Հեռավար ուսուցում Shant Digital TV-ի հետ

Համախմբվել մի գաղափարի շուրջ և փորձել միասնական հաղթահարել կորոնավիրուսի բացասական հետևանքները․ սա այս օրերին համաշխարհային հանրության գլխավոր ուղերձն է: ՀՀ կրթության, գիտության, մշակույթի և սպորտի նախարարությունն էլ այդպիսի ուղերձ է հղել հեռավար ուսուցում կազմակերպելու համատեքստում: «Շանթ» հեռուստաընկերությունն արձագանքում է այդ ուղերձին:

Արտակարգ ռեժիմում արտակարգ դասապրոցես. այսպես է լինում, երբ կարանտին է հայտարարվում և ուսումնական հաստատություններն են փակվում: Այս օրերին շատ գործընթացներ տարածություն և միջոց չեն ճանաչում: Այս տրամաբանությամբ է, որ դասերն ու ընդհանրապես ուսումնական գործընթացը շատ չտուժեն։ Կրթության, գիտության, մշակույթի և սպորտի նախարարությունը հայտարարեց` Հայաստանի կրթական համակարգն անցնում է հեռավար ուսուցման: Ուսուցման այդ մեթոդը կազմակերպվում է յուրովի. մեկը սոցիալական ցանցերի միջոցով, մյուսը՝ տեխնիկական այլ միջոցներով և այսպես շարունակ:

«Շանթ» հեռուստաընկերությունն էլ, կարևորելով գիտելիքի ձեռքբերման անընդհատությունն ու դրա նշանակությունն առհասարակ, ավելացնում է հեռավար ուսուցման հարթակներից մեկը` առաջարկելով Shant Digital TV հավելվածը:

Սովորաբար HD ալիքների հայկական հավելվածից օգտվելու հնարավորություն են ունենում նրանք, ովքեր համապատասխան վճարով բաժանորդագրված են դրան: Այս դեպքում, սակայն, ամեն ինչ այլ է:

Ուշադրություն, անգամ եթե Shant digital TV հավելվածի բաժանորդ չեք, բայց ցանկանում եք ծանոթանալ օրվա դասերին, որը տրամադրել է նախարարությունը, մենք կընձեռենք ձեզ այդ հնարավորությունը: Ի՞նչ է պետք անել: Պարզապես ներբեռնել հավելվածը և գրանցվել: Դրանից հետո հավելվածում կգտնեք «Տեսադարան» բաժինը: Այդ բաժնում միայն ուսումնական ենթաբաժինը կլինի հասանելի բոլորի համար, միանգամայն անվճար սկզբունքով: Կենսաբանություն, Մայրենի լեզու, Մաթեմատիկա և այլն, այսինքն՝ այն բոլոր առարկաները, որոնք աշակերտներն անցնում են դպրոցում: Յուրաքանչյուր դասարանի համար կլինեն համապատասխան դասեր:

Ոչինչ չի փոխվում, պարզապես ժամանակն ու տարածությունն է այլ: Իսկ նրանց համար, ովքեր չգիտեն՝ որտեղից և ինչպես ունենալ Shant Digital Tv, ասենք, որ դրա համար մի քանի տարբերակ կա:

Հեռախոսների դեպքում, կախված համակարգից` IOS կամ Android, մտնում եք ներբեռնման համար նախատեսված համապատասխան բաժինը և որոնում Shant Digital TV: Ներբեռնում եք այն և գրանցվում:

Հավելվածից կարող են օգտվել նաև ոչ միայն սմարթֆոնների և թաբերի օգտատերերը, այլ նաև հեռուստատեսային լսարանը սմարթ բոքսերով և սմարթ հեռուստացույցներով: Ասել է, թե ընդամենը մի քանի րոպե և դուք կկարողանաք ձեր դասերը նաև սովորել Shant Digital TV-ի հետ` հարմարավետ ու հեշտ հասանելի տարբերակով: Ամենակարևորը՝ գրանցվելով և մուտք գործելով հարմարավետ տեսադարանում, դուք հնարավորություն ունեք ընտրել ձեր ցանկացած դասը առաջարկվող համարակալված տեսադասերից:

Տանը մնալով՝ դուք ստիպված չեք դասերը սովորելու համար գամված մնալ տեղում մի էկրանի միջոցով դաս սովորելու համար, մենք հոգացել ենք այս ամենի հասանելիության մասին շարժական միջոցների օգտագործմամբ նույնպես:

Սա էլ դեռ ամենը չէ: Հեռավար կրթությանն աջակցելու կոչին առաջիններից արձագանքած «Ռոստելեկոմ» ընկերության ընձեռած հնարավորությունը, որը թույլ է տալիս անվճար հասանելի լինել տեսադասերին ու կրթություն ստանալ՝ առանց ուսումնական հաստատություն հաճախելու, նույնպես ներառվել է Shant Digital TV հավելվածում, որպես նոր ալիք: Մուտք գործելով հավելված՝ պարզ քայլերի միջոցով կարող եք հայտնվել ուսուցողական ալիքի վրա և շարունակել համալրել ձեր գիտելիքները: