Աթլետիկայի Հայաստանի հավաքականի առաջատար եռացատկորդ Լևոն Աղասյանն արծաթե մեդալ է նվաճել օլիմպիական չեմպիոն Օլգա Ռիպակովայի 9-րդ միջազգային մրցաշարում, որը կայացել է Ղազախստանում: Կապանցի մարզիկը ցատկել է 16.26մ և գրավել երկրորդ տեղը: Մրցմանը մասնակցել է 8 երկրի ավելի քան 70 մարզիկ: 2015 թվականից անցկացվող ամենամյա մրցաշարն արտոնագրված է և ստացել է World Continental Bronze Tour կարգավիճակ, […]

Հանրահայտ ֆուտբոլային գործակալ Ժորժե Մենդեշը, խոսել է Ժոզե Մոուրինյուի ապագայի մասին: Մենդեշը պորտուգալացի մասնագետի գործակալն է 2004 թվականից: «Ժոզեին ներկայացնելու կարիք չկա: Այն տիտղոսները, որոնք նա նվաճել է, ասում են ամեն ինչ: Նա սովորական մարզիչ չէ, նա յուրահատուկ է: Մոուրինյուն երբեք խնդիր չի ունեցել նոր ակումբ փնտրելու հարցում: Մի քանի ամիս առաջ նա հնարավորություն ուներ […]

Երևանի «Փյունիկը» Անթալիայում մեկնարկած հավաքի առաջին ստուգողական խաղում մրցել է Դոնեցկի «Շախտյորի» հետ ու պարտվել 0-2 հաշվով։ Հաշիվն առաջին խաղակեսում բացել է Ալեքսանդր Զուբկովը, իսկ երկրորդ գոլն ընդմիջումից հետո խփել է Վիկտոր Ցուկանովը։ «Փյունիկը» հաջորդ ընկերական հանդիպումը կանցկացնի հունվարի 29-ին՝ մրցելով Բոսնիա և Հերցեգովինան ներկայացնող «Բորացի» հետ։

Լեհական «Պոգոնը» Թուրքիայում ստուգողական հանդիպում է անցկացրել սլովենական «Ցելյեի» հետ ու պարտությունից խուսափել Վահան Բիչախչյանի գոլի շնորհիվ։ Գրանցվել է 1-1 հաշիվը։ Երկրորդ խաղակեսի սկզբնամասում «Ցելյեն» բացել է հաշիվը, սակայն 83-րդ րոպեին Հայաստանի հավաքականի կիսապաշտպանը տուգանային հարվածով խփել է պատասխան գոլը։ Բիչախչյանը մասնակցել է միայն երկրորդ խաղակեսին։ Հիշեցնենք, որ ընթացիկ մրցաշրջանում հայ ֆուտբոլիստը «Պոգոնի» կազմում անցկացրել […]

Իտալական «Ռոմայի» երկրպագուներն աջակցել են թիմի գլխավոր մարզիչի պաշտոնից հեռացված Ժոզե Մոուրինյուին։ «Վերոնայի» դեմ Ա Սերիայի 21-րդ տուրի խաղում (2-1) երկրպագուները տրիբունաներում պարզել են պորտուգալացի մասնագետին աջակցող պաստառներ։ «Հիշողությունները չունեն պայմանագրեր։ Ժպիտները, որոնք դուք եք մեզ պարգևել, ու այն ամենը, որ դուք թողել եք մեր ռոմանտիզմի մեջ, միշտ կլինեն հարգանքի արժանի։ Շնորհակալություն, Միստեր»,- նշված է […]

«Ժիրոնան» Իսպանիայի առաջնության 21-րդ տուրի տնային խաղում 5-1 հաշվով հաղթել է «Սևիլիային»: 10-րդ րոպեին Այզեկ Ռոմերոյի գոլի շնորհիվ հյուրերն առաջ են անցել հաշվի մեջ: Առաջին կեսում անդալուզյան ակումբի գոլին «Ժիրոնայի» ուկրաինացի հարձակվող Արտյոմ Դովբիկը 7 րոպեում պատասխանել է 3 գնդակով: Երկրորդ կեսում «Ժիրոնայի» մեկ այլ ուկրաինացի՝ Վիկտոր Ցիգանկովը, կատալոնական ակումբի չորրորդ գնդակն է ուղարկել «Սևիլիայի» […]

