10:44 19.12.2017
Հերիխ Մխիթարյանը կարող է խաղադաշտ դուրս գալ Լիգայի գավաթի «Բրիստոլ»-ի դեմ խաղում: Մոուրինյոյի խոսքերը փոխանցում է Manutd.ru-ն:
«Ես մի քանի փոփոխություն կկատարեմ կազմում, սակայն ոչ շատ, քանի որ «Բրիստոլ»-ը առաջնության լավագույն թիմերից է, իսկ այս մրցաշրջանը ամենևին էլ նույնը չէ, ինչ 5-10 տարի առաջ: Այժմ առաջնությունում կան շատ բարձրակարգ թիմեր, որոնցից շատերը կարող են հեշտությամբ մրցել Պրեմիեր լիգայում: Այնպես որ ես այդքան էլ շատ փոփոխություններ չեմ անի: Հնարավոր է, որ Միկին խաղա այդ խաղում: Ինչպես արդեն ասել եմ, հիմա դժվար է նրա համար տեղ գտնել հիմնական կազմում…», – ասել է կարմիր «Մանչեսթր Յունայթեդի» գլխավոր մարզիչ Ժոզե Մոուրինյոն:
21:11 18.12.2017
DailyMail-ի հաղորդմամբ «Մանչեսթեր Յունայթեդը» շարունակում է դիտարկել ձմռանը Հենրիխ Մխիթարյանին վաճառելու տարբերակը։ Աղբյուրի հաղորդմամբ, անգլիական ակումբը Մխիթարյանին ամենաքիչը 35 մլն ֆունտի դիմաց բաց կթողնի։ «Մանչեսթեր Յունայթեդը» Մխիթարյանին ձեռք է բերել 2016 թ 27 մլն ֆունտով:
Հիշեցնենք, որ Մխիթարյանի ծառայություններով հետաքրքրված են Միլանի «Ինտերը»,Դորտմունդի «Բորուսիան» ու թուրքական «Բեշիքթաշը»:
16:53 18.12.2017
Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը համաձայնել է տեղափոխվել «Ինտեր»:
Այս մասին «Corriere dello Sport»-ին հղում կատարելով` հայտնում է «Football Italia»-ն:
Աղբյուրի փոխանցմամբ, «Ինտերը» անում է ամեն ինչ, որպեսզի Մխիթարյանի տեղափոխությունը կայանա, և արդեն կապ է հաստատել նաև Մխիթարյանի գործակալ Մինո Ռայոլայի հետ:
Սակայն, դեռևս հայտնի չէ` արդյոք Մխիթարյանն «Ինտեր» կտեղափոխվի վարձակալությա՞ն, թե՞` մշտական հիմունքներով:
Հիշեցնենք, որ Մխիթարյանի ծառայություններով հետաքրքրված են նաև Դորտմունդի «Բորուսիան» ու թուրքական «Բեշիքթաշը»
10:55 18.12.2017
Թուրքական «Բեշիքթաշ» ֆուտբոլային ակումբը Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի վրա «աչք է դրել»: Նման հրապարակմամբ է հանդես եկել թուրքական «Kanalahaber» լրատվական կայքը:
Աղբյուրի պնդմամբ՝ ակումբի խաղացողներից բրազիլացի կիսապաշտպան Անդրեաս Թալիսկայի հետ պայմանագիրը շուտով ավարտվում է, և ակումբը ցանկություն ունի նրան փոխարինել Մխիթարյանով:
Կայքի բնորոշմամբ այն բանից հետո, երբ «Մանչեսթեր Յունայթեդի» մարզիչ Ժոզե Մոուրինիոն ակնարկել է, որ այլևս Մխիթարյանին չի տեսնում իր թիմում, «Բեշիքթաշ»-ի ղեկավարությունը հայ ֆուտբոլիստին ձեռք բերելու համար «գործի է անցել»:
Հիշեցնենք, որ ավելի վաղ Մոուրինիոն հայտարարել էր, որ «Մանչեսթեր Յունայթեդը» պատրաստ է հունվարին վաճառել կիսապաշտպան Հենրիխ Մխիթարյանին և պաշտպան Լյուկ Շոուին:
