում։ Ժամը 18։10-ի սահմաններում Սեբաստիա փողոցում՝ Մալաթիայի-Սեբաստիա վարչական շրջանի թաղապետարանի դիմաց բախվել են «Renault Arkana» մակնիշի, «Nissan Tiida» մակնիշի և «Kia Sorento» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել են «Աստղիկ» բժշկական կենտրոն։ Հրշեջ-փրկարարները այնուհետև հոսանքազրկել են ավտոմեքենաները, սահմանազատել տարածքը և տեղում […] ...
22:49 17.04.2025
Կստեղծվի Գորիսի բազմագործառութային պետական քոլեջԳործադիրի որոշմամբ Գորիսի պետական և Գորիսի պրոֆ. Խ. Երիցյանի անվան պետական գյուղատնտեսական քոլեջները միաձուլման ձևով կվերակազմակերպվեն` Գորիսի բազմագործառութային պետական քոլեջ ստեղծելու համար: Ըստ հիմնավորման՝ Գորիսի պետական քոլեջում սովորում է 302 ուսանող՝ 10 մասնագիտություններով: Գորիսի պրոֆ. Խ. Երիցյանի անվան պետական գյուղատնտեսական քոլեջում սովորում է 291 ուսանող՝ 8 մասնագիտություններով: Վերջինիս ամրացված ուսումնական մասնաշենքում իրականացվում է վերակառուցման և […] ...
22:45 17.04.2025
Հայաստանի տափօղակով հոկեյի հավաքականը երրորդ հաղթանակն է տարել Երևանում անցկացվող հոկեյի IV դիվիզիոնի աշխարհի առաջնությունումՀայաստանի տափօղակով հոկեյի հավաքականը երրորդ հաղթանակն է տարել Երևանում անցկացվող հոկեյի IV դիվիզիոնի աշխարհի առաջնությունում` 8։0 հաշվով վստահ առավելության հասնելով Իրանի թիմի նկատմամբ։ Այս մասին հայտնել են ԿԳՄՍ նախարարությունից: Հայաստանի հավաքականն արդեն 9 միավոր ունի իր ակտիվում և շարունակում է զբաղեցնել մրցաշարային աղյուսակի երկրորդ հորիզոնականը։ Այսօր ավելի վաղ Քուվեյթի հավաքականը հաղթել էր Մալայզիային, իսկ Ուզբեկստանն […] ...
22:41 17.04.2025
ՔՊ նախաձեռնող նիստին ամփոփվել են Գյումրու ՏԻՄ ընտրությունների արդյունքներըԱպրիլի 17-ին տեղի է ունեցել «Քաղաքացիական պայմանագիր» կուսակցության Նախաձեռնող խմբի նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Այս մասին հայտնել են ՔՊ գրասենյակից։ Ամփոփվել են Գյումրու ՏԻՄ ընտրությունների արդյունքները։ Կուսակցության Վարչության փոխնախագահ, ՀՀ ԱԺ պատգամավոր Վահագն Ալեքսանյանը հանդես է եկել զեկույցով և պատասխանել նիստի մասնակիցների հարցերին։ ...
22:37 17.04.2025
ՃՏՊ Սիսիան-Շամբ ավտոճանապարհինԱպրիլի 17-ին, ժամը 17:25-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շամբ գյուղի մոտակայքում տեղի է ունեցել ՃՏՊ․ կա տուժած: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Սիսիան-Շամբ ավտոճանապարհի 10-րդ կմ-ին «Volvo» մակնիշի բեռնատարը դուրս է եկել ճանապարհի երթևեկելի հատվածից և […] ...