Հայաստանի բասկետբոլի ազգային հավաքականի խաղացող Անդրե Սպայթ Մկրտչյանը շարունակում է հաջող ելույթները արգենտինական «Օբրաս Սանիտարիասում»: Այդ մասին հայտնում է Հայաստանի Բասկետբոլի ֆեդերացիայի մամուլի ծառայությունը։ Լատինական Ամերիկայի Չեմպիոնների Լիգայի շրջանակներում կայացած «Ունիվերսիդադ դե Կոնսեպսոնի» դեմ խաղում Մկրտչյանը վաստակել է 27 միավոր, 5 անգամ տիրել է օղակից անդրադարձած գնդակին՝ ճանաչվելով հանդիպման ամենաարդյունավետ բասկետբոլիստ։ Հանդիպումն ավարտվել է 67-96՝ […]

«Բարսելոնան» Իսպանիայի առաջնության 21-րդ տուրի «Բետիսի» դեմ արտագնա խաղում դժվարին հաղթանակի է հասել 4-2 հաշվով: Առաջին կեսում և երկրորդ կեսի մեկնարկում Ֆերան Տորեսը 2 գնդակ է խփել։ Աակայն Մադրիդի «Ռեալի» նախկին ֆուտբոլիստ Իսկոյի դուբլը չեզոքացրել է այդ առավելությունը: Կատալոնական ակումբը խաղավերջում կարողացել է երկու գոլ խփել ու հաղթանակի հասնել: Հաղթական գոլն 90-րդ րոպեին խփեց Ժոաու […]

Մադրիդի «Ռեալն» Իսպանիայի առաջնության 21-րդ տուրում ընդունել էր «Ալմերիային» և գերկամային հաղթանակ է տարել 3-2 հաշվով: Առաջին խաղակեսից հետո «Ռեալը» պարտվում էր 0-2 հաշվով: Երկրորդ կեսում՝ Ջուդ Բելինգեմը 11-մետրանոցից կրճատել է հաշվի տարբերությունը: 10 րոպե անց Վինիսիուս Ժունիորը Չուամենիի փոխանցումից հետո հավասարեցրել է հաշիվը, իսկ ավելացված ժամանակի 9-րդ րոպեին Դանի Կարվախալը գոլով է եզրափակել Ջուդ […]

Հայտնի են դարձել Հայաստանի հավաքականի և Մոսկվայի «Լոկոմոտիվի» պաշտպան Նաիր Թիկնիզյանի՝ Սանկտ Պետերբուրգի «Զենիթ» հնարավոր տեղափոխության վերաբերյալ մանրամասներ։ Ռուս ինսայդեր Իվան Կարպովը հայտնել է, որ մոսկովյան ակումբը պատրաստ է 24-ամյա ֆուտբոլիստից բաժանվել 10-12 միլիոն եվրոյի դիմաց։ Ավելի վաղ լուրեր էին շրջանառվում, որ «Զենիթը» մտադիր է նոր ձախ պաշտպան ձեռք բերել և ամենացանկալի թեկնածուներից մեկը Նաիր […]

Ժոզե Մոուրինյուն, ով օրեր առաջ հեռացվել էր «Ռոմայի» գլխավոր մարզչի պաշտոնից, առաջիկա շաբաթվա ընթացքում կսկսի բանակցել Իտալիայի չեմպիոն «Նապոլիի» ղեկավարության հետ, հաղորդում է The Sunday Times-ը: 60-ամյա մասնագետը Իտալիայի առաջնությունից հեռանալու մտադրություն չունի: Նա դեռևս չի ցանկանում դիտարկել Սաուդյան Արաբիան ներկայացնող ակումբների առաջարկները: Հիշեցնենք, որ Մոուրինյուին «Ռոմայում» փոխարինել է Դանիելե Դե Ռոսին, որի գլխավորությամբ առաջին […]

Պորտուգալիայի հավաքականի և սաուդյան «Ալ Նասրի» 38-ամյա հարձակվող Կրիշտիանու Ռոնալդուն գնահատել է պորտուգալացիների հնարավորությունները ամռանը Գերմանիայում անցկացվելիք Եվրո-2024-ում։ «Պորտուգալիան ունի հավաքական, որը կարող է նվաճել Եվրո-2024-ի գավաթն այնպես, ինչպես 2016-ի Եվրոպայի առաջնությունում։ Այն ժամանակ մենք ֆավորիտ չէինք համարվում։ Հիմա Պորտուգալիայի հավաքականին այլ կերպ են վերաբերվում։ Մենք պետք է մեկնենք այն տրամադրվածությամբ, որ կհաղթենք և պետք […]