Մխիթարյանի ծառայություններով հետաքրքրված են նաև Դորտմունդի «Բորուսիան» ու Միլանի «Ինտերը»:
14:53 16.12.2017
«beIN SPORTS»-ը ծաղրանկար է ներկայացրել անգլիական «Մանչեսթեր Յունայթեդի» կիսապաշտպան Հենրիխ Մխիթարյանի և գլխավոր մարզիչ Ժոզե Մոուրինյուի միջև կոնֆլիկտի վերաբերյալ:
09:55 16.12.2017
Ծաղրանկարիչ Օմար Մոմանին անդրադարձել է անգլիական «Մանչեսթեր Յունայթեդի» հայ կիսապաշտպան Հենրիխ Մխիթարյանի և թիմի գլխավոր մարզիչ Ժոզե Մոուրինյուի հարաբերություններին:
«Արդյո՞ք սա Մոուրինյուի` Մխիթարյանից ազատվելու ծրագիրն է»,- գրել է Մոմանին թվիթերյան իր միկրոբլոգում:
16:07 14.12.2017
«Հենրիխ Մխիթարյանը թոփ կարգի խաղացող է և նրա ողջ կարիերան զարգացումների վրա է հիմնված», նման կարծիք է հայտնել հայտնի մարզական մեկնաբան Նոբել Առուստամյանն այսօր Երևան-Մոսկվա տեսակամուրջի ընթացքում:
15:27 14.12.2017
«Մանչեսթեր Յունայթեդի» գլխավոր մարզիչ Ժոզե Մոուրինյուն ԱՊԼ-ի 17-րդ տուրի` «Բորնմուտի» հետ խաղից հետո բացատրել է, թե ինչու չի խաղում մանկունիացիների հայ կիսապաշտպան Հենրիխ Մխիթարյանը:
«Պահեստայինների նստարանաին կարող են 6 ֆուտբոլիստներ լինել, և իսկ ես փորձում եմ պահպանել հավասարակշռությունը: Իմ ենթակայության տակ 2 պաշտպան կա, ովքեր կարող են խաղալ տարբեր դիրքերում, ինչպես նաև Էշլի Յանգը, Անդեր Էրերան, Զլատան Իբրահիմովիչն ու Մարկուս Ռեշֆորդը:
Հիմնական կազմում ես դաշտ դուրս բերեցի Մարսիալին, Մատային և Լինգարդին: Եթե ես օգտագործեի Մխիթարյանին, ապա այդ տղաներից մեկը հայտացուցակից պետք է դուրս մնար: Բայց այսօր ես կարծում եմ, որ նրանք արժանի են խաղադաշտ դուրս գալ»,- Մոուրինյուի խոսքերն է փոխանցում «Մանչեսթեր Յունայթեդի» մամուլի քարտուղարությունը:
Մխիթարյանը վերջին անգամ խաղադաշտ է դուրս եկել նոյեմբերի 25-ին ԱՊԼ-ի 13-րդ տուրի` «Բրայթոն էնդ Հոուվ Ալբիոնի» հետ խաղում :
15:18 12.12.2017
ՀՀ Սպորտի և երիտասարդության հարցերի նախարարության կողմից կազմակերպված 2017 թվականի «Տարվա 10 լավագույն մարզիկներ» մրցույթին մասնակցող մարզիկների ցանկում, այս տարի առաջին անգամ ընդգրկվել է Հայաստանի ազգային հավաքականի ավագ Հենրիխ Մխիթարյանը:
ՀՖՖ-ն կոչ է անում քվեարկել Հենրիխ Մխիթարյանի օգտին:
«Արդեն մեկնարկել է sms քվեարկությունը և երկրպագուները, որոնք ցանկանում են ընդգրկել Հենրիխ Մխիթարյանին տարվա լավագույն մարզիկների տասնյակում պետք է հաղորդագրություն ուղարկեն 1006 կարճ համարին եւ նշեն մեր ֆուտբոլիստի համարը նախարարության կողմից հրապարակված անվանացանկում՝ 18: Խորհրդանշանական է, որ 18-ը նաեւ Մխիթարյանի խաղային համարն է մեր ազգային հավաքականում»,- ասվում է ՀՖՖ-ի պաշտոնական կայքի տարածած հաղորդագրության մեջ:
