19:04 24.01.2022
Մոտ 20 տարի է՝ Գյումրին կառուցապատվում է 2005 թվականին կազմված գլխավոր հատակագծով, որից շեղումներով կառուցումները բազմաթիվ են։ 2000-2003 թվականներին մշակված հատակագծում են արտադրական տարածքներ, որոնք այդպես էլ երկրաշարժից հետո այդ նշանակությամբ չվերականգնվեցին, իսկ արդյունքում՝ նույն տարածքներում հազարավոր տնակներ տեղադրվեցին, նույնն արվեց նաև կանաչ գոտիներում, ժամանակի ընթացքում տնակները մարդիկ դարձրին քարաշեն տներ՝ լուծելով իրենց բնակարանային խնդիրը։
«Ցավոք, կանաչ տարածքներում տնակները տարիների ընթացքում վերածվեցին բնակելի տների, և այդ տարածքներն արդեն անդառնալի կորսված են հատակագծի այդ դրույթների իրականացման համար»,- ShantNews.am-ի հետ զրույցում նշել է Գյումրիի գլխավոր ճարտարապետ Հենրիկ Գասպարյանը։
Գյումրիում փաստագրել են այն, ինչ ունեն, կազմվել և հաստատվել է հենակետային հատակագիծը, որն էլ հիմք է ծառայելու քաղաքի նոր գլխավոր հատակագծի փոփոխությունները մշակելու համար։ Նոր հատակագիծ Գյումրին կունենա արդեն հաջորդ տարի, դրանով կհստակեցվի հողերի գործառնական նշանակությունը, այդ թվում՝ կանաչ գոտու նոր տարածքներ կգծվեն։ Դրանք կընդգրկեն Մայր Հայաստան հուշահամալիրին հարող հողերից մինչև Վարդբաղ թաղամաս ձգվող տարածքները։
Գյումրիի կենտրոնական հատվածներում նոր կանաչ գոտիներ եթե ավելանան, դրանք կլինեն փոքր այգիների կամ զբոսայգիների տեսքով։ Նախկին կանաչապատ վայրերը վերականգնելու փորձ կլինի, բայց միայն շատ փոքր տոկոսը։ Դա մեկ այգու օրինակով ներկայացնում է Գյումրիի գլխավոր ճարտարապետը։
«Տեսեք, հիմա վերականգնվում է «Բարեկամության» այգին ամբողջական, և կանաչ գոտին հասնում է մինչև Մնջոյան փողոց, որտեղ արդեն կառուցապատված է, խանութներ ու տներ կան։ Այդտեղ արդեն կանաչ գոտին վերականգնել հնարավոր չէ»,- ասել է քաղաքի գլխավոր ճարտարապետը։
Նոր գլխավոր հատակագծով նաև ցանկանում են ավելացնել քաղաքի մուտքերը՝ բոլոր ուղղություններում դրանք գոնե երկուսը դարձնելով, որոնց կարիքը զգացվում է թե՛ ստրատեգիական նշանակության, թե՛ արտակարգ դեպքերի առումով։ Գյումրիի գլխավոր հատակագծում առանձին ներկայացված կլինի «Կումայրի» արգելոցը։ Այն միայն թանգարան չէ, քաղաքի մի մասն է, որտեղ մարդիկ են ապրում։
Նոր գլխավոր հատակագծով Գյումրին կմնա իր չափերի մեջ՝ զբաղեցնելով 4400 հա տարածք։ 2000 թվականին, երբ մշակվում էր քաղաքի հատակագիծը, հարևան համայնքների հողերի հաշվին Գյումրին ընդգրկում էր 5000 հա տարածք։ Հետագայում, համայնքների պահանջով, բերրիությունը պահպանած հողերը վերադարձվեցին իրենց։
Հիմա գյուղերն էլ պարտադիր ունենալու են հատակագիծ։ Գյուղերի զգալի մասում կառուցապատումը եղել է անկանոն։ Միայն գյուղատնտեսական նշանակության հողատարածքներն են մնացել անփոփոխ։
Ախուրյանի տարածաշրջանի 35 գյուղերի համար մշակվում են նոր հատակագծեր։ Բոլոր բնակավայրերի համար դրանք կազմվում են պետական ֆինանսավորմամբ։ Քաղաքաշինական փաստաթղթերի մշակման համար համայնքները կհամաֆինանսավորվեն սուբվենցիոն ծրագրերի շրջանակում։
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
20:10 19.04.2025
Իրանի ԱԳ նախարարը բացահայտել է ԱՄՆ-ի հետ բանակցությունների մանրամասներըԻրանի հետ բանակցություններում Միացյալ Նահանգները իրանական միջուկային ծրագրից դուրս հարցեր չբարձրացրեց, և Թեհրանը Վաշինգտոնին ասաց, որ ոչ միջուկային հարցերը չեն ընդունվի, իրանական Tasnim լրատվական գործակալությանը ասել է Իրանի արտգործնախարար Աբբաս Արաղչին Հռոմում Թեհրանի և Վաշինգտոնի միջև բանակցություններից հետո: Շաբաթ օրը Իտալիայի մայրաքաղաքում կայացել է Իրանի և ԱՄՆ-ի բանակցությունների երկրորդ փուլը՝ Օմանի արտգործնախարարության ղեկավարի միջնորդությամբ։ Երրորդ […] ...