Մադրիդի «Ռեալը» ՊՍԺ-ի 25-ամյա ֆրանսիացի հարձակվող Կիլիան Մբապեին առաջարկել է խաղային 10 համարը, որով այժմ հանդես է գալիս խորվաթ Լուկա Մոդրիչը, հաղորդում է Sports Zone-ը։ Ակումբի և Մբապեի ներկայացուցիչների բանակցությունները շարունակվում են։ Կողմերը մոտ են սկզբունքային համաձայնության։ Մբապեն կշարունակի բանակցությունները նաև ՊՍԺ-ի հետ, որը նրան առաջարկել է չորս տարվա պայմանագիր, տարեկան 100 միլիոն եվրո վարձատրությամբ։ […]

«Ռոմայի» նախկին գլխավոր մարզիչ Ժոզե Մոուրինյուին բարկացրել է իր պաշտոնանկությունը։ Այս մասին հայտնում է Corriere dello Sport-ը։ Աղբյուրի համաձայն՝ 60-ամյա մասնագետը զայրացել է, երբ նրան հայտնել են աշխատանքից ազատվելու մասին։ Ակումբի սեփականատեր Դեն Ֆրիդկինը Մոուրինյուի հետ զրույցում մատնանշել է իր աշխատանքի թերությունները: Ի պատասխան՝ պորտուգալացին Ֆրիդկինին մեղադրել է, որ նա չի կատարել իր խոստումները։ Հաղորդվում […]

Ռուսաստանի Առաջին դիվիզիոնում ելույթ ունեցող «Ալանիայի» կիսապաշտպան Վալերի Ծառուկյանը համալրել է Ռուսաստանի Պրեմիեր լիգան ներկայացնող «Նիժնի Նովգորոդի» կազմը, հաղորդում է ակումբի կայքը: 22-ամյա ֆուտբոլիստը նոր ակումբի հետ կնքել է 3,5 տարվա պայմանագիր: Ավելի վաղ տեղեկություններ կային, թե տրանսֆերի համար «Նիժնի Նովգորոդը» կհատկացնի մոտ 22 միլիոն ռուբլի: Առաջին լիգայի ընթացիկ մրցաշրջանում Ծառուկյանն անցկացրել է 20 խաղ, […]

Հայաստանի հավաքականի ֆուտբոլիստներ Էդուարդ Սպերցյանն ու Գեորգի Հարությունյանը «Կրասնոդարի» հետ ԱՄԷ-ում կմասնակցեն մարզական հավաքի, որն ակումբի համար առաջինն է 2024 թվականին: Մարզական հավաքը կանցկացվի հունվարի 21-ից փետրվարի 8-ը Դուբայում: Առաջին շրջանից հետո «Կրասնոդարը» Ռուսաստանի Պրեմիեր լիգայի առաջատարն է և երկրորդ տեղում գտնվող «Զենիթին» գերազանցում է 2 միավորով:

Հայաստանի հավաքականի և Մյոնխենգլադբախի «Բորուսիայի» հարձակվող Հրանտ-Լեոն Ռանոսը կարող է կես տարով փոխել թիմը: Sky-ը տեղեկացնում է, որ 10 ակումբներ հետաքրքրություն են ցուցաբերում 20-ամյա ֆուտբոլիստին վարձակալելու հարցում: Այդ ակումբներից ամենաակտիվը Նիդերլանդների առաջնությունում 7-րդ տեղը զբաղեցնող «ՆԵԿ Նեյմեգենն» է: Այդուհանդերձ, Ռանոսը չի ցանկանում հեռանալ «Բորուսիայից»: Նա մտադիր է պայքարել ավելի շատ խաղաժամանակ ստանալու համար: Գերմանական ակումբի […]

Աշխարհի երկրորդ ռակետ Կառլոս Ալկարասը դարձավ թենիսի Ավստրալիայի բաց առաջնության քառորդ եզրափակչի վերջին մասնակիցը։ Չորրորդ շրջանում իսպանացի թենիսիստը երեք սեթում հաղթանակ տարավ աշխարհի 60-րդ ռակետ, սերբ Միոմիր Կեցմանովիչի նկատմամբ՝ 6-4, 6-4, 6-0։ Կիսաեզրափակչի ուղեգիրն Ալկարասը կվիճարկի Գերմանիայի ներկայացուցիչ Ալեքսանդր Զվերևի հետ։ Քառորդ եզրափակչի մյուս զույգերն են Նովակ Ջոկովիչ (Սերբիա) – Թեյլոր Ֆրից (ԱՄՆ), Յաննիկ Սիներ […]

