19:48 14.01.2022
Նվազագույն կենսաթոշակը հունվարի 1-ից բարձրացել է՝ 26 հազար 500 դրամից դառնալով 28 հազար 600 դրամ։ Այս փոփոխությունը վերաբերում է այն թոշակառուներին, որոնց կենսաթոշակը չի գերազանցում նվազագույն չափը, ըստ այդմ՝ բարձրացումը չի վերաբերում կենսաթոշակի բազային չափին։
Իսկ հաշմանդամություն ունեցող երեխաների կենսաթոշակը 26 հազար 500 դրամի փոխարեն սահմանվել է 37 հազար դրամ։ Հունվարի 1-ից բոլոր քաղաքային բնակավայրերում փոխվել է նաև կենսաթոշակների վճարման կարգը։ Մինչև 75 տարեկանների կենսաթոշակները վճարվում են պարտադիր անկանխիկ եղանակով՝ բացառությամբ 1-ին կամ 2-րդ կարգի հաշմանդամություն ունեցողների։ Այս կարգը Գյումրիում գործում էր դեռ նախորդ տարվա հուլիսից։
Անկանխիկ վճարումները կատարվում են բանկերի և «ՀայՓոստ»-ի միջոցով։ «ՀայՓոստ»-ում բնակչի անունով էլեկտրոնային փողի հաշվարկման հաշիվ է բացվում, և փոստային բաժանմունքից՝ առանց փոստատարի միջամտության, քաղաքացին ստանում է թոշակը։ «ՀայՓոստ»-ում կենսաթոշակի անկանխիկ վճարման ծառայությունն անվճար է, բայց տարիքն առած թոշակառուներից շատերի համար տանից դուրս գալն է խնդիր։
«ՀայՓոստ»-ի փոստային ֆինանսական ծառայությունների տնօրեն Էլիզա Ղալթախչյանը ShantNews.am-ի թղթակցի հետ զրույցում պարզաբանել է, որ նման դեպքերում դարձյալ փոստատարն է գումարը տուն հասցնում, որի դիմաց թոշակառուն արդեն վճարելու է։ Ծառայության վճարի չափը կախված է կենսաթոշակի չափից։ Սա ևս բանաձևով հաշվարկվող պրոցես է։ Նվազագույն վճարման չափը մարզերի և Երևանի թոշակառուների համար տարբեր է:
«Եթե քաղաքացին անհրաժեշտություն ունի փոստատարի այցի, որն արդեն օրենքով նախատեսված չէ, «ՀայՓոստ»-ի կողմից դա կատարվում է վճարովի եղանակով։ Նվազագույն դեպքում ծառայության վճարը Երևանում կազմում է 500 դրամ, իսկ մարզերում՝ 600 դրամ»,- նշել է «ՀայՓոստ»-ի փոստային ֆինանսական ծառայությունների տնօրեն Էլիզա Ղալթախչյանը։
Նոր փոփոխությանն ու կարգին թոշակառուները դժվարությամբ են համակերպվում։ Դրա համար էլ հաճախ են դիմում միասնական սոցիալական ծառայության Գյումրիի գրասենյակ:
«Քաղաքացին գնում է փոստ, գալիս է ասում՝ կենսաթոշակս չեն փոխանցել, նայում եմ, փոխանցված է, նորից ուղարկում եմ փոստ»,- ShantNews.am-ի հետ զրույցում նշել է միասնական սոցիալական ծառայության Գյումրիի տարածքային կենտրոնի ընդունարանի պետ Վարուժան Ավետիքյանը։
Թե Գյումրիում կենսաթոշակ ստացող մոտ 28 հազար քաղաքացուց քանիսն է արդեն օգտվում վճարման անկանխիկ եղանակից, Գյումրիի տարածքային կենտրոնում առայժմ ամփոփ տվյալներ չունեն։ Բացի դրանից, որ անկանխիկ վճարմանը քաղաքացիները չեն սովորել, տեխնիկական խնդիրներն էլ իրենց հերթին են խառնաշփոթ առաջացնում։ Այս տարբերակից չեն շտապում նաև օգտվել ընտանեկան նպաստ ստացողները։
Միասնական սոցիալական ծառայության Գյումրիի տարածքային կենտրոնն առայժմ նպաստների քարտային վճարման համար որևէ դիմում չի ստացել։ Անկանխիկ եղանակով վճարվում են նաև զինվորական կենսաթոշակները, թաղման, ծննդյան նպաստները։
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
20:10 19.04.2025
Իրանի ԱԳ նախարարը բացահայտել է ԱՄՆ-ի հետ բանակցությունների մանրամասներըԻրանի հետ բանակցություններում Միացյալ Նահանգները իրանական միջուկային ծրագրից դուրս հարցեր չբարձրացրեց, և Թեհրանը Վաշինգտոնին ասաց, որ ոչ միջուկային հարցերը չեն ընդունվի, իրանական Tasnim լրատվական գործակալությանը ասել է Իրանի արտգործնախարար Աբբաս Արաղչին Հռոմում Թեհրանի և Վաշինգտոնի միջև բանակցություններից հետո: Շաբաթ օրը Իտալիայի մայրաքաղաքում կայացել է Իրանի և ԱՄՆ-ի բանակցությունների երկրորդ փուլը՝ Օմանի արտգործնախարարության ղեկավարի միջնորդությամբ։ Երրորդ […] ...