Սահմանված նոր կանոնակարգի համաձայն Հայաստանի լավագույն մարզիկներն ընտրվելու են հավատարմագրված լրագրողների և sms քվեարկության միջոցով, որին կարող են մասնակցել բոլորը: Քվեարկությանը շարունակվելու է մինչև 2017 թվականի դեկտեմբերի 25-ը ժամը 18:00-ն, մեկ հեռախոսահամարից կարելի է ուղարկել միայն մեկ SMS հաղորդագրություն (արժեքը՝ 50 ՀՀ դրամ):
«Instagram»-ի իր էջում կատարած գրառումով Մխիթարյանի օգտին քվեարկելու կոչ է արել նաև ֆուտբոլիստի քույրը` Մոնիկա Մխիթարյանը:
13:03 09.12.2017
Հայտնի ծաղրանկարիչ Օմար Մոմանին, «Մանչեսթեր Յունայթեդի» ֆուտբոլիստներ Հենրիխ Մխիթարյանին, Խուան Մատային և Զլատան Իբրահիմովիչին պատկերել է սկանդինավյան դիցաբանության աստվածների կերպարում:
10:17 09.12.2017
ՀՀ սպորտի և երիտասարդության հարցերով նախարարությունը ներկայացրել է «Տարվա 10 լավագույն մարզիկներ» մրցույթին մասնակցող 25 մարզիկների անունները:
Լավագույն մարզիկի կոչման համար կպայքարեն՝
1. Արթուր Ալեքսանյան, հունահռոմեական ըմբշամարտ
2. Ռուբեն Ալեքսանյան, ծանրամարտ
3. Լևոն Արոնյան, շախմատ
4. Հովհաննես Բաչկով, բռնցքամարտ
5. Լևան Բերիանիձե, ազատ ոճի ըմբշամարտ
6. Անաստասիա Գալուստյան, գեղասահք
7. Գրիգոր Գրիգորյան, ազատ ոճի ըմբշամարտ
8. Արթուր Թովմասյան, մարմնամարզություն
9. Անդրանիկ Կարապետյան, ծանրամարտ
10. Գեորգի Կետոև, ազատ ոճի ըմբաշամարտ
11. Տիգրան Կիրակոսյան, սամբո
12. Մաքսիմ Մանուկյան, սամբո
13. Մաքսիմ Մանուկյան, հունահռոմեական ըմբշամարտ
14. Սիմոն Մարտիրոսյան, ծանրամարտ
15. Հարություն Մերդինյան, մարմնամարզություն
16. Գոռ Մինասյան, ծանրամարտ
17. Սերգեյ Միքայելյան, դահուկային սպորտ
18. Հենրիխ Մխիթարյան, ֆուտբոլ
19. Գրիգոր Մխիթարյան, սամբո
20. Լիլիթ Մկրտչյան, հրաձգություն
21. Սարգիս Սարգսյան, ուշու
22. Էդգար Ստեփանյան, հեծանվային սպորտ
23. Սերգեյ Վարդազարյան, թաեքվանդո
24. Վաչիկ Վարդանյան, սամբո
25. Վոլոդյա Ֆրանգուլյան, ազատ ոճի ըմբշամարտ
21:03 05.12.2017
Ռուսական Матч ТВ հեռուստաալիքը ֆիլմ է պատրաստել Հայաստանի հավաքականի և «Մանչեսթեր Յունայթեդի» կիսապաշտպանի մասին:
15:00 05.12.2017
Չեմպիոնների լիգայի խաղարկության վերջին տուրի` Մոսկվայի ԲԿՄԱ-ի հետ խաղից առաջ, «Մանչեսթեր Յունայթեդի» ֆուտբոլիստները ժամանել են «The Lowry» հյուրանոց:
Ինչպես տեղեկացնում է «Manchester Evening News»-ը Հայաստանի ազգային հավաքականի կիսապաշտպան Հենրիխ Մխիթարյանը բացակայում է հայտացուցակից:
Ըստ աղբյուրի` ակումբի վերջնական հայտացուցակն ունի հետևյալ տեսքը.