Ըմբշամարտի միջազգային ֆեդերացիան (UWW) ներկայացրել է Ռումինիայի մայրաքաղաք Բուխարեստում փետրվարի 12-19-ին կայանալիք Եվրոպայի առաջնության կազմերը։ ՀՀ հավաքականները հայտավորել են ամբողջական կազմեր։ Ազատ ոճի ըմբշամարտի Հայաստանի հավաքականի կազմում ընդգրկվել են Արսեն Հարությունյանը (57 կգ), Մեժլում Մեժլումյանը (61 կգ), Վազգեն Թևանյանը (65 կգ), Արման Անդրեասյանը (70 կգ), Հայկ Պապիկյանը (74 կգ), Արման Ավագյանը (79 կգ), Մուշեղ Մկրտչյանը […]

Ռումինիայի առաջնության 22-րդ տուրում Նարեկ Գրիգորյանը «Ֆարուլին» օգնել է հյուրընկալվելիս 2-1 հաշվով հաղթել «Կրայովային»։ Հայաստանի ազգային հավաքականի կիսապաշտպանը 15-րդ րոպեին մասնակցել է «Ֆարուլի» գոլային գրոհին, իսկ խաղակեսի վերջնամասում կատարել է գոլային փոխանցում։ Ռումինիայի առաջնությունում հայ ֆուտբոլիստն անցկացրել է 8-րդ հանդիպումն ու կատարել առաջին արդյունավետ գործողությունը։ Այդ հաղթանակից հետո «Ֆարուլը» 33 միավորով բարձրացել է 6-րդ տեղ։ […]

Մրցաշրջանի գարնանային հատվածին ընդառաջ «Արարատ-Արմենիան» ստուգողական խաղում մրցել է «Շիրակի» հետ։ Վարդան Մինասյանի թիմը հաղթել է 3:0 հաշվով։ Հունվարի 24-ին «Արարատ-Արմենիան» կմեկնի Կիպրոս` ուսումնամարզական հավաքի։

Հայաստանի ներկայացուցիչ Աննա Բադալյանը հաջող մասնակցություն է ունեցել Նորվեգիայում կայացած գեղարվեստական մարմնամարզության The northern lights 2024 մրցաշարին։ Հայ մարզուհին նվաճել է երեք ոսկե մեդալ։ Նա հաղթել է բազմամարտում, օղակների և գուրզերի վարժություններում, հաղորդում է ՀՄՖ-ի մամուլի ծառայությունը։

Մյունխենի «Բավարիան» Գերմանիայի Բունդեսլիգայի 18-րդ տուրի տնային խաղում 0-1 հաշվով անակնկալ պարտություն է կրել Բրեմենի «Վերդերից»: Խաղի միակ գոլը երկրորդ կեսում խփել է գերմանացի կիսապաշտպան Միտչել Վայզերը: «Վերդերն» առաջին կեսում նույնպես գոլ էր խփել, որը չեղարկվել էր կանոնների խախտման պատճառով: Երկրորդ տեղում գտնվող «Բավարիայի» ու առաջատար Լևերկուզենի «Բայերի» միջև միավորների տարբերությունը հասավ 7-ի: «Վերդերը» 20 […]

Պորտուգալիայի հավաքականի և «Ալ-Նասրի» հարձակվող Կրիշտիանու Ռոնալդուն քննադատել է ֆուտբոլում ամենահեղինակավոր անհատական մրցանակները: ««Ոսկե գնդակը» և «The Best»-ն ինչ-որ առումով կորցնում են հեղինակությունը: Պետք է գնահատեն ամբողջ մրցաշրջանը: Դա չի նշանակում, որ Մեսսին արժանի չէր մրցանակին: Նույնը նաև Հոլանդը կամ Մբապեն: Պարզապես այլևս չեմ հավատում այդ մրցանակներին: Դա կապված չէ Globe Soccer Awards-ում իմ հաղթանակի […]

