Ռազմական գործողության ընթացքում խոցվել է 1812 թիրախ. ՌԴ ՊՆ

Լուգանսկի Ժողովրդական Հանրապետության զորքերի խմբավորումը ՌԴ զինված ուժերի կրակային աջակցությամբ շարունակել է հարձակողական գործողությունները և հասել Կրասնի Լիման, Յամպոլ, Պրիվոլյե գիծ։ Կրամատորսկի ուղղությամբ հարձակումը շարունակվում է, հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը։

«Դոնեցկի Ժողովրդական Հանրապետության զինված ուժերի ստորաբաժանումները հաջող հարձակողական գործողություններ են իրականացրել և գիշերը առաջ շարժվել մինչև 8 կիլոմետր։ Վերցվել են Նազարովկա, Կույբիշևո, Կալինինո, Նովոգրիգորովկա բնակավայրերը։

Դոնեցկի զինված ուժերը շարունակել են  սեղմել Մարիուպոլ քաղաքի շուրջբոլորը և վերահսկողության տակ են վերցրել Լենինի անվան գործարանը։

Ռուսաստանի Դաշնության զինված ուժերը շարունակել են հարձակողական գործողությունները` գործելով հարակից  ԴԺՀ ստորաբաժանումների հետ, վերահսկողության տակ են վերցրել Վերխնյայա Կրինիցա, Կոմսոմոլսկոյե, Չիստոպոլյե, Նովոպոլտավկա, Կամիշ Զարյա, Տրուժնևո քաղաքները:

Փետրվարի 28-ին Ռուսաստանի զինված ուժերը վերահսկողության տակ են վերցրել Էներգոդար քաղաքը, Զապորոժիեի ատոմակայանը և նրան հարակից տարածքը։ Ուկրաինայի ազգային գվարդիայի զինծառայողները, որոնք հսկում էին էլեկտրակայանը, դեռևս ռուսական ստորաբաժանումների ժամանումից առաջ լքել են օբյեկտը և անհետացել անհայտ ուղղությամբ։

Կայանի օբյեկտները և հարակից տարածքը հսկողության տակ են վերցրել ռուս զինվորականները։

Վերջին հինգ օրվա ընթացքում Զապորոժժիայի ԱԷԿ-ի անձնակազմը սովորական ռեժիմով շարունակել է օբյեկտների պահպանման և ռադիոակտիվ իրավիճակի վերահսկման պլանային աշխատանքները։

«Մարտի 4-ին՝ ժամը 02։00-ի սահմաններում, Զապորոժիեի ատոմակայանի հարակից պահպանվող տարածքում պարեկություն կատարելիս ռուսական գվարդիայի շարժական պարեկը ենթարկվել է ուկրաինական դիվերսիոն խմբի հարձակմանը։

Շենքի վրա պատասխան կրակ հրահրելու համար էլեկտրակայանից դուրս գտնվող ուսումնամարզական համալիրի մի քանի հարկերի պատուհաններից  կրակ են բացել ռուսական գվարդիայի զինծառայողների ուղղությամբ։

Ուսումնամարզական համալիրի շենքում ուկրաինացի դիվերսանտների կրակակետերը ճնշվել են ռուսական պարեկի պատասխան կրակոցից։ Շենքից դուրս գալով՝ ուկրաինական դիվերսիոն խումբը հրկիզել է ուսումնական շենքը։

Շենք ժամանած հրշեջ-փրկարարները հրդեհը մարել են։ Սադրանքի պահին ԱԷԿ-ի մշտական ​​աշխատողներից ոչ ոք ուսումնական շենքում չի եղել։

Ներկայումս Զապորոժիայի ԱԷԿ-ի աշխատակազմը շարունակում է աշխատել սովորական ռեժիմով, սպասարկում է ԱԷԿ-ի օբյեկտները և վերահսկում ռադիոակտիվ իրավիճակը։ Էլեկտրակայանի տարածքում ռադիոակտիվ ֆոնը նորմալ է։

Ռուսաստանի Դաշնության զինված ուժերը շարունակում են հարվածներ հասցնել Ուկրաինայի ռազմական ենթակառուցվածքին։

Ընդհանուր առմամբ, գործողության ընթացքում խոցվել է 1812 թիրախ, այդ թվում՝ Ուկրաինայի զինված ուժերի 65 հրամանատարական կետ և կապի կենտրոն, 56 С-300, «Բուկ Մ-1» և «Օսա» զենիթահրթիռային համակարգեր, 59 ռադիոլոկացիոն կայան։

Նաև ոչնչացվել է 49 ինքնաթիռ ցամաքում և 13-ը՝ օդում, 635 տանկ և այլ զրահատեխնիկա, համազարկային կրակի 67 ռեակտիվ համակարգեր, 252 դաշտային հրետանի և ականանետ, 442 միավոր հատուկ ռազմական մեքենա, ինչպես նաև 54 անօդաչու թռչող սարք»,- ասված է ՌԴ ՊՆ-ի տարածած հաղորդագրության մեջ։