Սերխիո Ռոմերո, Ժոել Պերեյրա, Կիերան Օ’Հարա, Անտոնիո Վալենսիա, Մատեո Դարմիան, Աքել Տուանզեբե, Քրիս Սմոլինգ, Վիկտոր Լինդելյոֆ, Էշլի Յանգ, Լյուկ Շոու, Խեսե Լինգարդ, Սքոթ ՄակՏոմինայ, Անդեր Էրերա, Պոլ Պոգբա, Խուան Մատա, Ռոմելու Լուկակու, Մարկուս Ռեշֆորդ, Անտոնի Մարսիալ:
Չեմպիոնների լիգայի խմբային փուլի վերջին խաղում «Մանչեսթեր Յունայթեդ»-ն այսօր կհյուրընկալի ԲԿՄԱ-ին: Հանդիպումը կմեկնարկի Երևանի ժամանակով 23:45-ին:
10:36 05.12.2017
«Մանչեսթեր Յունայթեդի» վերջին մի քանի հանդիպումների հայտացուցակում չհայտնված Հենրիխ Մխիթարյանը այսօր հնարավոր է խաղադաշտ դուրս գա: Այսպիսի կանխատեսումներ են անում բրիտանական պարբերականները: Չեմպիոնների լիգայի ընթացիկ խաղարկության խմբային փուլի վերջին տուրի շրջանակում անգլիական ակումբը «Օլդ Թրաֆորդ» մարզադաշտում կընդունի Մոսկվայի ԲԿՄԱ-ին: Հանդիպմանը թիմի հետ նախապատրաստվել է նաև Հայաստանի ազգային հավաքականի ավագ, կիսապաշտպան Հենրիխ Մխիթարյանը:
16:29 04.12.2017
«Մանչեստր յունայթեդի» գլխավոր մարզիչ Ժոզե Մոուրինյոն նշել է այն պատճառը, ըստ որի Ջեյսի Լինգարդին գերադասում է Հենրիխ Մխիթարյանից, հաղորդում է բրիտանական «Manchester evening news»-ը:
«Անգլիացին ավելի լավ է համապատասխանում 3-5-2 սխեմային, որն օգտագործվել է վերջին շաբաթում», – ասել է պորտուգալացի մասնագետը, իսկ «Արսենալի» հետ խաղից հետո ասել է, որ Լինգարդը լավ է խաղացել: Նա արեց այն, ինչ իրենից պահանջվում էր պաշտպանությունում, ինչպես նաև գրոհների եզրափակիչ փուլում:
«Նախամրցաշրջանային հավաքներին փորձում էինք 3 պաշտպաններով խաղալու սխեման: Երբ հանդես ես գալիս երկու հարձակվողներով, քեզ պետք է, որպեսզի կիսապաշտպանները մասնակցեն գրոհների եզրափակմանը և Լինգարդը դա արեց», – ասել է Մոուրինյոն:
12:13 02.12.2017
Հայտացուցակից բացակայում են Հենրիխ Մխիթարյանը և Զլատան Իբրահիմովիչի անունները: Ֆուտբոլի Անգլիայի առաջնության 15-րդ տուրի շրջանակներում «կարմիր սատանաները» արտագնա խաղում կմրցեն «Արսենալ»-ի հետ: Հանդիպումը կկայանա դեկտեմբերի 2-ին և մեկնարկի Երևանի ժամանակով 21:30-ին:
19:19 30.11.2017
Անգլիական Մանչեսթր Յունայթեդի վերջին 4 խաղերից միայն մեկում՝ Բրայթոնի դեմ խաղում է հայ կիսապաշտպան Հենրիխ Մխիթարյանը մասնակցել, այն էլ փոխարինման էր դուրս եկել 71-րդ րոպեից և անցկացրել դժգույն խաղ, ինչի համար էլ ստացել էր ցածր գնահատական:
14:15 27.11.2017
«Adidas»-ը նոր տեսանյութ է ներկայացրել, որտեղ «Մանչեսթեր Յունայթեդի» ֆուտբոլիստներ Հենրիխ Մխիթարյանը, Պոլ Պոգբան, Խուան Մատան և Նեմանյա Մատիչը մարզվում են ընկերության թիմի հետ:
Մարզման մասնակիցները փորձարկել են «Adidas»-ի «Predator» խաղակոշիկները, իսկ ՄՅՈւ-ի ֆուտբոլիստները խորհուրդներ են տվել «Adidas»-ի թիմի երիտասարդ տղաներին:
11:19 25.11.2017
«Մանչեսթեր Յունայթեդի» կիսապաշտպան Հենրիխ Մխիթարյանը կարող է վերադառնել Դորտմունդի «Բորուսիա»: Այս մասին հաղորդում է 101 Great Goals՝ հղում կատարելով The Times-ին:
Աղյուրի տվյալների համաձայն անգլիական ակումբը դեմ չէ վաճառել 28-ամյա կիսապաշտպանին, որպեսզի հետ բերի այն գումարների մի մասը, որը ծախսվել էր 2016 թվականին նրան ձեռք բերելու վրա: Եթե ակումբի ղեկավարության դիրքորոշումը չփոխվի Մխիթարյանի վաճառքի հարցում, ապա «Բորուսիան» կլինի այն ակումբներից մեկը, որը կփորձի ձեռք բերել կիսապաշտպանին:
Հիշեցնենք, որ Մխիթարյանը հանդես է եկել Դորտմունդի «Բորուսիայում» 2013-2016 թվականներին, ինչից հետո շուրջ 30 միլիոն եվրոյով տեղափոխվել էր «Յունայթեդ»:
11:08 25.11.2017
«Մանչեսթեր Յունայթեդի» գլխավոր մարզչի Ժոզե Մոուրինյուն խոսել է Հայաստանի ազգային հավաքականի կիսապաշտպան Հենրիխ Մխիրթարյանի մասին, որը վերջին խաղերում չի ընդգրկվում մանկունյացիների մեկնարկային կազմում:
«Ես դժգոհ էի վերջին խաղերում Մխիթարյանի ելույթներից: Նա շատ լավ սկսեց մրցաշրջանը, բայց հետո, քայլ առ քայլ սկսեց հետ գնալ:
Նրա օգտակարությունը՝ գոլերը, գոլային փոխանցումներն ու պրեսինգները սկսեցին նվազել: Դա արդեն բավական է, որ ես շանս տամ այլ ֆուտբոլիստների»,-Մոուրինյուի խոսքերն է փոխանցում Sky-ը:
17:09 24.11.2017
ՅՈՒՆԻՍԵՖ Հայաստանը հրապարակել է տեսանյութ, որտեղ բացահայտում է, թե ով է այսօր վարում Հայաստանի ազգային հավաքականի և «Մանչեսթեր Յունայթեդի» կիսապաշտպան, Հայաստանում ՅՈՒՆԻՍԵՖ-ի բարի կամքի դեսպան Հենրիխ Մխիթարյանի ֆեյսբուքյան էջը.