Արգենտինական «Բելգրանոյի» նախագահ Լուիս Ֆաբիան Արտիմեն նշել է, որ Հայաստանի հավաքականի և Սաուդյան Արաբիան ներկայացնող «Ալ Ֆաթեհի» կիսապաշտպան Լուկաս Սելարայանը պատրաստվում է վերադառնալ նախկին ակումբ։ «Հաջորդ տարի մենք պայմանագիր կկնքնենք Լուկաս Սելարայանի հետ։ Նա ցանկանում է վերադառնալ։ Լուկասը ևս մեկ տարի կխաղա «Ալ Ֆաթեհում», որից հետո կտեղափոխվի մեր ակումբ»,- նշել է Արտիմեն։ Արգենտինական ԶԼՄ-ները նաև […]

Մադրիդի «Ռեալի» և Անգլիայի հավաքականի կիսապաշտպան Ջուդ Բելինգեմը Globe Soccer Awards-ի վարկածով ճանաչվել է 2023 թվականի լավագույն երիտասարդ ֆուտբոլիստ։ Բելինգեմից բացի թեկնածուների թվում են եղել նաև «Ալ Հիլալի» ֆուտբոլիստ Սաուդ Աբդուլհամիդը, «Ալ Ահլիի» ֆուտբոլիստ Ֆիրաս Ալ-Բուրայկանը, «Չելսիի» կիսապաշտպան Մոյզես Կայսեդոն, «Բարսելոնայի» կիսապաշտպան Գավին, «Ռեալի» կիսապաշտպան Արդա Գյուլերը, «Բարսելոնայի» կիսապաշտպան Լամին Յամալը և «Մանչեսթեր Սիթիի» պաշտպան […]

Աշխարհի չեմպիոն Արգենտինայի հավաքականի հարձակվող Լիոնել Մեսսին ու կիսապաշտպան Անխել Դի Մարիան ցանկանում են մասնակցել 2024թ․ Փարիզի Օլիմպիական խաղերին, հաղորդում է Direct Sports-ը։ Եթե Արգենտինայի մինչև 23 տարեկանների հավաքականը նվաճի օլիմպիական ուղեգիր, Մեսսին ու Դի Մարիան թիմի հետ կպատրաստվեն Փարիզի Խաղերին։ Բանն այն է, որ օլիմպիական խաղերի ֆուտբոլային մրցաշարին մասնակցում են մինչև 23 տարեկանները, սակայն […]

Պորտուգալիայի հավաքականի և սաուդյան «Ալ Նասրի» 38-ամյա հարձակվող Կրիշտիանու Ռոնալդուն մեկնաբանել է փաստը, որ 54 գոլով դարձել է 2023թ․ աշխարհի լավագույն ռմբարկուն։ «Ես զարմացած չեմ իմ խաղամակարդակից, քանի որ գիտեմ՝ դեռ շատ ուժ ու էներգիա ունեմ։ Ես գիտեմ, որ դեռ կարող եմ շատ գոլեր խփել «Ալ Նասրում» և Պորտուգալիայի հավաքականում, սակայն անհավանական է, որ հաջողվեց […]

Մյոնխենգլադբախի «Բորուսիայի» գլխավոր մարզիչ Խերարդո Սեաոնեն հայտարարել է, որ գերմանական ակումբը մտադիր չէ այս տրանսֆերային պատուհանի ընթացքում վարձավճարով այլ ակումբի տրամադրել Հայաստանի ազգային հավաքականի հարձակվող Հրանտ-Լեոն Ռանոսին։ «Հրանտ-Լեոնը մեկ քայլով մոտեցել է հիմնական կազմին։ Թե որքան խաղաժամանակ կստանա, կախված է մարզումների ընթացքում նրա ցուցադրած արդյունքներից»,- շվեյցարացի մասնագետի խոսքերը մեջբերում է Gladbach LIVE-ը։ Ավելի վաղ լուրեր […]

«Ուրարտուն» իր պաշտոնական կայքում հայտնել է նոր տրանսֆերի մասին։ Երևանյան ակումբին է միացել ռուս պաշտպան Ալեքսանդր Պուցկոն։ 30-ամյա ֆուտբոլիստը Մոսկվայի «Սպարտակի» սան է, որի գլխավոր թիմում չորս հանդիպման է մասնակցել։ Պուցկոն խաղացել է նաև «Ուֆայում», «Ախմատում» և Կալինինգրադի «Բալթիկայում»։ Պաշտպանը, որի տրանսֆերային արժեքը transfermarkt-ը գնահատում է 350 հազար եվրո, Ռուսաստանի Պրեմիեր լիգայում 94 հանդիպում է […]