11:45 24.11.2017
Երեկ գիշերվանից լուրեր էին շրջանառվում, որ Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի ֆեյսբուքյան էջ էջը հակերային հարձակման է ենթարկվել: Ֆուտբոլիստը «Թվիթերի» իր միկրոբլոգում տեղեկացրել է, որ այսօրվա ընթացքում իր ֆեյսբուքյան էջը վարելու են երեխաները.
11:09 24.11.2017
Ինչպես պարզ է դառնում Հայաստանի ազգային հավաքականի և անգլիական «Մանչեսթեր Յունայթեդի» կիսապաշտպան Հենրիխ Մխիթարյանի Facebook-յան էջից հաքերային հարձակման է ենթարկել և կոտրել ֆուտբոլիստի սոցիալական էջը: Հաքերները փոխել են Հայաստանաի ազգային հավաքականի ավագի էջի ետնանկարն ու գլխավոր նկարը: «Պատրաստ եղիր, սոց. ցանցերի մյուս էջերն էլ են հարձակման ենթարկվելու», – այս գրությամբ լուսանկարն է հայտնվել Մխիթարյանի Facebook-յան էջի գլխավոր […]
11:44 23.11.2017
Այդ մասին հայտնում է ֆրանսիական L’Equipe պարբերականը: Աղբյուրի տեղեկություններով, հաջորդ մրցաշրջանում «Ման. Յունայթեդ»-ը պատրաստվում է կազմը համալրել Մադրիդի «Ատլետիկո»-ի հարձակվող Անտուան Գրիզմանով, ով կխաղա Մխիթարյանի դիրքում:
17:43 22.11.2017
ՈւԵՖԱ-ն իր պաշտոնական կայքում ներկայացրել է այն ֆուտբոլիստների ցանկը, ովքեր հավակնում են ընդգրկվել 2017 թվականի խորհրդանշական հավաքականում: Հավակնորդների թվում է նաև Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը:
18:54 21.11.2017
«Մանչեսթեր Յունայթեդը» շարունակում է պատրաստվել շվեյցարական «Բազելի» դեմ Չեմպիոնների լիգայի խմբային փուլի 5-րդ տուրի խաղին։
Բրիտանական The Sun պարբերականը լուսանկարներ է հրապարակել ակումբի հերթական մարզումից և արձանագրել, որ հայ կիսապաշտպանը բավականին միայնակ տեսք ունի:
09:50 18.11.2017
Հենրիխ Մխիթարյանի մասին պատմող վավերագրական ֆիլմը՝ հայերեն
12:39 17.11.2017
MUTV-ն նկարահանումները կատարել է նաև Հայաստանում: Ֆիլմը կոչվում է «Միկին` հայ հերոսը»:
14:58 14.11.2017
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի լուսանկարը հայտնվել է Inside United ամսագրի նոր համարի շապիկին: Պարբերականը ներկայացնում է 28-ամյա ֆուտբոլիստի անցած ճանապարհը Հայաստանից Անգլիա:
16:28 13.11.2017
Անգլիական «Մանչեսթեր Յունայթեդը» նոյեմբերի 16-ին նախատեսված Հայաստանի հավաքականի ավագ Հենրիխ Մխիթարյանի մասին պատմող վավերագրական ֆիլմի պրեմիերային ընդառաջ խաղարկություն է կազմակերպել, որի ժամանակ խաղարկվելու է հայազգի ֆուտբոլիստի ստորագրությամբ խաղակոշիկ:
